Tuesday, November 30, 2010

ctrl N C V A X Z -2

இப்ப செங்குத்தான கோடு ஒண்ணு உரையிலே பாத்தோமே? ஆங், அதான் கர்சர். அது எங்கே இருக்கு? இப்பதான் டைப் பண்ணி முடிச்சதாலே ஆச்சரியக்குறிக்கு அடுத்ததா இருக்கும். ரைட். இப்ப இந்த வரி முழுவதும் தேர்ந்தெடுக்கணும். அதுக்கு என்ன செய்ய. இடது பக்கம் ctrl விசைக்கு மேலே shiftன்னு ஒரு விசை இருக்கு பாருங்க. அதை இடது கை விரல் ஏதாவது ஒண்ணால அழுத்திக்குங்க. விசைப்பலகையிலே வலது பக்கம் பாத்தா நாலு விசைகள் அம்புக்குறி போட்டு இருக்கும். ஒவ்வொண்ணும் ஒவ்வொரு பக்கம் காட்டும். அதில இடது பக்கம் காட்டற அம்புக்குறி விசையை அழுத்திப்பிடிங்க. எழுத்துக்கள் எல்லாம் ஒவ்வொண்ணா கலர் பட்டை அடிக்கப்படும். தேவையான வரை பட்டை அடிச்சதும் - அதாவது தேர்ந்தெடுத்ததும்- விரல்களை எடுத்துடலாம். இப்ப ctrl+C அமுக்குங்க.

ctrl+C காப்பி ஆச்சு!
From shortcuts

தேர்ந்தெடுத்தது பிரதி எடுத்தாச்சு. அட, எங்கே பிரதி எடுத்திருக்குன்னா... ஒரு ஒட்டுப்பலகையிலே. அதை பார்க்க முடியாது. அதாவது இப்ப நாம பிரதி எடுன்னு சொன்னதை கணினி நினைவு வெச்சு இருக்கு. அது கணினியை மின் நிறுத்தம் செய்யும் வரைக்கோ அல்லது வேற ctrl+C கட்டளை வரும் வரைக்கோ இதை நினைவு வெச்சு இருக்கும்.

ரைட் இப்ப அடுத்த லைன்னுக்கு போய் - அதுக்கு என்ன செய்யணும்ன்னு தெரியுமே, கேரியேஜ் ரிடர்ன் அடிக்கணும்; இங்கே விசைப்பலகையிலே அதுக்கு enterன்னு ஒரு விசை இருக்கு- ctrl+V அடிங்க. [பேஸ்ட் க்கு P தானே அடிக்கணும்? இல்லை! அதை ஏற்கெனவே அச்சடிக்க பயன்படுத்தறோம்.] நாம தேர்ந்தெடுத்தது இப்ப ஒட்டப்படும். அடுத்த வரிக்கு இதையே திருப்பியும் செய்யுங்க! அட திருப்பியும் ஒட்டுது! ஒரு தரம் ஒட்டியதோட அதை மறக்கலை. ஏவ்வ்வளோதரம் இதையே ஒட்டச்சொன்னாலும் ஒட்டிகிட்டே இருக்கும்.

ctrl+V பத்து தரம்!
From shortcuts

பத்து தரம் ஒட்டியாச்சா? சரி, இப்ப இதை சேமிக்கலாமா? ஏன் சேமிக்கணும்? இதையே முன்னே திறந்திருக்கிறதுலேயே ஒட்டி சேமிச்சா ஒரு கோப்பு மிச்சம்! அதையும்தான் செய்யலாமே? இப்ப எல்லாத்தையும் வெட்டி பழைய கோப்பிலே ஒட்டிட்டாப்போச்சு!

எழுதின எல்லாத்தையும் தேர்ந்தெடுக்க கர்சரை கடைசி வரி கடைசி எழுத்திலே வெச்சு முதல் வரி முதல் எழுத்து முடிய... வேணாம்! உங்களை இவ்வளோ கஷ்டப்படுத்தறது ஞாயம் இல்லை. ctrl+A அழுத்துங்க. அத்தைனையும் தேர்ந்தெடுக்கப்படும். A? All. இப்ப ctrl+X அமுக்குங்க. எல்லாத்தையும் வெட்டிடும். பழைய கோப்பில ஒட்ட வேண்டிய இடத்தில சொடுக்குங்க. ctrl+V அடிங்க. அட! பத்து வரியும் அழகா ஒட்டிக்கிச்சு.

ctrl+A பத்து வரிகளும் தேர்ந்தெடுத்தாச்சு!
From shortcuts

ஒட்டினப்பறம் ச்சே! இங்கே ஏன் ஒட்டினோம்? வேற இடத்திலே ஒட்டி இருக்கலாமேன்னு தோணுதா?
ஓகே! ctrl+ Z இது விசை. அதாவது செஞ்சதை ம்ம்ம்... அம்ம்ம்ம்... செய்யாம ஆக்கிடும்! :)

வேற இடத்திலேஒட்டணுமே! ம்ம்ம் செஞ்சாப்போச்சு! திருப்பி ctrl+V அடிங்க. திருப்பியும் ஒட்டும். வரிகளை வெட்டியதால வெட்டின இடத்திலே காணாமப்போகுது என்கிறதை தவிர இதுவும் ctrl+V மாதிரிதான்.

தப்பா ஏதாவது டைப் பண்ணா அதை அழிக்கணுமே! தேர்ந்தெடுத்து டெல் விசையை அமுக்கலாம். விசைப்பலகையிலே வலது பக்கம் மேலே பாத்து கண்டு பிடிங்க.

Monday, November 29, 2010

ctrl N C V A X Z

"ப்ரின்ட்" மேலே சொடுக்கும் போது கவனிச்சு இருப்பீங்க. பக்கத்திலேயே ctrl+Pன்னு எழுதி இருந்து இருக்கும். விண்டோஸ் நமக்கு என்ன சொல்லுதுன்னா நீங்க செய்ய நினைக்கிறதுக்கு ஒரு சுருக்கு வழி இருக்கு; ctrl விசையையும் கூட அதே நேரத்தில P எழுத்து விசையையும் அழுத்தினா இந்த கட்டளை வேலை செய்யும். இப்ப செய்து பாருங்க. Ctrl விசை எங்கே இருக்கு? இடது கீழ் கோடியிலே இருக்கு. வலது பக்கமும் ஒண்ணு இருக்கு. ரெண்டுத்துலே எதை வேணுமானா அழுத்தலாம்.

அட சுலபமா இருக்கே! இதுக்கு மெனுவை திறந்து அவஸ்தை பட வேண்டாமே! ஆமாம், நிரல்ல இருந்தா போதும் பல சுருக்கு வழிகள் இருக்கு. ஒரு சின்ன பட்டியல் பார்க்கலாமா?
ctrl+N new புதுசா ஒரு கோப்பை துவக்க.
ctrl+O open ஒரு கோப்பை திறக்க
ctrl+S save மாற்றங்களை சேமிக்க
ctrl+C copy தேர்ந்தெடுக்கறதை பிரதி எடுக்க
ctrl+X cut தேர்ந்தெடுக்கறதை வெட்ட
ctrl+V paste ஒட்ட
ctrl+F find தேட
அது சரி வெட்ட ஒட்ட இதெல்லாம் என்னது?
எல்லாத்தையும் மெதுவா பார்க்கலாம்.இப்ப லிஸ்ட்டை நாலு தரம் படிங்க!

இப்ப greatest.txt திறந்து வெச்சு இருக்கு இல்லையா? ctrl+N அழுத்துங்க. அதாவது ctrl விசையையும் N எழுத்து விசையையும் ஒரே நேரத்துல அழுத்துங்க. (இந்த ஒரே நேரத்துல அழுத்தறது என்பது இப்ப பிடிபட்டு போச்சில்ல?) விண்டோஸ் புதுசா ஒரு நோட்பேட் கோப்பை துவக்கிடும். அதில நம்ம எக்ஸைட்மென்ட்டை காட்ட டைப் அடிங்க! This is simply fantastic! ஹும்! ஒரு தரம் எழுதினா போதுமா? பத்து தரமாவது எழுதத்தோணுதே! மாஞ்சு மாஞ்சு பத்து தரம் எழுத வேணாம். இன்னும் சுலபமான வழி ஒண்ணை கொஞ்சம் பொறுமையா கத்துக்கலாம்.

Friday, November 26, 2010

நோட்பேட் எடிட்...

ஒரு வழியா திருப்பியும் திறந்தாச்சா? அதுல எதுவும் மாற்றம் செய்யும் முன்னே மத்த விஷயம் பார்க்கலாம்.
இந்த மெனு சமாசாரங்களை பாத்துடலாம். ஒவ்வொரு மெனுவிலேயும் என்ன இருக்குன்னு பார்க்கலாம். ஒண்ணும் மாத்தாம ஒவ்வொண்ணுத்தையும் சொடுக்கி, வர பெட்டிகளை எல்லாம் கவனிங்க. அதுக என்ன சொல்லுதுன்னு பாத்து வெச்சுக்குங்க. இன்னொரு சமயம் இந்த அமைப்பை எல்லாம் மாத்தறது எப்படின்னு பார்க்கலாம். இல்லை இப்போதைக்கு எதை வேணா பண்ணி அப்புறம் ஓகேன்னு சொல்லாம கான்சல் ன்னு சொடுக்கிட்டு வெளியே வந்துடலாம். சும்மா பூந்து விளையாடுங்க. சரி பண்ண முடியாத பெரிய தப்பு ஒண்ணும் பண்ண முடியாது.

From notepad

From notepad

From notepad

From notepad

இப்ப இன்னொரு வரி கோப்பிலே எழுதலாம். so say all of us! எழுதிட்டு முன்னே மாதிரி பைல் மெனுவிலே சேவ் சொடுக்கினா .... அது பாட்டுக்கு தெமேன்னு இருக்கும். முன்னே மாதிரி பொட்டி தெறந்து என்ன எங்கேன்னு எல்லாம் கேட்காது. ஏன் அப்படி? அதுக்கு ஏற்கெனவே எங்கே சேமிச்சோம்ன்னு தெரியும். கோப்பு பேரும் தெரியும். வேற தகவல் ஒண்ணும் வேண்டாம் என்கிறதாலே பொட்டி எதுவும் திறக்காது.
சரி ஆனா இப்ப வேற இடத்திலே சேமிக்கணும் அல்லது நிறைய எழுதிட்டேன், வேற பேர்ல சேமிக்கணும்ன்னா என்ன செய்யறது? பைல் மெனுல சேவ் ஆஸ் ன்னு இருக்கு பாருங்க. அதை சொடுக்கினா திருப்பியும் பொட்டி திறக்கும். புது பேரை தேர்ந்தெடுத்து சேமிக்கலாம். இத்தனையும் செஞ்ச பிறகு பழைய கோப்பு பழைய இடத்திலேயே இருக்கும். ஏன்னா இப்ப இது ஒரு புது கோப்பா கணிக்கப்படுது.

