Monday 17 January 2011

இன்னும் ஸ்கைபி...

என்ன காணும் பொங்கலுக்கு கொ.பே./கொ.பே கூட எல்லாம் அரட்டை அடிச்சீங்களா?

கீழே இருக்கிற பதிவில யாரையும் நினைச்சுகிட்டு எழுதலைன்னு ஒரு டிஸ்கி முதல்ல போட்டுக்கிறேன்.

ஆரம்பத்திலே கொஞ்சம் கண்ணை கட்டி காட்டில விட்டாப்போல இருக்கும்தான். பிரச்சினையை சரி பண்ண இரண்டு பக்கமும் வழி இருக்கிறதால கொஞ்சம் சௌகரியம். விடியோ சாட் வரலைன்னா அப்படியே கீழே டெக்ஸ்ட் சாட் ல என்னப்பா செய்யணும்ன்னு கேட்டு சரி செஞ்சுக்கலாம். ஏதோ குழப்பம் விடியோ இல்லாம போயிடுத்து, ஆடியோ இல்லாம போயிடுத்துன்னா சங்கரி பாப்பாவை கூப்பிடவும் முடியலைன்னா பேசாம கால் ஐ துண்டிச்சுடலாம். அப்புறமா அவங்க திருப்பி கூப்பிடலாம் இல்லை நாமே கூப்பிடலாம்.

சாதாரணமா பிரச்சினை இருக்கறதில்லை. ஆடியோ அமைப்பு வேணா சரி செய்ய தேவை இருக்கலாம்.ஸ்பீக்கர், ஹெட்போன் இவற்றில சரியான தேர்வு இல்லாம போகிறதே வழக்கமா பிரச்சினை.

லாப்டாப்பிலே ஸ்கைபி ரொம்ப சௌகரியம். கூட வயர்லெஸ் மோடம் இருந்துடுத்துன்னா இன்னும் சௌகரியம். லாப்டாப்பயே இடத்துக்கு இடம் கொண்டு போய் படுத்த படுக்கையா இருக்கிற நம்ம (தொ.கி க்கு) அப்பா அம்மா வை "பார் உன் எள்ளு பேத்தியை" ன்னு காட்டலாம். அது பாட்டீ ன்னு கொஞ்சறதை கேட்டு அப்படியே உருகி போயிடுவாங்க. இட் இஸ் வொர்த் இட்!
வீட்டிலே வெச்சு இருக்கிற கொலுவை காட்டலாம். அவங்களும் அங்கிருந்து பாட்டு பாடி ஈ சுண்டல் வாங்கிக்கலாம். வீட்டு கன்னுக்குட்டி, நாய்குட்டி பூனைக்குட்டி எல்லாம் பாத்து கொஞ்சலாம். அட மல்லிச்செடி பூத்துடுத்தேன்னு ஆச்சரியப்படலாம். எனக்கு தெரிஞ்சு சிலர் விடிகாலை நெட் சார்ஜ் ஃப்ரீ நேரத்தில குழுவா சாஸ்திரப்பாடம் கேட்டுண்டு இருந்தாங்க. ஆமாம் க்ரூப் சாட்டிங்க் கூட முடியும்.

ஆரம்பத்திலே சுவாரசியமா இருந்து அப்புறம் கொஞ்ச நாள் கழிச்சு அலுத்து போயிடலாம். என்னடா இந்த கிழம் வந்து அடிக்கடி தொந்திரவு பண்ணறதுன்னு கொ.பே க்கள் நினைக்கலாம். திடீர்ன்னு பாத்தா நாம ஸ்கைபிலே லாக் பண்ணா அவங்க பேர் எதிரே ஒரு விளக்கும் வராது. அவங்க இணையத்திலே இல்லைன்னு அர்த்தமில்லே. ஏன் ஸ்கைபியிலே இல்லேன்னு கூட அர்த்தம் இல்லை. அவங்க ஒளிஞ்சுண்டு இருக்காங்கன்னு அர்த்தம். நாம விடுவோமா! அப்ப கூட அவங்க பேர் மேலே சொடுக்கி ஒரு சாளரத்தை திறந்து ஹலோ ஒளிஞ்சுண்டு இருக்கயான்னு கேப்போம்! ஹும், யாருன்னு நினைச்சே!

ஸ்கைபியிலே நாம நம்ம நிலையை காட்டறதுக்கு வசதி இருக்கு.  எல்லாம் பச்சை - ஓகே அரட்டைக்கு தயார். அதுல சிவப்பு வட்டம் - பிஸியா இருக்கேன், அப்புறம் பேசலாம். இந்த பச்சையிலேயே இன்னும் சில நிலைகள் இருக்கு. அது கொஞ்சம் குழப்படிதான். ஸ்கைபிமீ ன்னா உங்க பேரை தேடின யாரும் உங்களோட அரட்டை அடிக்கலாம். அவே என்கிறது கணினியை திறந்து வெச்சுட்டு டிபன் சாப்பிட போறவங்களுக்கு. இந்த நிலையில சாட், அழைப்பு எல்லாத்துக்கும் அறிவிப்பு வரும். நாட் அவைலபிள் ன்னா டிபன் சாப்பிட போன ஆசாமி அப்படியே எங்கேயோ போயிட்டார்ன்னு அர்த்தம். மத்தபடி இது அவே மாதிரிதான். என்ன வித்தியாசம்ன்னா ஸ்கைபி தானே இத்தனை நேரத்துக்கு அப்புறம் அவே ன்னு அமைச்சுடும். இன்னும் நேரம் போச்சுன்னா நாட் அவைலபிள் ன்னு சொல்லிடும். அவ்வளோதான்.