புதுசா நாலு வரி டைப் அடிக்கிறீங்க. அப்புறம் சேமிக்காமலே வெளியே போகறீங்க. முன்ன்ன்ன்ன்ன்ன்ன் காலத்திலே இப்படி செஞ்சா அவ்வளொதான். கோப்பு போயே போச்சு. போயிந்தி. இட்ஸ் கான்!
அப்புறம் விண்டோஸே கொஞ்சம் புத்திசாலி ஆக ஆரம்பிச்சது. அப்பறம் சேமிக்காம மூடப்பாத்தா மூடாம கேள்வி கேக்கும். மாற்றங்கள் இருக்கே சேமிக்கவா, சேமிக்காம மூடவா, ரத்து பண்ணவா? ஒவ்வொன்னுத்துக்கும் ஒரு சின்ன பொட்டி போட்டு எதையாவது சொடுக்கச்சொல்லும். சேமின்னு சொன்னா அதுக்கான வேலை ஆரம்பிக்கும். சேமிக்காதேன்னா (நெஜமாவா?) சரின்னு சேமிக்காமலே மூடிடும். ரத்து பண்ணுன்னா? ஹிஹிஹி ஆரம்பத்திலே ஒண்ணும் புரியாத காலத்திலே இது ரொம்ப வசதி. என்ன செய்யறோம்ன்னு நிச்சயமா தெரியலைன்னா இதை அமுக்கிட்டு யோசிக்கலாம். அதாவது மூடுங்கிற கட்டளை ரத்து ஆகிடும்.
புது வரி ஒண்ணை எழுதினபின்னே வேற இடத்திலே இதை சேமிக்க விரும்பறீங்க. என்ன செய்யறது? ம்ம்ம்ம் வேற எங்கே சேமிக்கலாம்? சாதாரணமா கோப்புகள் எல்லாம் சேமிச்சு வைக்கிறது my documents லே. பைல் மெனுல சேவ் ஆஸ் ன்னு இருக்கு பாருங்க. அதை சொடுக்கினா திருப்பியும் பொட்டி திறக்கும். புது இடத்துக்கு my documents தேர்ந்தெடுத்து சேமிக்கலாம். இப்ப my documents ல போய் பார்த்தா அது இருக்கும். அதுக்கு எப்படி போறது? முன்னே மாதிரி செய்த மாதிரி ஸ்டார்ட்> ஆக்ஸசரீஸ் > விண்டோஸ் எக்ஸ்ப்லோரர், இப்படிப்போய் விண்டோஸ் எக்ஸ்ப்லோரர் ஐ சொடுக்கினா புதுசா ஒரு பொட்டி திறக்கும். அங்க இடது பக்கம் மை டாகுமெண்ட்ஸ் ன்னு இருக்கா? அதை சொடுக்குங்க!

From notepad

இதோ இருக்கே!

From notepad
இந்த மகத்தான கோப்பை அச்சடிச்சு பத்து பேருக்கு கொடுக்க நினைச்சீங்கன்னா செய்ய வேண்டியதெல்லாம் அச்சுப்பொறியை மின் சக்தி ஊட்டி (ஹிஹிஹி ஸ்விட்ச் ஆன் பண்ணுங்க) அதில பேப்பர் போட்டு ரெடியானதும் மெனுவிலே பைல்> ப்ரின்ட் சொடுக்கினா வெலாவரியா என்ன ஏதுன்னு விசாரிச்சுட்டு தடதடன்னு அச்சடிச்சு கொடுக்கும். அவ்வளோதான். என்னது? ப்ரின்டர் பத்தி தெரியாதா? பரவாயில்லை, அப்புறமா கத்துக்கலாம். இப்போதைக்கு இதுதான் வழின்னு தெரிஞ்சா போதும்.

Thursday, November 25, 2010

நோட்பேட்-2

"அடடா! போயிடுச்சே! இன்னும் ஏதாவது எழுதலாம்ன்னு நினைச்சேனே" ன்னா ஒண்ணும் கவலை வேண்டாம். அதை திருப்பியும் திறக்கலாம். எப்படி?

அதை எங்கே சேமிச்சோம்? மேல்மேசைலே. பேருதான் மேல்மேசை; அதுக்கும் மேசைக்கும் ஒரு தொடர்பும் இல்லே! வேண்ணா ஒரு பென்சில அது மேலே வெச்சு பாருங்க! ஹிஹிஹி!

இந்த மேல் மேசை என்கிறது நாம் கணினியை துவக்கியதும் பார்க்கிற திரைதான். அதனால அங்கே இருக்கணுமே? நல்லா பாருங்க அங்கே இருக்கு! அதை ரெட்டை சொடுக்கு சொடுக்குங்க. அதாவது ஒரு தரம் சொடுக்கி உடனே இன்னொருதரம் சொடுக்குங்க. கோப்பு முன்னைப் போலவே திறக்கும்.

இந்த ரெட்டை சொடுக்கு சிலருக்கு கஷ்டமா இருக்கும். ஒரு தரம் சொடுக்கி இன்னொரு தரம் சொடுக்க நேரமாயிட்டுதுன்னா நாம எதிர்பார்த்த மாதிரி வேலை செய்யாது. அதே போல முதல் சொடுக்குக்கும் இரண்டாம் சொடுக்குக்கும் நடுவில சொடுக்கி கொஞ்சம் நகர்ந்துட்டாலும் கணினி அதை ரெண்டு ஒத்தை சொடுக்கா நினைச்சுக்கும்.

இந்த பிரச்சினையை ரெண்டு மூணு விதத்தில கையாளலாம்.

1.
From notepad

வலது சொடுக்கு செய்தா நாம் செய்யக்கூடிய செயல்களுக்கு அங்கே தேர்வோட மெனு கிடக்கும்ன்னு சொன்னேன் இல்லையா? கொஞ்சம் மூளையை கசக்கிகிட்டு யோசிங்க. ஆமாம் சொன்னேன். இப்ப இந்த கோப்பை திறக்கறது நாம் செய்யக்கூடிய செயல். அதனால மேல்மேசையிலே தெரியற கோப்போட சின்னத்து மேலே சொடுக்கியை வெச்சு வலது சொடுக்கு சொடுக்குங்க. அதில் முதல் தேர்வு ஓபன். அதை சொடுக்கினா கோப்பு திறக்கும்.

2. முன்னே செய்த மாதிரி ஸ்டார்ட்> ஆக்ஸசரீஸ் >நோட்பேட் இப்படிப்போய் நோட்பேட் ஐ சொடுக்கினா புதுசா ஒரு பொட்டி திறக்கும். இதில முன்னே எழுதின கோப்பை திறக்கலாம். எப்படி? பைல் மெனுவை திறந்து இரண்டாவது தேர்வை பாருங்க. ஒப்பன் ன்னு இருக்கும். அதை சொடுக்கினா முன்னே சேமிக்க ஒரு பெட்டி திறந்தது இல்லையா சற்றொப்ப .... ஹிஹிஹீ ... ஏறக்குறைய அதே மாதிரியான பெட்டி திறக்கும். அதிலே இடது பக்கம் பாருங்க. Desktop ன்னு தெரியுதா? அதை சொடுக்குங்க. இப்ப desktop லே இருக்கிற கோப்பு அடைவு எல்லாம் பட்டியலா தெரியும்.

From notepad

அதிலே நம்ம greatest.txt ஐ கண்டு பிடிச்சு அதை சொடுக்குங்க. Okன்னு ஒரு பட்டன் வரும். அதையும் சொடுக்குங்க. கோப்பு திறந்துடும். எவ்வளோ சொடுக்கு ஆச்சு பாருங்க! எட்டு சொடுக்குகள். யப்பாடா!

3. இப்படி ரெட்டை சொடுக்கு போட கஷ்டம்ன்னு எட்டு சொடுக்கு போடறத்துக்கு பதிலா வேற ரெண்டு வழியை கடை பிடிக்கலாம். முதலாவது இந்த சொடுக்கற வேகத்தை நமக்கு தகுந்தாப்போல மாத்திக்கலாம். இரண்டாவது சொடுக்கியை ஒரு தொடுப்பு -லிங்க் - மேலே வெச்சாலே அது தேர்ந்தெடுக்கற மாதிரியும் ஒரு தரம் சொடுக்கினாலே திறக்கிறா மாதிரியும் மாத்தி வெச்சுக்கலாம். எப்படின்னு அப்புறமா பார்க்கலாம்.

4. சொடுக்கி எவ்வளோ நேரம் கழிச்சு அடுத்த சொடுக்கை தனி சொடுக்கா கணக்கு பண்ணும் என்கிறதை மாத்த முடியும். நம்மால் வேகமா அடுத்த சொடுக்கு சொடுக்க முடியலைன்னா இதை அதிகமாக்கினா சரியாப்போயிடும். அதை உடனடியா சோதிச்சும் பாத்துக்கலாம். எப்படி என்கிற விவரம் அப்புறமா.

5.
From notepad

முன்னே செய்த மாதிரி ஆரம்பிச்சு வித்தியாசமா ஸ்டார்ட்> டாகுமென்ட்ஸ் போய் பார்த்தா அங்கே நம்ம கோப்பு உக்கார்ந்திருக்கும். சொடுக்கினா திறந்துடும். இது ஒரு நல்ல எளிமையான வசதி.

6. முன்னே செய்த மாதிரி ஸ்டார்ட்> ரன் போய் கட்டளை notepad.exe .... ஹிஹி இப்படியும் திறக்க முடியும்ன்னு சொல்லறத்துக்காக...

ஒரு வழியா திருப்பியும் திறந்தாச்சா? அதுல எதுவும் மாற்றம் செய்யும் முன்னே மத்த விஷயம் பார்க்கலாம்.

Wednesday, November 24, 2010

நோட்பேட்

இன்னும் கணினியிலே இடங்களை பார்க்க வேண்டியிருக்கு. ஆனா நீங்க ஏதாவது வேலை செய்ய துடிக்கிறீங்கன்னு தெரியுது. ரைட், ஒரு சின்ன வேலை செய்யலாம்.
ஸ்டார்ட்>ப்ரோக்ராம்ஸ்> ஆக்ஸசரீஸ் >நோட்பேட்.
இப்படி எழுதினா முதல்லே ஸ்டார்ட் பட்டன் மேலே சொடுக்கி அப்புறம் வர மெனுவிலே  ப்ரோக்ராம்ஸ் மேலே சொடுக்கி அப்புறம் ஆக்ஸசரீஸ், அப்புறம் நோட்பேட் மேலே சொடுக்கணும்ன்னு பொருள். இனிமே இதே போலத்தான் எல்லாம் வரும் என்கிறதாலே இதை சரியா புரிஞ்சுப்போம். சந்தேகம் இருந்தா இப்பவே கேட்டுடுங்க.