இதெல்லாம் இல்லாம இன்விசிபிள் ன்னு ஒரு தேர்வு இருக்கு. இதில இருக்கும்போது நாம ஒரு அரட்டையை துவக்கலாம். அது இணைப்பிலே இருக்கிற மத்தவங்களுக்கு நாம் இணைப்பிலே இருக்கிறதை காட்டாது. நாம் யாருக்கு செய்தி அனுப்பறோமோ அவங்களுக்கு மட்டும் போகும்.

இது அநியாயம்ன்னு தோணினா சில விதிகளை கடைப்பிடிக்கணும்.

சிவப்பு விளக்கா இருந்தா அவசரம்ன்னா ஒழிய அவங்களை அரட்டைக்கு கூப்பிடக்கூடாது. சந்தேகமா இருந்தா ஒரு அஞ்சல் அனுப்பி சாட் பண்ண நேரம் இருக்கான்னு தெரிஞ்சுக்கணும். இதெல்லாம் வலை நன்னடத்தைகள்.

Saturday 15 January 2011

அலோ அலோ ..... ஸ்கைபி!

எல்லாருக்கும் இனிய போகி, பொங்கல், மாட்டுப்பொங்கல், காணும் பொங்கல், சக்கரை பொங்கல், வெண்பொங்கல், ரவா பொங்கல் .... ஹிஹிஹிஹி !!! வாழ்த்துகள்!
 
நாளைக்கு கனுப்பொங்கலை காணும் பொங்கலாக்கி நிறைய சின்ன பசங்க பெரியவங்க எல்லார்கிட்டேந்து பைசா கறந்துடுவாங்க இல்லையா?
அதுக்குத்தான் இந்த விசேஷ பதிவு.

உங்க கொள்ளு பேரன் பேத்தி லாப்டாப் வாங்கி வெச்சுக்கோ தாத்தான்னு கொடுத்தா இல்லையா? அந்த கொ.பே/கொ.பே வோட நாளைக்கு அரட்டை அடிக்கலாம். எங்கே அவ யூ.எஸ் லே இருக்கா, யார் போன் போட்டு பேசறது? நான் ரிடையர் ஆகி ரெண்டு மாமாங்கம் ஆச்சு ந்னு புலம்பாதீங்க. உங்களுக்காகவே இருக்கு ஸ்கைபி.

தேவையான  சாமான்கள் அரை கிலோ துவம் பருப்பு...ஆ! சாரி! எங்கம்மா அடிக்கடி பாக்கிற சமையல் குறிப்பு நினைவில எழுதிட்டேன்.ஹிஹிஹிஹி!
தேவையானது: கணினி, ஸ்பீக்கர்கள், மைக். (இல்லை ரெண்டுத்துக்கும் ஹெட்போன் கூட பயன்படுத்தலாம். தனித்தனியா இருந்தா உங்க மனைவி/ கணவரும் கேக்கலாம்)

முதல்ல வலையிலே இணைச்சுக்கணும். ப்ராட்பேன்ட் இல்லாம ஸ்கைபி விடியோ அரட்டை முடியாது.
ஸ்கைபி மென்பொருளை இங்கே போய் தரவிறக்கிக்கோங்க! இலவசம்தான். 
http://tinyurl.com/4p6dcv5

ஆச்சா? இன்ஸ்டாலர்தான் தரவிறங்கும். அதை ரெண்டு தரம் சொடுக்க அது வலைக்குபோய் சமத்தா வேண்டிய கோப்பெல்லாம் கொண்டுவந்து நம்ம கணினியிலே நிறுவிடும்.
அப்புறம் அதை திறக்க வேண்டியதுதான்.


ம்ம்ம்.. இன்னும் நாம ஒரு ஸ்கைபி கணக்கு துவக்கலை. அதனால் Skype Name கீழே இருக்கிற dont hae a skype name? ஐ சொடுக்குங்க. பிறகு வர படிவத்தை பூர்த்தி செய்யுங்க.


முதல்ல உங்க பேர். அப்புறம் ஸ்கைபில காட்ட வேண்டிய பேர். [இங்கே ஒண்ணு ரெண்டுன்னு எழுதக்கூடாது; ஸ்கைபில காட்டக்கூடிய உங்க பெயர், சரியா?]  பிறகு பாஸ்வேர்ட். அடுத்து அதை உறுதி செய்ய, திருப்பி அதே பாஸ்வேர்ட் ஐ டைப் பண்ணனும். ரெண்டு மூணு பாஸ்வேர்ட் எல்லாம் வெச்சிக்க முடியாது!

அப்புறம் end user license agreement ஐ சொடுக்கி படிச்சுட்டு அந்த சதுரமான பெட்டியில சொடுக்கி ஒரு டிக் மார்க் போடுங்க. அப்புறம் நெக்ஸ்ட் பட்டனை சொடுக்குங்க.





அடுத்து உங்க மின்னஞ்சல் ஐடில ஒண்னை இங்கே போடுங்க. உங்க பாஸ்வேர்ட் மறந்துபோச்சுன்னா இந்த ஐடிக்குத்தான் வேற அனுப்புவாங்க, அதனால ஒளஒளாட்டிக்கு ஐடி இங்கெ போட வேணாம். ஸ்பெஷல் ஆபர் எல்லாம் வேணாம். அதனால அடுத்த சதுர பெட்டியில டிக் இருந்தா அங்கே சொடுக்கி எடுத்துடுங்க.
பாருக்குள்ளே நம்ம நாடு எது ந்னு அடுத்து குறிச்சு கொடுத்து சைன் இன் ந்னு சொல்லிடலாம்.