நோட்பேட் எங்கே?
From notepad

நோட் பேட் மேலே சொடுக்கினதும் ஒரு வெள்ளை பக்கம் திறக்கும். இதுக்குள்ளே ஒரு செங்குத்தான கோடு விட்டு விட்டு தெரியும். அப்படி இருந்தா நாம் எழுத நினைக்கிறதை எழுதலாம். 'தொண்டுகிழங்களுக்கு கணினி' என்கிறது ஒரு சூப்பர் ப்ளாக்..... ஓ சாரி தமிழ்லே எழுத இன்னும் கத்துக்கொடுக்கலியே! பரவாயில்லை. ஆங்கிலத்துலேயே எழுதிடுங்க.
techforelders is a great blog!
எழுதியாச்சா? இந்த அற்புதமான செய்தியை, கண்டுபிடிப்பை பாதுகாக்க சேமிச்சு பத்திரப்படுத்துவோம்! அதை செய்ய இருக்கிற வழிகளிலே சுத்து வழியை பார்க்கலாம். அப்பத்தான் பல விஷயங்கள் தெரிஞ்சுக்கலாம்.
இந்த அற்புத செய்தியை எழுதினோமே அதுக்கு மேலே பொட்டியோட மேல் மார்ஜின் டைட்டில் பார். (Tiltle bar). அதுக்கு கீழே பட்டையா தெரியுது இல்லையா? இதில file, edit, format, view, help ந்னு எல்லாம் எழுதி இருக்கா? இதுக்கு மெனு பார் ந்னு பெயர்.
இதிலே file மேலே சொடுக்குங்க. மெதுவா சொடுக்கியை அசைச்சு பாருங்க. பொட்டியிலே இருக்கிற கோடும் அசையும். இந்த மெனு மேலே கொண்டு போனா அது ஒரு அம்புக்குறியா மாறிடும். அம்புக்குறியை சரியான இடத்திலே - file என்கிற எழுத்துக்கள் மேலே இருக்கும்போது க்ளிக்.... சொடுக்கியாச்சு. (ஆமாங்க, சொடுக்கறப்ப முன்னேயே எழுதி வெச்ச ஒரு கட்டளையை...சரி சரி, நினைவு இருக்கில்லே?) இப்ப புதுசா ஒரு மெனு அந்த வார்த்தையிலிருந்து கீழே இறங்குது. என்னவெல்லாம் இருக்குன்னு படத்திலே பாருங்க.

பைல் மெனு
From notepad

நமக்கு வேண்டியது சேவ். இப்ப சொடுக்கியால அம்புக்குறியை நகர்த்தி சேவ் ந்கிர எழுத்துக்கள் மேலே வெச்சு திருப்பியும் சொடுக்குங்க. இப்ப இன்னொரு பொட்டி திறக்கும். அது என்ன பேரு வைக்கலாம் எப்படி அழைக்கலாம்ன்னு கேட்கும். இன்னும் எங்கே சேமிக்கலாம், என்ன மாதிரி பைல் ந்னு விவரம் கேட்கும். ம்ம்ம்ம் .... சரி இப்பவே தெரிஞ்சுக்கலாம். எந்த கணினியானாலும் பிரச்சினை இல்லாம ஒரு உரை- டெக்ஸ்ட்- கோப்பை படிக்க உகந்தது யூனிகோட். அதனால utf-6 அப்படின்னு தேர்ந்தெடுப்போம். விவரத்துக்கு படத்தை பாருங்க. இந்த கோப்புக்கு ஏதாவது பேர் கொடுக்கணுமே? அப்பதான் அதை திருப்பி கண்டு பிடிக்க முடியும்.
இப்போதைக்கு சும்மா test.txt  ன்னு டைப் அடிங்க. இல்லை greatest.txt ந்னும் அடிக்கலாம். எங்கே அடிக்கறது? படத்தை பாத்து தெரிஞ்சுக்குங்க.

டெஸ்க்டாப்பை சொடுக்கும் முன்னால எடுத்த படம். File name, Encoding கவனியுங்க!
From notepad
.-
கோப்பை எங்கே சேமிச்சு வெச்சிருக்குன்னு ஒரு தரம் நல்லா பாத்துக்குங்க. மேல்மேசையா (desktop) இல்லை மை டாகுமென்ட்ஸ் ஆ வேற எங்காவதான்னு, பாத்து வெச்சுகிட்டா அப்புறம் தடுமாறாம இருக்கலாம். இப்போதைக்கு உதாரணத்துக்கு மேல்மேசைன்னே வெச்சுக்கலாம். இப்ப இந்த நோட்பேடை மூடிடலாம். எப்படி? முன்னே மாதிரி பைல் மெனுவை கீழே இழுத்து கீஈஈஈஈஈழே இருக்கிற எக்ஸிட் ஐ தேர்ந்தெடுத்து சொடுக்கினா இந்த பொட்டி காணாமல் போயிடும்.

வெளியே போக.
From notepad

"அடடா! போயிடுச்சே! இன்னும் ஏதாவது எழுதலாம்ன்னு நினைச்சேனே" ன்னா ஒண்னும் கவலை வேண்டாம். அதை திருப்பியும் திறக்கலாம். எப்படி?

Tuesday, November 23, 2010

ஸ்டார்ட் .... தி ம்யூசிக்! -2

run என்கிறது அடுத்தது. இதை சொடுக்கினா ஒரு பொட்டி வரும். அதில நாம கட்டளையை டைப் பண்ணி "ம்.... ஓடு, இதை செய்" ந்னு விரட்டலாம்! அப்படி எழுதற தொல்லை வேண்டாம்ன்னுதானே விண்டோஸே வந்தது? ஆனாலும் சில கணினி நிபுணர்கள் இதை அடிக்கடி பயன்படுத்துவாங்க.....பழக்கம்! நமக்கும் சில சமயம் பயனாகும். அப்புறமா பார்க்கலாம். அடுத்து ...
help. அஹா! இது ரொம்ப முக்கியமானது. ஆனாலும் பலரும் பயன்படுத்தாதது. என்னன்னா நமக்கு வேண்டிய கணினி சார்ந்த உதவி கணினியிலேயே இருக்கு. விலாவரியா ஒவ்வொரு விஷயமும் எப்படி செய்யுறதுன்னு எழுதி இருக்காங்க. என்ன செய்யறதுன்னு முழிக்கிறப்ப F1 விசையை (இது எங்கே இருக்கு? மேல் வரிசையிலே இரண்டாவது விசை. அது மேலேயே எழுதி இருக்கும் பாருங்க)-  அழுத்தினா உதவிக்கான பக்கங்கள் திறக்கும். அப்படித்தான் அனேகமா எல்லா விண்டோஸ் நிரலும் - ப்ரோக்ராமும்- எழுதி இருக்கும். ஆனா யாருமே இதை பயன்படுத்தறதில்லை. யாரையான போன்லேயோ அஞ்சல்லேயோ கூப்புட்டு கேக்றாங்களே ஒழிய இந்த வசதியை பயன்படுத்தறதில்லை. இதை பயன்படுத்த ஆரம்பிச்சுட்டா நாமே நாளைக்கு தொ.தொ.கிழங்களுக்கு கணினின்னு ப்ளாக் எழுதலாம்!
settings இதை சொடுக்கினா இன்னும் மூணு சமாசாரம் தெரியும். கன்ட்ரோல் பானல், ப்ரின்டர், நெட்வெர்க் ந்னு தெரியும். நெட்வெர்க் நம்மளோட வலை இணைப்புக்கானது. நமக்கு அதை அமைச்ச பிறகு இதில அதிகம் வேலை இராது. ப்ரின்டர் இணைச்சு இருந்தா இதன் வழியா நாம் நம்மோட ப்ரின்டர் செட்டிங்க் எல்லாம் பார்த்து தேவையானா, மாதிரி அச்சு ஒரு பேப்பர்ல அடிச்சு பார்க்கலாம். கன்ட்ரோல் பானல் வழியா கணினியோட எல்லா செட்டிங் உம் பாத்து தேவையானா மாத்திக்கலாம்.


documents ஐ சொடுக்கினா சமீபத்திலே நாம திறந்த கோப்புக்கள் எல்லாம் பட்டியலா தெரியும். இங்கிருந்தே அதை நேரடியா திறக்கலாம்.
programs நம்ம கணினியிலே நிறுவி இருக்கிற நிரல்கள் எல்லாமே இங்கே பார்க்கலாம்; திறக்கலாம். உதாரணமா விஎல்சி ப்ளேயர் இயக்கணும்ன்னா இங்கே ஆங்கில அகர வரிசைப்படி இருக்கிற பட்டியல்லே பாத்து சுலபமா அதை கண்டு பிடிச்சு திறந்துக்கலாம்.
ப்ரொக்ராம்ஸ் ஐ சொடுக்கினா பார்க்கிற எல்லாமே ப்ரோக்ராம்ஸ் ஆ இல்லாம ஒரு அடைவா தெரியலாம். உதாரணமா மைக்ரோசாப்ட் ஆபீஸ் ந்னு தெரியும். உள்ளே போய் சொடுக்கினாத்தான் வேர்ட், எக்ஸெல் ந்னு ஒவ்வொண்ணையும் பார்க்கமுடியும். அதே போல வெறும் ஆக்ஸசரீஸ்ந்னு தெரியும். உள்ளே போய் பாத்தாத்தான் அதில விவரங்கள் தெரியும். விண்டோஸ் எக்ஸ்ப்லோரர், நோட்பேட், வேர்ட்பேட், பெய்ன்ட், சவுண்ட் ரெகார்டர், கால்குலேட்டர் ந்னு பல சின்ன நிரல்கள் இதுக்குள்ளேதான் இருக்கு!
நாம் நிறைய வேலை செய்ய ஆரம்பிக்கும் வரை இத்தனையும் தெரியாம இருக்கலாம். பதிலா நோட்பேட் மட்டும் தெரியும்; கூட ஒரு கீழ் நோக்கிய அம்புக்குறியோட ஒரு சின்ன பெட்டி இருக்கும். இந்த அம்புக்குறியை சொடுக்கினா மெனு கீழ் நோக்கி விரியும்.
இன்னும் கணினியிலே இடங்களை பார்க்க வேண்டியிருக்கு. ஆனா நீங்க ஏதாவது வேலை செய்ய துடிக்கிறீங்கன்னு தெரியுது. ரைட், ஒரு சின்ன வேலை செய்யலாம்.