அடுத்து வரது லாக் இன் ஸ்க்ரீன்; முன்னேயே பாத்தோம். ஸ்கைபி பெயர், கடவுச்சொல் எல்லாம் கொடுத்தா உள்ளே போக விடும்.
நம்ம கொ.பே இல்லை கொ.பே கொடுத்த அவங்களோட ஸ்கைபி பேரை கான்டாக்ட்ஸ் ல உள்ளிடணும். அது அவங்ககிட்டே போய் "பலான நபர் உங்களோட அரட்டை அடிக்க விரும்பரார்; அனுமதிக்கலாமா? போர் ஆசாமி போல இருக்கு! எதுக்கும் கொஞ்சம் யோசிச்சு சொல்லுங்க. " ந்னு அனும் அதி கேக்கும். அவாங்க தப்பித்தவறி ஓக்கேன்னு சொல்லிட்டா அதுக்கு அப்புறம் நம்மை அரட்டைக்கு அனுமதிக்கும்.

இப்ப ச்சும்மா டைப் அடிக்கிற அரட்டை, போன் அரட்டை, விடியோ அரட்டை இதுல எதை வேணுமானா தேர்ந்தெடுத்து மேலே காரியத்தை கவனிக்கனும்.



விடியோ அரட்டை இடைமுகம் ஒண்ணு கீழே பாருங்க.


இடது பக்கம் நம்மோட கான்டாக்ட்ஸ் எல்லாம் பட்டியலா தெரியும். பச்ச விளக்கு எரிஞ்சா அவங்க லைன்ல இருக்காங்க. அரட்டைக்கு ஓகே ந்னு அர்த்தம். சிவப்புன்னா இல்லை. வேற செய்தியும் அங்கே தெரியலாம். நமக்கு இன்னிக்கு மாட்டின ஆசாமி பெயர் அங்க தெரிஞ்சா அதை சொடுக்குங்க. வலது பக்க பெட்டியிலே கால், விடியோ கால் ந்னு தேர்வு தெரியும். கீழே அரட்டை டைப் அடிக்க பெட்டி தெரியும். இந்த பெட்டில டைப் அடிச்சு "நான் வந்துட்டேன், விடியோ அரட்டைக்கு ரெடியா?" ன்னு கேட்டுகிட்டு விடியோ அரட்டை பட்டனை அமுக்கினா ஆச்சு. அவங்க பக்கத்து படம் பெரிசாவும், நம்ம பக்கத்து படம் சின்னதாவும் தெரியும். அப்புறம் என்ன பேசுங்க பேசுங்க பேசிகிட்டே இருக்கலாம்! நடுவிலே கட் ஆகிட்டா சங்கரி பாப்பாவை கூப்பிடணும். அவ வந்து என்டர் பட்டனை தட்டுவா! திருப்பி கனேன்க்ட் ஆகிடும்! :-))))

ஸ்கைபி பத்தி விவரமா தெரிஞ்சுக்க கீழே இருக்கிற தொடுப்பை சொடுக்குங்க!

http://tinyurl.com/35ojc29

Friday 14 January 2011

விண்டோஸ் எக்ஸ்ப்லோரர் இடைமுகம்

சரி அடுத்து வி.எ இடைமுகத்தை பார்க்கலாம். இதிலே வலது இடதா இரண்டு பலகம் இருக்கு. இடப்பக்கம் இருக்கிறதுல தேர்ந்தெடுத்ததை வலது பக்கம் பார்க்கலாம்......

அதாவது இடப்பக்கம் பாக்கிற அடைவுகளோட உள்ளடக்கங்கள் வலது பக்கம் தெரியும்.
எப்படி தெரியும் என்கிறதை வசதி போல மாத்திக்கலாம்.

தம்ப் நெய்ல்ஸ் என்கிறது படங்களை சின்ன படமா காட்டும். எந்த படத்தை திறக்கிறோம்ன்னு முன்னாலேயே தெரியும்.. எதையாவது தேடறோம், அதுக்கு படம் நம்பர்தான், img_10098, போல கொடுத்து இருக்குன்னா இது உதவும். ம்யூசிக் ஆல்பம் அடைவுன்னா கவர் கூட தெரியும்!

டைல்ஸ் என்கிறது பெரிய ஐகான்ஸ் ஐ பரப்பி வெச்சு இருக்கும். தகவல்கள் ஒண்ணும் பெரிசா தெரியாது. கோப்புகள் என்ன பயன்பாட்டுது என்கிறது தெரியும்.




ஐகான்ஸ் என்கிறது சின்ன டைல்ஸ் மாதிரி, விவரங்கள் ஒண்ணும் தெரியாது.

லிஸ்ட் என்கிறது நிறைய கோப்புகள் ஒரு அடைவில இருக்கிறப்ப நல்ல தேர்வு. ஒண்ணு கீழே ஒண்ணா எல்லா கோப்புகளும் பட்டியலிடப்படும்.

டீடெய்ல்ஸ் என்கறது என்ன பேர், என்ன அளவு, என்ன வகை, என்னிக்கு உருவாக்கினது ன்னு பல விவரங்களை காட்டும். என்ன என்ன விவரம் என்கிறதை நாம் அமைச்சுக்க முடியும். சாதாரணமா இதுவே நல்லது. விவரங்கள் ஒரு அட்டவணை மாதிரி வரும். ஒரு பத்தியோட தலையை சொடுக்கினா அந்த பத்தியில இருக்கிறபடி வரிசைப்படுத்தப்படும். உதாரணமா கோப்பு பேர் பத்தி தலையை சொடுக்கினா எழுத்துவாரியா, அதாவது a -z வாரியா பட்டியல் மாத்தி அமைக்கப்படும். அதை திருப்பியும் சொடுக்கினா தலைகீழ் எழுத்துவாரியா அதாவது z – a வரிசையில அமைக்கப்படும். இதே போலத்தான் மத்ததும். இப்படி இருக்கிறது பலவிதங்களில சௌகரியம். ஒரு பிடிஎஃப் கோப்பை தேடறோமா, வகையை சொடுக்கி வர பட்டியலிலே அதை சுலபமா தேடிக்கலாம். இன்னிக்கு காலை உருவாக்கின கோப்பு எங்கேன்னு தேட தேதியை சொடுக்கி தேடிக்கலாம்.

அடுத்து ஃபிலிம் ஸ்ட்ரிப். சின்ன படங்களா ஒரு வரிசையில காட்டப்படும். இதை மை பிக்சர்ஸ் அடைவிலே மட்டுமே பார்க்கலாம்.

அடிப்படையிலே வி.எ கோப்புகளை மேலாளத்தான் இல்லையா?
அப்ப கோப்புகளை பிரதி எடுக்கவும், வெட்டவும், ஒட்டவும், நீக்கவும், புதுசா அடைவுகள் உருவாக்கவும், நீகவும் முடியணும். ஆமாம் அதுக்குத்தான் இது
இருக்கு.

நமக்கு வெட்ட ஒட்டத்தான் முன்னேயே தெரியுமே! நோட்பேட் பத்தி பாக்கிறப்ப இதை பாத்தோமில்லையா? அதே குறுக்கு விசைகள் இங்கேயும் பயன்படும். ஒரு தரம் திருப்பி பார்க்கலாம்.

ctrl+C copy தேர்ந்தெடுக்கறதை பிரதி எடுக்க
ctrl+X cut தேர்ந்தெடுக்கறதை வெட்ட
ctrl+V paste ஒட்ட

பார்க்கிற இடத்திலே கண்ட்ரோல் விசையை அழுத்திகிட்டு தேவையான கோப்பு/ அடைவு ஏதாகிலும் ஒவ்வொண்ணா பொறுமையா தேர்ந்தெடுக்கலாம். இல்லை, பக்கத்து பக்கத்து உருப்படின்னா முதல் உருப்படியை தேர்ந்தெடுத்தபின்னே ஷிப்ட் விசையை அழுத்திக்கொண்டு கடைசி உருப்படியை தேர்ந்தெடுத்தா இடையிலே இருக்கிறதும் தேர்விலே சேர்ந்துடும். எல்லாத்தையும் தேர்ந்தெடுக்க கண்ட்ரோல் கூட A . இப்படி எல்லாத்தையும் தேர்ந்தெடுத்த பின்னே எதையாவது நீக்கணும்ன்னா கண்ட்ரோல் விசையை அழுத்திகிட்டு வேண்டாததை ஒவ்வொண்ணா
பொறுமையா சொடுக்கலாம்.


சும்மா நாலஞ்சு கோப்புகளை உருவாக்கி இதை எல்லாம் செஞ்சு பாருங்க!

கடேசியா ஒரு விஷயம் சொல்லிடறேன். வி.எ தான் பயன்படுத்தணும்ன்னு இல்லை. இலவச மாற்று மென்பொருட்கள் இன்னும் கூடுதல் வசதியோட இருக்கு. இங்கே போய் பாத்து தேவையானால் தரவிறக்கிக்கலாம். http://tinyurl.com/y8by3ex

Thursday 13 January 2011

அடுத்து விண்டோஸ் எக்ஸ்ப்லோரர் ஐ பார்க்கலாம். இதை ஓரளவு முன்னே நோட்பேட் பார்த்தப்ப பார்த்தோம். இப்ப விரிவா பார்க்கலாம்.

விண்டோஸ் எக்ஸ்ப்லோரர்தான் கணினியோட இடைமுகம். நாம் கணினியில எங்கே என்ன இருக்குன்னு தெரிஞ்சுக்கணும்ன்னா இதை பயன்படுத்தலாம். முன்னே சொன்ன மாதிரி...ம்ம்ம் எங்கேயாவது சொல்லி இருப்பேன்... ஒரே வேலையை பண்ண 128 வழி இருக்கலாம். ஆனா கோப்புகளையும், ஆவணங்களையும், அடைவுகளையும் அடையாளம் காண... (ஹிஹிஹி என்ன இன்னிக்கு ஒரே எதுகை மோனையாவருதே! தேர்தல்ல பேச போகலமா?) விண்டோஸ் எக்ஸ்ப்லோரர் சுலபமான நல்ல வழி. என்பேத்தியை அன்னிக்கு எடுத்த போட்டோ எங்கேப்பா, நான் உசிரு விட்டுகிட்டு எழுதின ப்ளாக் பக்கம் எங்கேப்பா, அருமையான அன்னிக்கு தொண்டுகிழங்களுக்கு கணினியில பாத்து சேமிச்ச அருமையான பக்கம் எங்கேப்பா ன்னு எல்லாம் தவிச்சா வி.எ- ஐத்தான் நாடணும். (வி.எ ன்னா விளக்கெண்ணை இல்லை. கர்ர்ர்ர்ர்ர்ர்ர்ர்ர்ர்ர்ர்ர்!) இணைய உலாவி மூலம் இணையத்தில சுத்தி வர மாதிரி இது வழியா கணினியில சுத்தி வந்து எனக்குத்தான் பழம் ன்னு சொல்லலாம்!