Monday, November 22, 2010

ஸ்டார்ட் .... தி ம்யூசிக்!


வலது கீழ் கோடிலே இருக்கிறது ஸிஸ்டம் ட்ரே! ரொம்ப சரியா சொல்லப்போனா நாடிபிகேஷன் ஏரியா. கணினியிலே இயங்க தயாரா இருக்கிற சமாசாரம், மத்த அறிவிப்புகள், இணையத்திலே இருக்கோமா இல்லையான்னு தகவல், இப்போதைய நேரம் இப்படி பலதும் இங்கே இருக்கு. விவரங்கள் அப்புறம்.
கீழே இருக்கிற பட்டை டாஸ்க் பார். கணினியிலே பல வேலைகளும் நாம ஆரம்பிக்கலாம். எல்லாமே நேரடியா தெரியாதில்லையா. அப்ப இந்த இடத்திலே என்ன என்ன வேலைகள் நடக்குதுன்னு பாத்துக்கலாம்.
திரை முழுக்கவோ இல்லை கொஞ்சமாகவோ தெரியற படங்கள் எல்லாம் ஐகான் ன்னு சொல்லுவாங்க. சின்னங்கள். எந்த தேர்தலுக்கும், கட்சிக்கும் இதுக்கும் சம்பந்தம் இல்லை. ம்ம்ம் சொல்லப்போனா இதெல்லாம் குறுக்கு வழி விசைகள். இது மேலே சொடுக்கினா சம்பந்தப்பட்ட நிரல் வேலைதுவக்கம் செய்யும்.



இடது பக்கம் கீழே  ஸ்டார்ட் ந்னு ஒரு பட்டன் இருக்கா? அதை சொடுக்குங்க! இப்ப நீங்க ஒரு கட்டளையை கணினிக்கு  டைப் பண்ணி கொடுத்துட்டீங்க! ஆமா! முன்னேயே எழுதி வெச்ச ஒரு கட்டளையை தேர்ந்தெடுத்து அதுக்கு அனுப்பி இருக்கீங்க! ஒரு சின்ன சொடுக்கு மூலமா அதை சாதிச்சு இருக்கீங்க!
இப்ப பட்டையா ஒரு மெனு தெரியுதா? இதிலே தேவையானதை தேர்ந்தெடுத்து இன்னொரு சொடுக்கு சொடுக்கினா இன்னொரு கட்டளையை கணினிக்கு அனுப்பலாம்! ஹிஹிஹி பாருங்க! இன்னும் கொஞ்ச நேரத்திலே ரைட் அன்ட் லெஃப்ட் கணினிக்கு கட்டளையா அனுப்பி வேலை வாங்கப்போறோம்!
கீழேந்து மேலாக என்ன தெரியுதுன்னு பார்க்கலாமா?
turn off
log off
run
help
settings
documents
programs

படத்துக்கும் இப்ப சொன்னதுக்கும் சம்பந்தம் இல்லையேன்னு நினைக்காதீங்க. சிம்பிளா அமைச்சு இருந்தா நான் சொன்னபடிதான் வரும். உங்க கணினி கொஞ்சம் .... க்கும், கொஞ்சம் அட்வான்ஸ்ட் ந்னா இன்னும் கலர்புல்லா படத்தில இருக்காப்போலே வரும். அதில என்ன வரும்ன்னு படத்தை பாத்து தெரிஞ்சுக்குங்க.
கீழே முதல்ல தெரியறது turn off . அதாவது கணினி இயக்கத்தை நிறுத்த. இப்பதானே உள்ளே வந்தோம்? ஏன் வெளியே போகணும்? வேணும்ன்னா சும்மா ஒரு தரம் வெளியே போய் வருவோம்!
அடுத்து log off . அதாவது எக்ஸ்பி யை பலர் பயன்படுத்தற மாதிரி அமைக்கலாம். அவங்க அவங்களுக்கு  பிடிச்சபடி தீம், மற்ற அமைப்பு எல்லாம் சேமிச்சு வெச்சு கொண்டு யார் உள்ளே வராங்கன்னு பாத்து அதுக்கு தகுந்தாப்பல உள்ளே விடும். அதனால ஒத்தர் போய் இன்னொருத்தர் வர தேவையானது இந்த லாக் ஆஃப். இங்கே எக்ஸ்பியின் ஒரு ஓட்டை இருக்கு. நம்ம அடைவுகளை எல்லாம் மத்தவங்களுக்கு காட்டாதேன்னு சொல்லி வெச்சா ஒழிய யார் வேணுமானாலும் கணினியிலே இருக்கற எல்லா அடைவுகளையும் கோப்புகளையும் பார்க்கலாம். அடைவு? கோப்பு? அதாங்க folder, file. சந்தடி சாக்கில கொஞ்சம் நல்ல தமிழும் கத்துக்கலாம். லீனக்ஸ்லே அப்படி இல்லை. அதனால பாதுகாப்பு அதிகம்.

Saturday, November 20, 2010

பணிமேடை

விண்டோஸ் 7 லீனக்ஸ்லேந்து நிறைய காப்பி அடிச்சதாலே இப்ப கொஞ்சம் பரவாயில்லை. நீ யாரு? கடவுச்சொல் என்னன்னு கேக்கும். அதாங்க பாஸ்வேர்ட்! அது இல்லைனா, அமைப்பை பொருத்து ஒரு அதிதியாத்தான் - அதான் கெஸ்ட்- உள்ளே விடும். கணினியை பயன்படுத்தலாம் ஆனா அதில இருக்கிறத எல்லாம் பார்க்கவோ படிக்கவோ முடியாது; புதுசா ஒண்ணும் நிறுவ முடியாது. சுருக்கமா சொன்னா கணினியை பழுதாக்க முடியாது. விண்டோஸ்7 லே கெஸ்ட் செஷன்னு அமைக்கலேனா கணினியை இப்படி பயன்படுத்த முடியாது.
எக்ஸ்பி லே இப்படி முன்னிருப்பா இல்லை. வேணும்னா இப்படி அமைச்சுக்கலாம். யாரும் செய்யறதில்லை.
சரி உங்க பேரை கொடுத்து பாஸ்வேர்டும் கொடுத்து உள்ளே போங்க! யூசர் நேம் :தொ.கி பாஸ்வேர்ட் தொகி ந்னு கொடுத்து உள்ளே போயாச்சா? ஹும்! இந்த மாதிரி யூசர் பேரையும் பாஸ்வேர்டையும் ஒண்ணா வெச்சுக்கக்கூடாது.
யூசர் பேர் என்னவா இருந்தாலும் பாஸ்வேர்ட் அமைக்கறதுல கொஞ்சம் கவனம் வேணும்.
அதில எழுத்து எண்கள் எல்லாம் கலந்து வைக்கறது நல்லது. மறந்து போயிடுமேன்னு நம்ம பேர், பொண்டாட்டி பேர், பேரன் பேர் எல்லாம் வைக்கக்கூடாது. கெமிஸ்ட்ரி பார்முலா மாதிரி வைக்கலாம். சுலபமா நினைவு வெச்சுக்க நம்ம பேரோட பொறந்த வருஷம் அல்லது தேதி வீட்டு நம்பர் ந்னு எதையாவது சேர்க்கணும். எனக்கு தெரிஞ்ச ஒத்தர் msn3215 ந்னு வெச்சு இருந்தார். அவர் இருக்கறது மரியசூசைநகர். சுருக்கமா msn. வீட்டோட பழைய நம்பர் 32 புது நம்பர் 15.
இப்படி நமக்கு மட்டுமே தெரியற விஷயங்களை வெச்சு பாஸ்வேர்ட் வைக்கணும் .
சரி உள்ளே போயாச்சு. அப்புறம்? ஹிஹிஹி. எல்லாருக்கும் உடனேயே வலைக்கு போய் மெய்ல் பார்க்கணும்.
இன்னும் நம்ம மெய்ல் கணக்கே ஆரம்பிக்கலியே?
அதனால மெதுவா நம்ம கண்ணுக்கு தெரியற விஷயங்களை எல்லாம் பாத்து கொண்டு போகலாம்.


லோகல் தாதா அனாமத்து நிலத்தை ஆக்கிரமிக்கற மாதிரி கணினித்திரையை முழுக்க ஆக்கிரமிச்சுகிட்டு இருக்கிறது பச்ச பசேர்ன்னு ஒரு வயல்வெளி! இது பில்கேட்ஸோட வயலான்னு சந்தேகம். எப்படியானாலும் கண்னுக்கு குளிர்ச்சி. இது பிடிக்காதவங்க மாத்தி வெச்சுக்கலாம். எப்படின்னு எல்லாம் அப்புறம் பார்க்கலாம்.
இதுக்கு பணி மேடை ந்னு பேர். ஆங்கிலத்துல டெஸ்க்டாப். இது நமக்கு தெரிஞ்ச எந்த டெஸ்க் மாதிரியும் இல்லையேன்னு நினைக்கவேண்டாம்! :-) ம்ம்ம்ம்ம் இது ஒரு வலைப்பக்கம் மாதிரி. வலைப்பக்கத்திலே ஏதாவது லிங்க் ஐ சொடுக்கினா அங்கே கொண்டு போற மாதிரி இதுவும் கொண்டு போகும். என்ன ஒரே வித்தியாசம் இது கணினிக்குள்ள இருக்கிற இடங்களுக்கு கொண்டு போகும்.
இல்லை, கணினியில் இருக்கிற நிரல்களை இயக்குகிற கட்டளைகளுக்கு கொண்டு போகும்.

Friday, November 19, 2010

உள்ளே நுழைய...

சரி ஒரு வழியா கணினியிலே பொட்டிய திறக்காம தொட்டு பார்க்கக்கூடிய எல்லா விஷயங்களையும் பார்த்தாச்சு. இன்னும் கொஞ்ச நாள் கழிச்சு உள்ளே என்ன இருக்குன்னு எட்டிப்பார்க்கலாம்.
இந்த தொட்டு பார்க்ககூடிய பொருளெல்லாம் வன் பொருள்.
அப்படின்னா மென்பொருள் உண்டா? உண்ணடவே உண்டு!

சரி இப்ப கணினியை இயக்கி பார்க்கலாம்.
ம்ம்ம்ம்ம்?
இது வரைக்கும் கண்னியை தொட்டதே கிடையாது; அது பத்தி ஒண்ணுமே தெரியாதுன்னு சத்தியம் செய்யறவங்களுக்கு ஒரு வார்த்தை. எப்படியாது அக்கம் பக்கத்துல இருக்கிற நாலாவது படிக்கற வாண்டுக்கு லாலிபாப் மாதிரி ஏதாவது வாங்கி தந்து மூணே மூணு விஷயம் கத்துக்குங்க.
1.கனினியிலே எப்படி சாலிடேர் ஆடறது?
2.கணினியை எப்படி செயல் நிறுத்தறது?
3.இணையத்துக்கு எப்படி இணைக்கறது; எப்படி இந்த வலைப்பூவை பாத்து படிக்கறது?

முதலாவது கத்துக்கிட்டா கணின்னியை துவக்க, ஒரு நிரலை துவக்க, சொடுக்க, சொடுக்கி இழுக்கன்னு தேவையானது எல்லாம் கத்துக்கலாம். அதை இந்த வலைப்பூ வழியா சொல்லித்தரது கஷ்டம்.
என்ன நடக்கிறதுன்னு ஒண்ணும் புரியலைன்னா கணினியை நிறுத்த இரண்டாவது.
மேலே படிச்சு எக்ஸ்பெர்ட் ஆகறதுக்கு மூணாவது.

சரி இப்ப கணினியை இயக்கி பார்க்கலாம்.
பொட்டி முன் பக்கத்திலே இருக்கிற பெரிய பட்டனை அமுக்குங்க. (சின்னது ரீசெட் செய்ய). திரையிலே ஏதாச்சும் தெரியுதா? ஒரு திரை வந்து நாலு செகண்ட் இருந்து காணாமபோய் அப்புறம் வெள்ளை கலர்லே சின்ன லைன் ரெண்டு சிமிட்டி சிமிட்டி அப்புறம் திடீர்ன்னு ஏதேதோ ஆங்கில எழுத்துக்கள் எல்லாம் வந்து என்னன்னு படிக்கிறதுக்குள்ளே மறைஞ்சும் போயிடும்.

ஒண்ணும் கவலைப்படாதீங்க. இது வழக்கமா நடக்கிறதுதான்.
அடுத்து உள் நுழையற திரை வரும்.
இங்கே கொஞ்சம் நிக்கணும்.
இனி வரது இயங்கு தளம்.
அப்படின்னா?
ஆபரேடிங் ஸிஸ்டம். வழக்கமா விண்டோஸோட ஒரு பதிப்பா இருக்கும்.


அமேரிக்காவிலே வாங்கி இருந்தா மேக் ஆ இருக்க வாய்ப்பு இருக்கு. அப்படி இருந்தா எங்கிட்டே கேள்வி கேக்காதீங்க. அதை பார்த்தது கூட இல்லை!


கணினி வாங்கினவங்க புத்திசாலிங்களா இருந்தா லினக்ஸ் ஆ இருக்கும். ஹிஹி ஹிஹ்ஹி! :P


இந்த இயங்குதளம்தான் நமக்கு வேண்டிய சமாசாரங்களை எல்லாம் இந்த கணினி செய்யறத்துக்கு தேவையான கட்டளைகளை எல்லாம் சித்திர வடிவிலே காட்டுது.
எப்படி இருந்தாலும் பயனர் பேரை டைப் அடிச்சு கடவுச்சொல்லையும் டைப் அடிச்சு என்டர் விசையை தட்டினா உள்ளே போயிடலாம். அதாவது சரியா டைப் அடிச்சு இருந்தா! தப்பா அடிச்சா உள்ளே விடாது. (உபுண்டு சோதிச்சு பாத்துட்டு இல்லைன்னு ஸ்க்ரீனை ஆட்டற அழகை பாக்கணும், நீங்க!)

எனக்கு பிடிச்சது லீனக்ஸா இருந்தாலும் விண்டோஸே பலரும் பயன்படுத்தறதா இருக்கறதாலே இனி அதை ஒட்டியே கதை போகும். அங்கங்க எங்க லீனக்ஸ் எப்படி சிறந்ததுன்னு பெருமை அடிச்சுப்பேன்; கண்டுக்காதீங்க!

Thursday, November 18, 2010

மோடம்

ரைட், இப்ப மேடம் பத்தி...ச்சீ மோடம் பத்தி பார்க்கலாம்.

கணினி சார்ந்த எல்லா சாதனங்கள் மாதிரியே இதுலேயும் வகை வகையா இருக்கு. கடையிலே நீங்க பாட்டுக்கு போய் வாங்கிட்டு வந்து அப்புறம் கஷ்டப்படாதீங்க. எந்த கம்பனி உங்களுக்கு இணைய இணைப்பை கொடுக்கப் போகுதோ அவங்களை கேட்டு ஆலோசிச்சு வாங்கிக்கலாம். இந்த இண்டர்நெட் இணைப்புக்கு காசு தரணும், ஆமா! மாசா மாசம் பால்காரனுக்கு காசு கொடுக்கறா மாதிரி, கொடுக்கலேன்னா இணைப்பை வெட்டி விடுவாங்க. (மாசம் பாலுக்கு தர காசை விட இந்த பில் கம்மிதான்! ஹிஹிஹி!)

மோடம் ஒரு டெலிபோன் லைன் வழியா மத்த கணினிகளோட தொடர்பு வெச்சுகிட்டு தகவல் வாங்கித்தரும். இன்னும் டயல் அப் இணைப்பு வெச்சு இருக்கிறவங்க இருக்காங்க. மோடம்கிட்டே என்ன தொலைபேசி எண்ணை டயல் பண்ணனும்ன்னு எழுதிச் சொல்லிட்டா, இயக்கினதும் அது டயல் பண்ணி டர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர் டக் டக் டக் கீய்ய்ய்ங் கீய்ய்ய்ங்ன்னு எல்லாம் விசித்திரமா சத்தம் போட்டு அப்புறம் இணைப்பை வாங்கித்தரும். படு ஸ்பீடா 56 Kbps கேபிபிஎஸ் வேகத்தில (!) இணைச்சு ஒரு 5 கேபி மெய்ல் வரத்துக்குள்ளே போய் சின்ன குளியல் போட்டு வந்துடலாம். [56 ந்னாலும் 2-3 கிடைக்கறதே பெரிய விஷயமா இருந்தது!)
கூகுள்கிட்டே கேட்டுக்கூட பாத்துட்டேன். டயல் அப் மோடம் படம் கிடைக்கலை.



முதல்லே ஒரு தேர்வா இருந்த விஷயம் அப்புறமா வழக்கமா ஆயிடுத்து. கணினிக்குள்ளேயே மோடம் வெச்சு விக்க ஆரம்பிச்சுட்டாங்க. (அதான் இது.நன்றி எல்கே! இது இன்டர்னல் மோடம். அதான் ட்ரெஸ் போட்டுக்காம இருக்கு!)


இப்ப அநேகமா எல்லாமே ப்ராட் பேண்ட்தான். நடுவிலே ஐஎஸ்டிஎன் ந்னு ஒண்ணு வந்தது தெரியலை போனது தெரியலைன்னு பழைய ஹீரோ படம் மாதிரி காணாம போயிடுத்து! அப்புறம் கேபிள் டிஎஸெல்; ஏடிஎஸெல்.

மோடம் சீரியல் போர்ட் லே இணைக்கறதா இருக்கலாம்; இல்லை யூஎஸ்பி இணைப்பா இருக்கலாம்;  லான் லே இணைக்கறதா இருக்கலாம்.



இந்த படத்துல புத்திசாலித்தனமா செஞ்சு இருக்கிற விஷயத்தை பாருங்க. முதல்லே இந்த லான் வயர் வந்தப்ப இந்த குல்லா இல்லை. கண்ணாடி மாதிரி தெரியற பகுதியை  போர்ட்லே சொருகிட்டா அது க்ளிக் ந்னு போய் உக்காந்துக்கும். திரும்ப எடுக்கறதுக்கு மெனெக்கெடணும். சுலபமா கழலாம இருக்க அப்படி அமைப்பு. கண்ணாடி லீவர் மாதிரி தூக்கிக்கிட்டு இருக்கிறதை அமுக்கி லாக் ரிலீஸ் பண்ணி எடுக்கணும். பலரும் பொறுமை இல்லாமலோ இல்லை அறியாமலோ பிடுங்கி அதை உடைச்சுகிட்டு இருந்தாங்க. இப்ப அதுக்கு மஞ்ச கலர்லே குல்லா போட்டு இருக்கு பாருங்க! வயரை பிடுங்கப்பாத்தா ஆட்டோமேடிக்கா அதை அழுத்தவும் செய்வோம். அப்படி ஒரு தொளில் நுணுக்கம்!




மேலே ஏடிஎஸ்எல் மோடம், முன்னும் பின்னும்.

மேலும் வயர்ட், வயர்லெஸ் ந்னு இருக்கலாம்.கொம்பு மாதிரி நீட்டிகிட்டு இருக்கே அதனால இது வயர்லெஸ் உம் இருக்கு. லான் போர்ட் - ஈதர்நெட் உம் இருக்கு.




இப்ப கொஞ்ச நாளா 3ஜி வந்த பிறகு
வயர்லெஸ் மொபைல் மோடம் விக்கிறாங்க. பார்க்க இது ஒரு பென் ட்ரைவ் மாதிரி இருக்கும். இப்போதைக்கு வயர்லெஸ் இணைப்பு வேகம் வயர் இணைப்பை விட கம்மிதான்.



அப்புறம் மோடம்ன்னதும் நினைவு வந்தது.
இங்கே போய் படியுங்க: http://tinyurl.com/2uqbuxq
சரியா தெரியலைன்னா பயர்பாக்ஸ்லே அதியன் நீட்சியை பயன்படுத்தி பாருங்க.
தினசரி பாராயணம் பண்ணி பயன் பெறுக! :-)))))))

Tuesday, November 16, 2010

ப்ரின்டர்

வேற என்னவெல்லாம் கணினியோட இருக்கு? மோடம் ஒண்ணு அவசியம் இருக்கும். ஒரு ஸ்கேனர், அச்சடிக்க எந்திரன்.. ச்சீ எந்திரம், இன்ன பிற...
ஸ்கேனர் தேவையானா வெச்சுக்கலாம், நாம செய்யற வேலையை பொறுத்து.