முன் காலத்தில தேவையான அடைவுகளை எல்லாம் நாமே அமைச்சுக்கணும். அப்புறம் எக்ஸ்பி வந்தப்ப சில முன் மாதிரி அடைவுகளை அமைச்சாங்க. ஏதாவது வேர்ட் கோப்பை எழுதி சேமிக்கப்பாத்தா அது முதல்ல மை டாகுமென்ஸ் ஐ தான் திறக்கும். படம் ஏதாவது சேமிக்கப்போனா மை பிக்சர்ஸ் திறக்கும். அதெல்லாம் முடியாது என் இஷ்டப்படித்தான் சேமிப்பேன்னா .... பிரச்சினை ஒண்ணும் கிடையாது. தாராளமா சேமிக்கலாம்.
வி.எ வைத் திறக்க:



ஆனால் நம்ம தேவைக்கு தகுந்த படி ஒழுங்கா அடைவுகளை அமைச்சு அதில கோப்புக்களை சேமிக்கறது நல்லது. தேடல் சுலபமா இருக்கும். 10-15 கோப்புகளுக்கு மேலே போகுமானா அதுக்கு தனி அடைவா உருவாக்கலாம். உதாரணமா நாம் ஒரு அடைவை உருவாக்கி அதுக்கு 'என் மாபெரும் படைப்புகள்' ன்னு பேர் இட்டு, எழுதற ப்ளாக் பக்கங்களை எல்லாம் தனித்தனி கோப்பா அதில சேமிச்சு வைக்கலாம்.



சரி அடுத்து வி.எ இடைமுகத்தை பார்க்கலாம். இதிலே வலது இடதா இரண்டு பலகம் இருக்கு. இடப்பக்கம் இருக்கிறதுல தேர்ந்தெடுத்ததை வலது பக்கம் பார்க்கலாம்....

Wednesday 12 January 2011

நிறுவல் நீக்கம்.

நிறுவல் நீக்கம்.
அதாங்க அன் இன்ஸ்டால்! ஒரு மென்பொருளை நிறுவறோம். அப்புறம் அதிலே பிரச்சினை; இல்லை காசு கேக்கிற மென்பொருள் - கொடுக்கிற காசுக்கு இது தகுதி இல்லைன்னு நினைக்கிறோம்; இல்லை சோதனை மென்பொருள் நிறுவிட்டு போதும் ன்னு நினைக்கிறோம். ஏதோ ஒண்ணு. மென்பொருளை நீக்கணும்.

நல்ல மென்பொருளா இருந்தா அதோட கோப்பிலேயே நிறுவல் நீக்கத்துக்கும் வழி - ஒரு லிங்க் கொடுத்து இருப்பாங்க. அதை சொடுக்கினா போதும். நிறுவ ஒரு வழி காட்டி வந்தது போல நிறுவல் நீக்க வழிகாட்டி ஒண்ணு வந்து நிச்சயப்படுத்திக்கொண்டு நீக்கிட்டு போயிடும். சில சமயம் ஃபீட் பேக் கேப்பாங்க; ஏன் நீக்கறீங்க? குறைபாடு ஏதாவது இருக்கான்னு. இஷ்டம் இருந்தா எழுதலாம், இல்லைன்னா வேணாம். மைக்ரோ சாப்ட் இன்ஸ்டாலர் வழியா நிறுவினதை கன்ட்ரோல் பானல் போய் நீக்கலாம்.

இந்த கன்ட்ரோல் பானல் என்கிறது கணினியோட அமைப்புகளை திருத்தி அமைக்க உதவும். ஒவ்வொரு பயன்பாட்டிலேயும் அதோட அமைப்பை திருத்த வழி இருந்தாலும் இங்கே எல்லா திருத்தங்களுக்கும் வழி இருக்கும். கன்ட்ரோல் பானல் போக:
Start➪Control Panel➪Add or Remove Programs.
ஸ்டார்ட் ➪ கன்ட்ரோல் பானல் ➪ ஆட் ஆர் ரிமூவ் ப்ரோக்ராம்ஸ்.


இதிலே வர பட்டியல்ல நாம் நீக்க நினைக்கற மென்பொருள் இருக்கணும். அப்படி இருந்தா அது மேலே சொடுக்க இன்னும் பெரிசா தெரியும். இதில சேஞ்ச், ரிமூவ் ன்னு தேர்வுகள் தெரியும். ரிமூவ் சொடுக்கினா முன் சொன்னது போல வழிகாட்டி திறந்து நிச்சயப்படுத்திக்கொண்டு நீக்கிடும்.



மைக்ரோசாப்ட் ஆபீஸ் போல சிலதில சேஞ்ச் தேர்வு இருக்கும். சின்ன சின்ன விஷயங்களுக்கு இது இல்லை. நிறுவல் நேரத்தில பலரும் எது வேணும்ன்னு யோசிச்சு நிறுவறது இல்லை. அதனால ஒரு வசதி வேணுங்கிறப்ப அது கிடைக்காது. ஆப்ஷன் எல்லாத்திலேயும் போய் பாத்தாலும் கிடைக்காது. ஹெல்ப் ஐ பாத்தா இந்த வசதியை நிறுவலைன்னு தெரியவரும். அது இந்த வழியாத்தான் நிறுவணும். சேஞ்ச் ன்னு இல்லாம ரிபேர் ன்னும் இருக்கலாம். அதை சொடுக்கும்போது நிறுவலுக்கு சிடியை தேடும் என்கிறதை நினைவு வெச்சுக்குங்க! திருப்பி நிறுவல் வழிகாட்டி துவங்கும். நமக்கு தேவையானதை நிறுவி தேவை இல்லாததை நீக்கலாம்.

விண்டோஸ் நிறுவல் போதே சில தேர்வுகள் இருக்கு. யாரும் அத கவனிச்சு நிறுவறது இல்லை! சாதாரணமா ரெண்டு நிரல் தவிர மீதியை நிறுவிடுவோம். விட்டுபோறது ஒண்ணு ஃபேக்ஸ் வசதி. ம்ம்ம்ம் என்னது! ஆமாம். ஃபேக்ஸ். யாரும் இத பயன்படுத்தறதா தெரியலை. இருக்கிறது ஒரு மோடம்; அது இன்டர்நெட்ல இருக்கும்.