என்னை கேட்டா ப்ரின்டர் கூட வேண்டாம். தினசரி ஏதாவது ப்ரின்ட் எடுத்தாலே ஒழிய இது வேஸ்ட். சொன்னா கேக்கவா போறீங்க? சரி சரி, ப்ரின்டர் பத்தி பார்க்கலாம்.
என்னதான் கணினியில எல்லாத்தகவலும் வெச்சு இருந்தாலும் ஏதாவது டாக்குமெண்ட் அச்சடிக்க வேண்டி இருக்கும். கடிதமெல்லாம் இப்ப மின் அஞ்சல்ல அனுப்பறோம். லெட்டர்ஸ் டு எடிட்டர் கூட மின் அஞ்சல்ல அனுப்பலாம். பின்ன எதை அச்சடிக்கணும்?
சும்மா ஒரு பாக் அப் ஆ அடிக்கலாம். இல்லை நாம் எழுதின கவிதையை பத்து காப்பி அச்சடிச்சு  "ஹிஹிஹி நேத்து ஒரு அருமையான கவிதை எழுதினேன் பாருங்க சார்!" ந்னுபாக்கிறவங்ககிட்டே எல்லாம் கொடுக்கலாம்.
அச்சுப்பொறியில பல வகை. முன்ன்ன்ன்னே டாட் மேட்ரிக்ஸ் ந்னு இருந்தது.


இப்ப கடைகளில பில் அச்சடிக்கத்தான் அது பயனாகுது. பக்கத்து பக்கத்திலே வெச்ச சின்ன சின்ன ஆணிகள் உள்ளே வெளியேன்னு இயங்கி பொட் பொட் ந்னு டைப்ரைட்டர் மாதிரியே   அச்சடிக்கும்.
அப்புறமா இங்க்ஜெட். நெறைய துளைகள் வழியே இங்க் வெளியே வந்து சூடாக்கப்பட்டு வெடிச்சு சிதறி பேப்பர் மேலே பட்டு உலரும். இதை ஒழுங்கு படுத்தி எழுத்தா தெரியறா மாதிரி செய்து இருக்கறதுதான் ஆச்சரியம்!



இது எல்லாம் தினசரி அச்சடிச்சு கொண்டே இருக்கிற வரை சரிதான். நாலு நாள் ஊருக்கு போய் வந்தால் திரும்பி வந்து பாத்தா ஓட்டை எல்லாம் உலர்ந்த இங்கால அடைச்சு கொண்டு சரியா அச்சடிக்காது. அப்புறம் அதை க்ளீன் பண்ணனும்.


லேசர் ப்ரின்டர்ல இந்த தொல்லை எல்லாம் கிடையாது. ஆனா இன்னும் கலர் லேசர் விலை அதிகமாதான் இருக்கு. வெள்ளை கருப்பு மட்டுமேதான் ந்னா ஓக்கே!

Wednesday, November 10, 2010

பெட்டி பின் பக்கம்.

சரி, இப்ப பொட்டியோட பின் பக்கத்தை பார்க்கலாம். இங்கே நிறைய வயர் வந்து போகும்.
முதல்ல மின்சக்தி கொடுக்கிற வயர். இது வழக்கமா மூணு தட்டை பின்னோட இருக்கும். இது வழியா உள்ளே இருக்கிற எஸ்எம்பிஎஸ் க்கு மின்சாரம் போகும். அது தேவையான இடங்களுக்கு தேவையான மின் சக்தியை பிரிச்சு கொடுக்கும்.
முன்னே எல்லாம் அடிக்கடி மின் தடை வருமா, அதனால ஒரு நிமிஷத்துக்கு ஒரு தடவை நாம் எழுதினதை சேமிச்சுகிட்டே இருக்கணும். எப்ப ஆற்காடு வருவார், எப்ப நாம கஷ்டப்பட்டு எழுதின கவிதை காணாம போகும் ந்னு தெரியாதே! அப்புறம் யூபிஎஸ் ந்னு ஒரு சமாசாரம் வந்தது. அனின்டரப்டட் பவர் சப்ளை!

ஆற்காட் வந்தா ஒழுங்கா நாம எழுதுனதை  சேமிச்சுவிட்டு கணினியை மூடலாம்! 10- 20 நிமிஷத்துக்கு மேலே சாதாரணமா இதால வண்டி ஓட்ட முடியாது! இது புதுசா இருக்கறப்ப. பழசான பிறகு இந்த நேரம் குறைஞ்சுகிட்டே வரும்.

சரி மின்சக்திக்கு வயர் சொருகியாச்சு இன்டர்நெட்டுக்கு போகலாம் ந்னு நினைக்காதீங்க! அதுக்கு மோடம்ன்னு ஒண்ணு உண்டு; அதுக்கு கனெக்ஷன் கொடுக்கணும். உங்க மோடத்தை பொருத்து அது யூஎஸ்பி, சீரியல் போர்ட், லான் - எப்படி வேணுமானாலும் இருக்கலாம். இதைப்பத்தி மேலே மோடம் பத்தி சொல்லறப்ப சொல்லறேன்.


அடுத்து நீலக்கலர்லே இருக்கிறது கணினியை திரைக்கு இணைக்கற வயர். இது ரொம்ப முக்கியம் இல்லையா? இது சரியா இல்லாம கணினி நமக்கு வேண்டியதை திரையில காட்ட முடியாது. இது டாமேஜ் ஆனா திரையிலே தமாஷா கால்குலஸ் டிவி மாதிரி கலர் கலரா கோடெல்லாம் மட்டும்தான் பாக்கலாம்!

கீழே பாருங்க. நீலக் கலர்,  பச்சைக்கலர் விசைப்பலகைக்கும் சொடுக்கிக்கும் இணைப்பு.








இதுக்கு  யூஎஸ்பி போர்ட் ந்னு பேர். (க்ளோஸ் அப் படம். ரொம்ப பெரிசா தெரியுது!) நாம வேலை பாத்த நாட்களிலே ஆபீஸ் ல ஒத்தர் இருப்பார். அவர் எல்லா வேலையும் பார்ப்பார். பைல் பார்ப்பார்; ஆபீஸர் மணி அடிச்சா ப்யூன் இல்லேனா போய் என்ன சார் ந்னு கேட்டு வருவார். ஆபீஸ் முடிஞ்சப்பறம் எல்லாரையும் கோத்து வாங்கி பேட்மிண்டன், வாலிபால் ந்னு ஏதாவது ஆட வைப்பார்; டிராமா போடுவார். இப்படி பன் முக திறமை அவருக்கு இருக்கும்.
இந்த ஆசாமி போலத்தான் இந்த யூஎஸ்பி போர்ட். (USB port). இது வழியா மோடம் கனெக்ட் பண்ணலாம், யூஎஸ்பி ஸ்டிக் சொருகி தகவல் காப்பி பண்ணலாம்; காமிரா கனெக்ட் பண்னி படங்களை கணினிக்கு மாத்தலாம்; ஏன் கணினியை இது மூலமா பூட் பண்ணவும் பண்ணலாம். இது வந்த புதுசுல 200 க்கு மேற்பட்ட சாதனங்கள் இணைக்கலாம்ன்னு விளம்பரம் செஞ்சாங்க!

படத்துல யூஎஸ்பி போர்டுக்கு பக்கத்துல இருக்கீறது லான் போர்ட். அட என்ன அப்பலேந்து போர்ட் போர்ட் என்கறிங்க? கப்பலா வந்து நிக்குதுன்னு கேக்கறிங்களா? ஹிஹிஹி! போர்ட் ந்னா ஒரு இணைப்பு செய்யக்கூடிய இடம். அவ்வளோதான்.
அப்புறம் பச்சை கலர்லே இருக்கறது நம்ம சொடுக்கியை இணைக்கிற ஹிஹி போர்ட்! நீலக்  கலர் விசைப்பலகையை இணைக்கிற போர்ட்.
அப்புறம் பச்சை, சிவப்பு, மஞ்சள் கலர்லே இருக்கறது ஒலி வாங்கி (மைக்), ஒலிபெருக்கி, மத்த உள்ளீட்டுக்கான போர்ட். இது வட்டமா இருக்கும் 3.5 மி.மீ ஜாக் ந்னு பேர்.
ம்ம்ம்ம்... வேறெதுவும் விட்டுட்டேனா? ஆங்! ஒரு சீரியல் கனெக்ஷன். மெஜென்டா கலர்.  இது வழியா நம்ம அச்சுப்பொறியோ மோடமோ இணைக்கப்படும். அதெல்லாமும் கொஞ்சம் கொஞ்சமா யூஎஸ்பி போர்டுக்கு மாறிகிட்டு இருக்கு. கூடிய சீக்கிரம் முன்னே இருந்த பாராலெல் போர்ட் மாதிரி இதுவும் காணாமல் போகும்.
ஒரு விஷயம் நினைவு வெச்சுக்கோங்க. தப்பா ஒரு வயரையும் இணைக்க முடியாது! அப்ப்டி ஒரு நிறத்தாலேயும் வடிவத்தாலேயும் ஜாக்கிறதை பண்னி இருக்கு. பச்சை கலர் வயரை எங்கேடா இணைக்கிறதுன்னு தடுமாற வேண்டாம். இணைக்கிற இடம் கட்டாயமா பச்சைக்கலர்லே இருக்கும்!

பொட்டியோட பக்கவாட்டிலே ஒண்ணும் அதிகமா இருக்காது. நெறையா தொளை போட்டு இருக்கும். உள்ளே எல்லா கருவிகளும் வேலை செஞ்சு வேத்துக்கொட்டும், இல்லையா? அதுக்கு காத்தாட இருக்கத்தான்! நெஜமாத்தான். சூடு அதிகமானா வேலை நிறுத்த போராட்டம் நடக்கும்! கணினி வேலை செய்யறதை நிறுத்திடும். அதுக்காக உள்ளே ஃபான் கூட போட்டு இருக்கு! சமயத்தில ரெண்டு மூணு ஃபான் கூட இருக்கும்.
பொட்டி பத்தி இப்போதைக்கு இவ்வளொ போதும்.

Tuesday, November 9, 2010

பெட்டி- முன் பக்கம்.

சரி, இப்ப கணினினா எது முக்கியமோ அதை பார்க்கலாம். தொ.கி யாரு ந்னு யாரும் கேட்டா நாம நம்ம உடம்பை சுட்டிக்காட்டறா மாதிரி கணினின்னா திரையை காட்டினோம். அது இல்லே, வேற எதுன்னா அப்புறம் ஒரு பொட்டியை காட்டுவோம்.  ஆங்! அதேதான்! இந்த பொட்டிய கணினின்னு சொல்லறதிலே அதிக அர்த்தம் இருக்கு. இதுக்கு கான்சோல்ன்னு பேரு. இதுக்குள்ளேதான் சிபியூ (CPU) இருக்கு. இதுதான் வேண்டிய கணக்கு எல்லாம் போட்டு நாம் செய்ய நினைக்கறதை செய்ய வைக்குது.



இத வெளியிலிருந்து பார்க்கலாம். பொட்டில நம்ம விசிடி ப்ளேயர்ல இருக்கிறா மாதிரி ஒரு பெரிய வாய் இருக்கு பாருங்க. ம்ம்ம்... அதேதான். இதிலேயும் நம்ம விருப்பமான சிடி டிவிடி போட்டு பாட்டு கேக்கலாம்; சினிமா பார்க்கலாம். இது அனேகமா ஒரு டிவிடி சாதனமா இருக்கும். முன்னே சிடி ரோம் ந்னு இருந்தது. அது சிடியை இயக்கி பாட்டு பாடும், சினிமா காட்டுமே தவிர வெத்து சிடி யையோ டிவிடியையோ எழுத முடியாது. இப்பல்லாம் டிவிடி ரைட்டர்தான் வருது. அதுலே சிடி, டிவிடி எழுதலாம், படிக்கலாம்.



எல்லாம் ஒரு காலத்திலே விலை அதிகமா இருந்தது இப்ப சகாய வெலைக்கு கிடைக்குது. விலைவாசி குறையற ஒரே துறை இதுதான்! இப்ப ப்ளூரே என்கிறாங்க. அது விலை அதிகமா இருக்கு. இன்னும் ரெண்டு வருஷம் இருந்தா அதுவும் டிவிடி ரேஞ்சுக்கு வந்துடும். பெரும்பாலான கணினிகளிலே முன் பக்கம் ஒலி வாங்கி, ஒலிபெருக்கிக்கு இணைக்க இடம் தராங்க. ஒரு யூஎஸ்பி போர்டும் இருக்கலாம்.

அப்புறம் என்ன... அட யாரோ ப்ளாப்பின்னு சொல்லறது காதிலே விழுதே! நான் தொ.கி மட்டும்தான் படிக்கிறாங்கன்னு நினைச்சேன். தொ.தொ.கி கூட படிக்கிறாங்க போல இருக்கு! :-))

ஆதி காலத்துல அஞ்சரை இன்ச்சுல தோசை மாதிரி தொள தொளன்னு ஒரு காந்ததட்டு இருக்கும். அதான் முதல்ல ப்ளாப்பி. இதிலே நம் தேவையான தகவலை சேமிச்சு வெச்சு வேற இடம் எடுத்து போய் அங்க இருக்கற கணினில போட்டு பாக்க முடிஞ்சது. அப்புறம் அது சின்னதாகி மூணரை இன்ச் ஆச்சு. அப்புறம் சிடி ராம் எல்லாம் வெகுஜன உபயோகத்துக்கு வந்து யூஎஸ்பி டிரைவ் எல்லாம் வந்த பின்னே இது காணாமலே போச்சு. அதுவும் சிடி ரோம் வாய் மாதிரித்தான் இருக்கும். கொஞ்சம் சின்னதா. என்னோட கணினில இது இப்ப இல்லை.

Monday, November 8, 2010

சொடுக்கியோட பயன்...

சொடுக்கியோட பயனை சொல்லலை இல்லையா?
இந்த சொடுக்கி பரவலா ஆன பிறகுதான் கணினியே வெகு ஜன உபயோகத்துக்கு வந்தது. அதுக்கு முன் கணினி என்ன செய்யணும்ன்னு கட்டளை எழுத வேண்டி இருந்தது. ஒரு கமா விட்டுட்டாலும் வேலை நடக்காது. அந்த மாதிரி கட்டளை இல்லைன்னு சொல்லிடும்.பிறகு ஒரு திரையை காட்டி அதிலே ஒரு அம்புக்குறியும் காட்டி, அம்புக்குறியை இன்ன இடத்தில வெச்சு சொடுக்கினா இன்ன கட்டளைன்னு ஏற்பாடு செஞ்சாங்க. அதாவது கட்டளையை டைப் அடிச்சு உள்ளிடறதுக்கு பதிலா ஏற்கெனெவே எழுதி வெச்ச கட்டளையை ஒரு சொடுக்கால உள்ளிடறோம். அது சரி, எழுதி வெச்ச ஆசாமி கமாவை விட்டுட்டா என்ன ஆகும்?!

வலது, இடது, பட்டன்லே இடதுதான் வழக்கமா பயனாகும். அதனால சொடுக்குங்கன்னு சாதாரணமா சொன்னா அது இடது சொடுக்குதான். திரையிலே தெரியற ஒரு இடத்தை - பட்டனோ இல்லை உரையோ - சொடுக்குங்கன்னு யாரும் எழுதினா அது இடது சொடுக்குதான். வலது சொடுக்கு பலரும் பயன்படுத்தாட்டாலும் அது பல சமயம் உதவி பண்ணும். நாம் வேலை செஞ்சுகிட்டு இருக்கிற அந்த நேரத்திலே என்ன செய்ய வாய்ப்பு இருக்குன்னு அது காட்டும். அதாவது பிரதி எடுக்கலாம், ஒட்டலாம், வெட்டலாம் சேமிக்கலாம், இந்த வார்த்தையை கூகுள்ளே தேடலாம் ந்னு சில தேர்வுகளைக் காட்டும். ஒரு வரியை தேர்வு செய்து வெச்சு அப்புறம் பாத்தா வேற மாதிரி கூட இருக்கலாம். இதுக்கு கான்டெக்ஸ்ட் மெனு ந்னு பேர்.
மௌஸ் சக்கரம் திரையில மேலே கீழே நகர்த்தி பார்க்க உதவும். அதுவே சமயத்தில பட்டனாவும் வேலை செய்யும்.
இந்த மௌஸுக்கு சிலர் சில ப்ரோக்ராம் எழுதி அதோட செயல்பாட்டை மாத்தி இருக்காங்க.
மௌஸை நகத்தி ஒரே இடத்தில வெச்சா நாம அமைக்கிற நேரத்துக்கு அப்புறம் 3-5 செகண்ட் தானே சொடுக்கும்! வேணும்ன்னா இந்த வார்த்தை மேலே சொடுக்கி வர வலைப்பக்கத்த பாருங்க!

இத மாதிரி இன்னும் ஒண்ணு சொடுக்கியை ஏதோ ஒரு பக்கம் நகர்த்தி ஒரு செயலை செய்ய வைக்கிறது. Mouse gestures. அது அடுத்த வலைப்பக்கத்துக்கு போகவோ அடுத்த மெய்ல் ஐ பார்க்கவோ இருக்கலாம். பயர்பாக்ஸுக்கான அந்த மாதிரி ஒரு நீட்சியை இங்கே பாருங்க!

Sunday, November 7, 2010

சொடுக்கி

இந்த விசைப்பலகை இருக்கே அதுக்கு ஒரு பெயர் சொல்லறாங்க. இன்புட் டிவைஸ். அதாவது உள்ளீட்டு சாதனம். அதென்ன உள்ளீட்டு சாதனம்? நமக்கு என்ன வேணும்ன்னு ஒரு தகவலை கணினிக்குள்ளே அனுப்பறோம். அதனால உள்ளீட்டு சாதனம்.

வேற தகவல் உள்ளீட்டு சாதனமும் இருக்கு. உதாரணமா சொடுக்கி. ம்ம்ம்ம்ம்? புதுசா இருக்கா? இததான் ஆங்கிலத்துல மௌஸ் ன்னு சொல்வாங்க. அட நம்ம மௌஸான்னு கேக்கறீங்களா! இத ஸ்டான்போர்ட் ரிசர்ச் இன்ஸ்டிட்யூட்டிலே செஞ்சப்ப  அதுக்கு வயர் பின் பக்கம் இருந்ததாம் அதனால எலி மாதிரி இருக்கவே அப்படி பேர் வெச்சுட்டாங்க. முதல்ல டெலிபங்கன் கம்பனி இதை தன் கம்ப்யூட்டர் கூட வித்ததாம். டெலிபங்கன் பேரை இந்த தலை முறைக்கு தெரியுமோ என்னவோ? நம்ம தொ.கி தலைமுறைக்கு தெரியுமே!
அடுத்ததா வித்தது? ஜெராக்ஸ் கம்பனி...ஹிஹிஹிஹி..
இதான் ஆதிகாலத்து சொடுக்கி.


போதும் சமாசாரம் சொல்லு என்கறீங்களா? அதுவும் சரிதான். என்ன வயசாச்சா? அப்பப்ப அந்த நாள் .....ஞாபகம் .....நெஞ்சிலே .....வந்துடுது....
சொடுக்கியிலே சாதாரணமா ரேண்டு பட்டனும் ஒரு மேலே கீழே உருட்டி நகர்த்தக்கூடிய சக்கரமும் இருக்கும். சில சமயம் இந்த சக்கரம் பட்டனாவும் செயல்படும். பக்கவாட்டிலேயும் பக்கத்துக்கு ஒண்ணா ரெண்டு பட்டன் வைக்கறதும் உண்டு. அப்படி எல்லாம் இருந்தா அதுக்கு தனியா வேலை கொடுக்கணும். சாதாரணமா வேலை செய்யறது மேல் பட்டன்களும் சக்கரமும்தான்.

முன் கால சொடுக்கிகள்லே ஒரு பந்து மாதிரி இருக்கும். அதை நகத்தினா திரையிலே உள்ள சுட்டி (கர்சர்) நகரும். அவ்வளோதான். இந்த பந்தை உருட்டத்தான் அதை மௌஸ்பாட் மேலே தேய்க்கறது. கொஞ்ச நாள்லே இது மௌஸ்பேட் மேலெ இருக்கிற அழுக்கை எல்லாம் உருட்டி எடுத்துடும். அப்புறம் சொடுக்கி நாம் எதிர்பார்க்கிற மாதிரி வேலை செய்யாது. அதனால அடுத்ததா இன்ப்ரா ரெட் கதிர்களை பயன்படுத்தற ஆப்டிகல் மௌஸ் வந்தது. இது இப்ப ஸ்டாண்டர்ட் ஆயிடுத்து.



இங்க ஒரு tip கொடுக்கறேன். மௌஸ்பேட் கூடிய வரை வெள்ளை நிற அட்டை மாதிரி இருக்கிறதா பாத்துக்குங்க. (பனியன் வாங்கினா அது உள்ள இருக்கும்.) வழ வழன்னு  க்ளாஸ் (gloss) பரப்பா இருக்க வேண்டாம். கலர் கலர் படம் இருக்கிறதாகவும் வேண்டாம்.