இரண்டாவது தானியங்கி பேக் அப் வசதி. நிறைய கோப்புகளை உருவாக்கி கட்டாயமா பாதுகாக்க வேண்டிய நிலையில இருக்கிறவங்க இதை நிறுவிக்கலாம். ஆட் ரிமூவ் பக்கத்திலேயே அடுத்த டேப் ல இருக்கு பாருங்க! சிடியை தயாரா வெச்சுக்கவும்.

நீங்க சொல்லற வழியெல்லாம் பாத்தாச்சு. நிறுவலை நீக்க முடியலைன்னு சொல்லறீங்களா? பாவம்.... நீங்க நிறுவி இருக்கிறது நல்ல மென்பொருள் இல்லே! இத ஸ்கம்வேர் ன்னு சொல்வாங்க.

(மென்பொருள் எல்லாம் சுலபமா நிறுவலாம், மைக்ரோசாப்ட்டுது தவிர ன்னு எழுதணும் போல இருக்கு! எப்படி இருக்குன்னு பார்க்க இன்டர்நெட் எக்ஸ்ப்லோரர் 9 பீட்டா நிறுவப்பாத்தேன். மாட்டேங்குது. ஏதோ அப்டேட் இல்லையாம். சோதிச்சு பாத்தா எல்லாம் அப்டேட்டாதான் இருக்கு! ஹும்! சரி பீட்டா, மன்னிச்சுடுவோம்!)

Thursday 6 January 2011

மென்பொருள் நிறுவல்....


சரி, இணையத்துக்கு திரும்பலாம். நிறைய இலவச மென்பொருட்கள் இங்கே கொட்டிக்கிடக்கு. ஒண்ணு ரெண்டு தரவிறக்கி எப்படி நிறுவறதுன்னு பார்க்கலாம். பல எச்சரிக்கைகளை முன்னேயே சொல்லி இருக்கேன். முதல்லே ஆன்டி வைரஸ் ஐ அப்டேட் செய்துக்கணும். மென்பொருளை நம்பத்தகுந்த தளத்திலேந்து தரவிறக்கணும். தரவிறக்கின உடனே வைரஸ் இருக்கான்னு சோதிக்கணும். அப்புறமா நிறுவணும். சில தரவிறக்க மென்பொருட்கள் இதை தானியங்கியாவே செய்யும்.
சிலது ஸ்டாண்ட் அலோன் அப்ளிகேஷன் என்பாங்க. இதுக்கு நிறுவல் எல்லாம் ஒண்ணும் வேணாம். அது இயங்க தேவையான நூலகங்கள் அதிலேயே இருக்கு. நூலகங்கள்? இதென்னப்பா, மென் பொருள இயக்க லைப்ரரி எதுக்கு?
ம்ம்ம்ம்ம்ம்.... இப்படி யோசிச்சு பாருங்க.
மென்பொருட்களை நமக்கும் கேகய ராஜாவுக்கும் புரியாத சில பாஷையில எழுதறாங்க. கணினிகிட்டே வரிசையா இதை பண்ணு, அடுத்து இதை பண்ணு ன்னு சொல்லற ரீதியிலே இருக்கும். பல இடங்களில திருப்பி திருப்பி ஒரே மாதிரி இயக்கங்கள் ஒரு தொகுதியா வரும் இல்லையா? அதை ஒரே இடத்திலே போட்டு இங்க போய் என்ன செய்யனும்ன்னு பாத்து செஞ்சுட்டு வா ன்னு சொல்லும். இது ஒரு லைப்ரரிக்கு போய் ஒரு குறிப்பிட்ட புத்தகத்தை எடுத்து என்ன விஷயம்ன்னு தெரிஞ்சுகிட்டு வர மாதிரி. அதான் லைப்ரரி.
எல்லா கட்டளைகளும் அடங்கி நிறுவல் தேவையில்லாதது ஒரு வகைன்னா இன்னொரு வகை, விண்டோஸ்லே இருக்கிற வசதிகள், நூலகங்கள் எல்லாத்தையும் பயன்படுத்தி வேலை செய்யறது. மற்றொரு வகை தேவையான லைப்ரரிகள் எல்லாத்தையும் புதுசா நிறுவறது. இதுக்குள்ளே ரொம்ப போக தேவையில்லை.
மெடாபேட் (metapad) ன்னு ஒரு நல்ல மென்பொருள் தரவிறக்கி இயக்கிப்பாருங்க! இது ஒரு ஸ்டாண்ட் அலோன் அப்ளிகேஷன். தனியாகவே பயன்படுத்தலாம். தரவிறக்கி இரட்டை சொடுக்கு சொடுக்குங்க! நோட்பேட் மாதிரியே திறக்கும். என் லினக்ஸ்லே கூட வைன் உடன் சேர்ந்து வேலை செய்யுது.
உங்க கணினியிலே இருக்கிற நோட்பேடை கண்டு பிடிச்சு அதுக்கு பேரை மாத்தி இதுக்கும் நோட்பாட் ன்னு பேரை மாத்தி அது இருந்த இடத்திலே இதை வெச்சுட்டா இன்னும் சூப்பர். உங்க நோட்பேட் இப்ப அட்டகாசமா வேலை செய்யும்... இன்னும் பல வசதிகளோட!
தரவிறக்கினது googletamilinputsetup.exe ன்னு வெச்சுக்கலாம். செய்ய வேண்டியது எல்லாம் அதை கண்டு பிடிச்சு சொடுக்க வேண்டியதுதான். இது உங்க கணினியை பாதிக்கும், நிச்சயமா நிறுவணுமான்னு விண்டோஸ் கேக்கும். உங்க இஷ்ட தெய்வத்தை வேண்டிகிட்டு யெஸ் ன்னு சொடுக்குங்க. நிறுவி தேவையான கோப்பை எல்லாம் பிரிச்சு வெச்சுகிட்டு எங்க நிறுவ ன்னு கேக்கும். சாதாரணமா அது சொல்கிற இடத்தையே ஒத்துக்கலாம். C\Programs ன்னு சாதாரணமா சொல்லும். C லே இடம் இல்லைன்னு தோணித்துன்னா வேற பகிர்வுலே கூட நிறுவலாம். தப்பில்லை.
இடத்தை காட்டினதும் உன் அப்பா பேரென்ன அம்மா பேரென்னன்னு எல்லாம் கேட்டு - சரி சரி கொஞ்சம் ஓவரா போயிட்டேன் - மேலே தேவையான தகவல்கள் - மல்மேசையிலே ஐகான் வேணுமா, டாஸ்க் பாரிலே ஷார்ட்கட் வேணுமா; எல்லாம் கேட்டுட்டு, அது தப தபன்னு நிறுவிவிட்டு முடிச்சாச்! ன்னு சொல்லும். க்ளோஸ் பொத்தானை அமுக்கி வெளியேற வேண்டியதுதான்.
சில சமயம் நடுவிலே இலவசமா இந்த டூல்பார் நிறுவறேன்; செர்ச் இஞ்ஜின் நிறுவறேன்னு எல்லாம் சொல்லக்கூடும். வாணாம்ன்னு சொல்லுங்க. ஒரு வேளை இன்ஸ்டால் ப்ளா ப்லா ப்ளாஆன்னு சொல்லி பக்கத்திலே ஒரு சின்ன பொட்டி போட்டு அதில் டிக் அடிச்சு இருந்தா அந்த டிக் ஐ சொடுக்கி நீக்குங்க. அப்புறமா நெக்ஸ்ட் சொல்லிக்கலாம். நிறுவிட்டா அப்புறம் அதை நீக்கறது கஷ்டம்!
சிலது மேம்படுத்திய பதிப்பை நிறுவிக்கோயேன். அதுல பலான வசதிகளிருக்குன்னு சொல்லும். சரின்னா அது வலைதளத்துக்கு கொண்டு போய் தரவிறக்கும் முன்னேயோ பின்னேயோ காசு கேட்கும். சிலது இலவசமா ரிஜிஸ்டர் செய்துக்க சொல்லும்.
பயப்படாம செய்து பாருங்க!

Wednesday 5 January 2011

பெரிய எழுத்து விக்கிரமாதித்யன் கதை.... 2

கன்ட்ரோல் பானல்> டிஸ்ப்லே> அட்வான்ஸ்ட் வழியா போனா கிடைக்கிற சாளரத்திலே ஐடம் ன்னு இருக்கு பாருங்க. அதிலே கீழ் நோக்கிய அம்புக்குறியை சொடுக்கி ஒவ்வொண்ணா தேர்ந்தெடுத்து, அதுக்கு கீழே இருக்கிற பொட்டில எழுத்துரு அளவை மாத்திக்கலாம்.

From magnification

இங்கே விண்டோஸ் சாளரத்தோட ஒவ்வொரு இடத்திலும் எழுத்து அளவு என்ன இருக்கணும் ன்னு நிர்ணயிக்கலாம். செட்டிங்க்ஸ் இப்படி இருக்கலாம். தேவையானபடி மாத்திக்குங்க.

Format:    Item -    Size -    Font -              Font Size

Active Title Bar -     22 -   Trebuchet MS -   11
Icon -                       32 -   Tahoma -             10
Inactive Title Bar -  22 -   Trebuchet MS -   11
Menu -                    19 -   Tahoma -              10
Palette Title -          19 -   Tahoma -               9
Selected Items -      19 -   Tahoma -             10

ம்ம்ம்ம் .... இங்க பான்ட் அளவை மாத்துங்க. அவ்வளோதான். கணினி முழுக்க இருக்கிற எல்லா எழுத்துக்களும் பெரிசாவே தெரியும். அதுக்குன்னு மானிட்டர் மேலே சாம்சங்க் ன்னு எழுதி இருக்கிறது பெரிசா தெரியலைன்னு புகார் சொல்லக்கூடாது.

இன்னொரு விஷயம் டெஸ்க்டாப் தீம் ஐ மாத்தினா இது காணாம போயிடும். எல்லா டெஸ்க்டாப் தீம் உம் இப்படி பல எழுத்து அளவுகளை அனுமதிக்கும்ன்னு சொல்ல முடியாது.

இவ்வளவு செஞ்சும் உங்களுக்கு திரையில் இருக்கிறதை சரியா பார்த்து படிக்க முடியலைன்னா விசேஷ உதவி உங்களுக்கு தேவை. இதுக்கு ஆக்ஸ்ஸபிலிடி ஆப்ஷன்ஸ் ன்னு பெயர்.
Start➪Control Panel➪Accessibility Options.
use high contrast ஐ தேர்ந்தெடுங்க. பக்கத்திலே செட்டிங்க்ஸ் சொடுக்கினால் படத்திலே வலது பக்கம் தெரிகிற தேர்வுகளை பார்க்கலாம். ஒவ்வொண்ணா பரிசோதிச்சு எது சரி வருதோ அதை வெச்சுக்கலாம்.

From magnification


இரண்டாவதா ஒரு சின்ன பூத கண்ணாடி உதவியோட பார்க்கலாம். இல்ல இல்ல, நீங்க கடைக்கு போய் வாங்க வேணாம். எக்ஸ்பி யே ஒண்ணு வெச்சு இருக்கு. start ➪ Programs ➪ accessories ➪ accessibility ➪ Magnifier

From magnification

திரையின் மேலே ஒரு சென்டிமீட்டர் அளவில ஒரு பட்டை தெரியும். அதுல நம்ம சொடுக்கி எங்கெல்லாம் போகுதோ அந்த இடம் பெரிசா காட்டப்படும். இதை தேவையான படி மாத்திக்கலாம். படத்தை பாருங்க.