இந்த ஆப்டிகல் மௌஸ்ல ஒரு சிவப்பு எல்ஈடி இருக்கு. அது காட்டற வெளிச்சத்தில உள்ளே ஒரு ச்சின்ன காமெரா ஒரு செகண்டுக்கு ஆயிரம் படம் பிடிக்குது. முன்னே பிடிச்ச படத்துக்கும் இப்ப பிடிக்கிற படத்துக்கு இருக்கிற வித்தியாசங்களை ஆராய்ஞ்சு எந்தப்பக்கம் மௌஸ் நகர்ந்ததுன்னு கணக்கு போட்டு கணினிக்கு தகவல் அனுப்பிடும். யப்பாடா, இது என்ன சின்ன மௌஸ்ல பெரிய ஏரோஸ்பேஸ் டெக்னாலஜி இருக்கே ன்னு நினைக்கிறிங்களா? :-)) ஆமாம் அதுவேதான். அமெரிக்க டிபென்ஸ் கம்பெனிங்க நகருகிற இலக்கை (டார்கெட்டை) கூடவே தொடர உருவாக்கின தொழில் நுட்பம்தான் இது!

சொடுக்கியிலேயும்  வயர்லெஸ் சொடுக்கி உண்டு. இன்ப்ரா ரெட், ரேடியோ அலை இவற்றை பயன்படுத்தி இவை வேலை செய்யும். கண்ணாடி மேலேயோ இல்லை அது மாதிரி பரப்பிலோ வேலை செய்யவும் துல்லியமான நகர்த்தலுக்கும் தோதா லேசர் சொடுக்கி வந்திருக்கு. இன்னும் கேம்ஸ் ஆட (இன்டெல் லே வேலை பாக்கிற தம்பி சொல்லறான், அவங்களை பொழைக்க வைக்கிறதே இந்த கேம்ஸ் ஆடறவங்கதானாம்!) விசேஷமான சொடுக்கி எல்லாம் உண்டு.
எப்படி கணினியோட இணைச்சு இருக்கு என்கிறதை பொறுத்து வயர்லெஸ் அல்லாதவைகளில யூஎஸ்பி சீரியல் பிஎஸ்/2 ன்னு வகைகள் உண்டு. கேட் (CAD) பயன் படுத்தறவங்களுக்கு 3 டி..... இன்னும் மேலே விஷயங்கள் இருந்தாலும் இப்ப இது போதும்.
இப்பவே ரொம்ப பெரிய பதிவா போச்சு! வரட்டா?

படங்கள் நன்றி: விக்கிபீடியா.

Saturday, November 6, 2010

சட்டாம்பிள்ளையும் விசைப்பலகையும்....

ரைட் திருப்பி வந்துட்டீங்க இங்கே ! ரொம்ப தைரியம்தான் உங்களுக்கு. முதல் பாடத்தை பாக்கலாமா?
முதல்ல கணினியை பத்தி கொஞ்சம் தெரிஞ்சுக்கலாமா?
எதுக்கு தெரிஞ்சுக்கனும்ன்னு கேட்டா அது நல்ல கேள்விதான். கார் ஓட்டரவங்களுக்கு அதோட என்ஜின் எப்படி வேலை செய்யுதுன்னு தெரிய வேண்டிய அவசியமில்லை. அது போல டைப் அடிக்க தெரிஞ்சவங்களுக்கு கணினி பத்தி ரொம்ப ஒன்னும் தெரிய வேண்டாம். இருந்தாலும் கொஞ்சம் தெரிஞ்சுக்கறது நல்லது.

கணினிய தினமும் பயன்படுத்தறவங்க கூட கணினி எங்கன்னு கேட்டா இதொன்னு திரையை தான் காட்டுவாங்க. :-) அது நாம படிக்க பார்க்க வசதி செய்து இருக்கிற திரைதான். திரை? அதாங்க மானிட்டர். நாம படிச்சப்ப மானிட்டர்னா வாத்தியார் வெளியே போயிருக்கும்போது யார் கலாட்டா செய்யரதுன்னு  பாத்து வெச்சு கோள் மூட்டரவர்தான். இப்ப மானிட்டர்னா கணினி  மானிட்டர்தான்.
சரி மேலே போகு முன்னே இதப்பத்தி கொஞ்சம் பாத்துட்டு போகலாம்.

முத முத நாம சித்ரஹார் பாத்த டிவி பெட்டி மாதிரி இருக்கிற மானிட்டர் சிஆர்டி மானிட்டர். இதுதான் ரொம்ப நாள் ஆட்சி பண்ணிக்கிட்டு இருந்தது. பிரச்சினைகளும் நிறைய இருந்தது. ஆனா கணினில ரிப்பேர் பண்ணக்  கூடியது அது ஒண்ணுதான். எல்சிடி மானிட்டர் வந்து பிறகும் கூட அது விலை அதிகமா இருந்ததால சிலர்தான் வாங்க முடிஞ்சது. இப்ப விலை கம்மி ஆகிட்டதாலே யாரும் புதுசா வாங்கறதா இருந்தா எல்சிடி யே வாங்குங்க. கையில கொஞ்சம் பைசா இருந்தா எலீடி யே வாங்கலாம். அது இன்னும் கொஞ்சம் உசந்தது. அது எடுத்துக்கற மின்சாரம் நாப்பது சதவிகிதம் கம்மி. கலரும் இன்னும் நல்லா இருக்கும். கண்ணுக்கும் பாதுகாப்பு அதிகம்; உறுத்தாது. அதிக நேரம் கணினி வேலை செய்யறவங்க நிச்சயம் வாங்கலாம். விலை கொஞ்சம் அதிகம்தான். உதாரணமா 22 இன்ச் டெல் மானிட்டர் விலையை பாருங்க.




Dell G2210 LED Monitor Price in India – Rs. 13,200/- Indian Rupee (INR)
Dell S2209W LCD Monitor Price in India - Rs. 9,500/- Indian Rupee (INR)
டெல் கொஞ்சம் நல்ல கம்பனி என்கிறதால விலை கொஞ்சம் அதிகம். மத்த கம்பனி விலை இன்னும் குறைவா இருக்கலாம்.

அடுத்ததா நமக்கு ரொம்ப பழக்கமானது விசைப்பலகை. அதாங்க கீ போர்டு! ஆஆஆஆஆந்த காலத்திலேந்து இன்னும் பயன்படறது இந்த க்வேர்ட்டி விசைப்பலகை. எந்த மகானுபாவன்   கண்டு பிடிச்சதோ! தொ.கி ஆன நமக்கெல்லாம் இது பழக்கமாயிட்டதாலே சுலபமா பயன்படுத்தலாம். பழைய ரெமிங்டன் மெசினை பட படன்னு தட்டி பழக்கமானவங்க அதுக்கு தகுந்தாப்போலே வாங்கிக்கலாம். மெதுவா டச் டைப் செய்யறவங்க அதுக்குத் தகுந்தாப் போல வாங்கிக்கலாம்.

வாங்கும் போது சொல்லி கேட்டு வாங்குங்க. பல வகைகள் வந்துட்டாலும் அடிப்படையில  மெம்ப்ரேன் வகை, தனி விசை வகை ன்னு ரெண்டு வகை. தனி விசை வகைன்னா ஒரு விசை வேலை செய்யலைன்னா மாத்தலாம். மெம்ப்ரேன் வகைல அப்படி செய்ய முடியாது. ஓரங்கட்ட வேண்டியதுதான். இன்னும் வயர்லஸ் /வயர்ட், பிஎஸ்/2  /யுபீஎஸ், இன்டர்நெட், மல்டி மீடியா ன்னு பல வகைகள்.
சாதாரணமா 110 விசைகள்  இருக்கும். நம்ம ரெமிங்க்டன்ல எவ்வளோ? ஏன் அதிகம்ன்னு அப்புறம் பாக்கலாம்.

Friday, November 5, 2010

வணக்கம்!

இதை படிக்கிற எல்லோருக்கும் தீபாவளி வாழ்த்துக்கள்! கங்கை குளியல் ஆச்சா?

இந்தப்பயலுக்கு வேற வேலை இல்லையா, நேரம் இல்லை இல்லைன்னு சொல்லிகிட்டு இன்னொரு வலைப்பூ ஆரம்பிக்கிறானே ந்னு சிலருக்காவது தோணியிருக்கும்.
ஆன்மீகம் பதிவு மாதிரி இது தினம் ஒண்ணு என்ற ரீதியில் வராது. அதனால் நேரம் இருக்கும் போதும் தேவை இருக்கும்போதும் பதிவு போடுவேன், அவ்வளவுதான் (அப்பாடா ந்னு சிலர் பெருமூச்சு விடுவது கேக்குது :-)
அடிக்கடி யாராவது கணினி சார்ந்த கேள்விகளை என்கிட்டே கேட்கிறாங்க. அதுக்குன்னு நான் ஏதோ பெரிய கணினி மேதைன்னு அர்த்தம் இல்லை. நான் கொஞ்சம் பொறுமையா பதில் சொல்லறேன். தெரியலைன்னா தேடி படிச்சு தெரிஞ்சுகிட்டு பதில் போடுவேன். அதான் காரணம்.
பல வருஷங்கள் முன்னே என் அண்ணி கணினியைபயன்படுத்த முயற்சி செய்து கஷ்டப்பட்டப்ப என்கிட்டே சந்தேகம் கேப்பாங்க. கல்லூரி படிக்கற (வேற என்ன பொட்டி தட்ற படிப்புதான்!) அவங்க பொண்ணுகிட்டே கேக்கிறதுதானே என்பேன். "அவ எங்கே சொல்லித்தரா? பொறுமையே கிடையாது" ம்பாங்க.
இப்படி இன்னும் பலருக்கும் பிரச்சினை இருக்குன்னு தெரியும்.
அதனால்தான் இந்த வலைப்பூ.
பேர் என்ன வைக்கலாம்ன்னு பாத்தேன். ஏற்கெனெவே ஆன்மீகம் பார் டம்மீஸ்ன்னு இருக்கு. அதே மாதிரி வேணாம்ன்னு தோணித்து. பெரிசுங்களுக்கு கணினி ந்னு யோசிச்சேன். நீ மட்டும் என்ன சிறிசான்னு கேள்வி கேட்கப்போறாங்கன்னு தொண்டுகிழங்களுக்கு கணினின்னு வெச்சுட்டேன். அதுக்காக தொண்டு கிழங்கங்கதான் படிக்கணும்ன்னு இல்லை. என்னை மாதிரி இளைஞர்களும் படிக்கலாம். :-)

மெள்ள ஆரம்பிச்சு மெள்ள கணினி சமாசாரம் பாத்துகிட்டு மெள்ள போகலாம். என்ன அவசரம்? நடுவிலே யாரும் குறிப்பா சந்தேகம் கேட்டா அதுக்கு பொதுவா இங்கே விடை பார்க்கலாம்.
சரியா?
அனேகமா நாளை பார்க்கலாம். வரட்டா?