From magnification

பயர்பாக்ஸ் உலாவியிலே நோஸ்கிவின்ட் ன்னு ஒரு நீட்சி இருக்கு. சௌகரியப்படி உரை அளவை மட்டுமோ; உரை படம் அளவுகளையோ, ஒரு குறிப்பிட்ட தளத்துக்கோ, எல்லா தளங்களுக்குமோ அமைச்சுக்கொள்ளலாம். பின்னணி முன்னணி கலரைக்கூட மாத்திக்கலாம்!
இதை எல்லாம் பயன்படுத்தி கணினியை கண் பார்வை குறைந்த பெரியவங்களும் பயன்படுத்த முடியும்.

Tuesday 4 January 2011

பெரிய எழுத்து விக்கிரமாதித்யன் கதை....

ம்ம்ம் ... எல்லாம் நல்லா இருக்கு. ஆனா இந்த திரையைத்தான் சரியா பாக்க முடியலேன்னு புலம்பறவங்களுக்கு இந்த பதிவு. லீகல் டாகுமென்டோட பைன் ப்ரின்ட் எல்லாம் சர்வ சாதாரணமா கண்ணாடி இல்லாம படிச்சது ஒரு காலம். இப்ப கண்ணாடி போட்டும் சரியா தெரியறதில்லை. ம்ம்ம் எல்லாம் காலத்தின் கோலம். போகட்டும். சரியா பாக்க முடியலேன்னு ஒத்துக்கிட்டா பாதி பிரச்சினை சால்வ்ட். எனக்கு வயசாகலைன்னு பிடிவாதம் பிடிக்கிறவங்களுக்குத்தான்.... சரி சரி மேலே படிக்கலாம். எழுத்துக்களையும் மத்தத்தையும் பெரிசா பார்க்க பின் வர செய்தியை பாத்து செய்யுங்க.
ரொம்ப சுலபமா ரெசொலூஷனை குறைச்சா எல்லாமே பெரிசாகிடும். எப்படி செய்யறதுன்னா;
மேல்மேசை மேலே வலது சொடுக்கு > ப்ராபர்டீஸ் > செட்டிங்ஸ்
இங்கே நடுவிலே இடதுபக்கமா ஸ்க்ரீன் ரெசொலூஷன் ன்னு இருக்கு பாருங்க. அதில இருக்கிற பட்டனை பிடிச்சு இடது பக்கமா இழுங்க. என்ன தேர்வு கிடைக்கும் என்கிறது உங்க மானிட்டரை பொருத்தது. அதை இழுத்த பிறகு எப்படி இருக்குன்னு பார்க்க வலது கீழ் கோடியிலே அப்ளை ன்னு இருக்கீற பொத்தானை சொடுக்குங்க. உடனே திரை மாறிடும். இது உங்களுக்கு பிடிச்சா வெச்சுக்குங்க. இல்லைன்னா விடுங்கன்னு சொல்லும். சரியா தோணித்துன்னா யெஸ் பொத்தானை அழுத்த இந்த ரெசொலூஷனை அமைச்சுடும்.








இந்த ரெசொலூஷன் சமாசாரம் சிஆர்டி மானிட்டர்லதான் எதிர்பார்த்தபடி வேலை செய்யும். எல்சிடி மானிட்டர் ன்னா எப்படி தெரியும்ன்னு படத்தில பாருங்க. எழுத்தெல்லாம் கண் அராவியா போயிடும்!


ரெசொலூஷன் அப்படியே இருக்கட்டும். எனக்கு எழுத்து மட்டும் பெரிசா தெரிஞ்சா போதும்ன்னு நினைச்சா:
மேல்மேசை மேலே வலது சொடுக்கு > ப்ராபர்டீஸ் > அப்பியரன்ஸ்> ... இடது பக்கம் கீழே பான்ட் சைஸ் ன்னு இருக்கே அந்த பொட்டியை கீழே இழுத்து லார்ஜர் பான்ட்ஸ் ன்னு தேர்ந்தெடுத்து அப்புறமா அப்ளை பொத்தானை அழுத்துங்க.


இது போதும்ன்னா நல்லது. இல்லை சிலது மட்டுமே மாறுது. மத்த எழுத்தெல்லாம் அப்படியே இருக்குன்னா:
மேலே படத்திலே கீழே வலது பக்கம் தெரிகிற அட்வான்ஸ்ட் அப்பியரன்ஸ் தேர்ந்தெடுங்க.





DPI அளவை அதிக்கப்படுத்தினா எழுத்துக்கள் இன்னும் நல்லா தெரியும்.

எல்சிடி மானிட்டர்ல எழுத்துக்கள் இன்னும் நல்லா தெரிய க்ளியர் டைப்புன்னு ஒரு வசதி இருக்கு. அதையும் வசதியா சரி செஞ்சுக்கலாம்.
Start➪Control Panel➪Appearance and Personalization
இங்கே கீழே அட்ஜஸ்ட் க்ளியர் டைப் செட்டிங்க் ன்னு இருக்கு பாருங்க. அதை சொடுக்குங்க. இப்ப ரெண்டு பொட்டி தெரியுதா?



 இதிலே எந்த பொட்டியில எழுத்து நல்லா தெரியுதுன்னு பாத்து அத சொடுக்குங்க. இப்ப திருப்பியும் வேற ரெண்டு பொட்டி தெரியும். இப்படியே 2-3 தரம் செஞ்சா நமக்கு பிடிச்ச மாதிரி எழுத்து தெரியும்.
இது பழைய சிஆர்டி மானிட்டருக்கு பொருந்தாது.