Thursday, November 29, 2012

அன்ட்ராயர் -4


key words: android, ICS, beginners, elders, howto android phone.Tamil.
-------------------------------------------------------------------
ஆண்ட்ராய்டை பயன்படுத்தறதை ஆரம்பிக்கும் முன்னே ஒரு முக்கிய விஷயம் புரிஞ்சுக்கிறது நல்லது. மத்த செல் போன் மாதிரி இல்லை இது, 1கிக் ப்ராஸசர், நாலு இஞ்ச் ஸ்கிரீன்னு இருக்கற சமாசாரம். அதனால் பேட்டரி லைப் ரொம்பவே கம்மியா இருக்கும். அடிக்கடி சார்ஜ் செய்ய வேண்டி இருக்கும். ஹெவ்வியா பயன்படுத்தினா ஒரு நாளுக்கு ரெண்டு தரம் கூட சார்ஜ் செய்ய வேண்டி இருக்கலாம். பயப்படாதீங்க! இதை எல்லாம் சமாளிக்க பல வழிகள், ஆப்ஸ் இருக்கு! முதல்ல தேவையில்லை, உபயோகத்துல இல்லைன்னா ஜிபிஎஸ், ப்ளூடூத், வி-லான் எல்லாத்தையும் தொட்டு அணைச்சுடுங்க! (யார்ப்பா அங்க மொறைக்கறது? அர்த்தம் அவங்கவங்க மனசில சரியா படணும்!) பேக் க்ரௌண்ட்ல எதாச்சும் குதி குதின்னு குதிக்கிற மாதிரி வால் பேப்பர் எல்லாம் இருந்தா மாத்தி ஒரு நல்ல படத்த போடுங்க. அப்புறம் மெனு> செட்டிங் > டிவைஸ் ல பாத்தா எதெல்லாம் பாட்டரி சக்தியை சாப்பிடுதுன்னு தெரியும். தேவையான நடவடிக்கை எடுக்கலாம். ஆப்ஸ் சமாசாரம் அப்புறமா பார்க்கலாம். குறிப்பா ஸ்க்ரீன் வெளிச்சத்தை குறைக்கிறது. வெயில்ல போனா அதிகமாக்கிக்கலாம்.



முதல் முதல்ல தட்டுத்தடுமாறி போனை ஸ்விட்ச் ஆன் செய்தப்பறம் அது உங்க கூகுள் அக்கவுண்ட் விவரம் கேக்கும்! ஆண்ட்ராய்ட் கூகுள் ஓஎஸ்தானே? கூகுள் சர்வீஸ் எல்லாத்தையும் இதுல கொடுக்கணும்ன்னு யோசிக்குது! அதனால அதோட விவரம் வேணும்.

என்னாஆஆஆது? கூகுள் அக்கவுண்ட் இல்லையா? என்னாங்க சார் நீங்க... போனா போவுதுன்னு அதுவே ஒரு அக்கவுண்ட்டை துவக்க அனுமதிக்கும். ஆமா, நீங்க சிம் கார்டை உள்ள போட்டீங்களா, இல்லையா? அட அது வேற வேணுமான்னு கேக்கறீங்களா? ஆமா சார் ஆமா! அது இல்லாம போன் வேற கேக்குதா உங்களுக்கு?
( போனோட பின்பக்க மூடிய கழட்டி போடறதே ஒரு கலை. அனேகமா நாம கடைக்காரர்கிட்டே கொடுத்து போடச் சொல்லி இருப்போம். அவர் 'பர்ர்ர்ர்ர்ர்ர்ர்ர்ர்ரக்' ன்னு அத பிரிச்சு போடறப்ப பயமாவே இருக்கும்!)

என் சிம் கார்டுல இன்டர்நெட் கனென்க்ட் பண்ண முடியாதேன்னு சொல்லறீங்களா? பரவாயில்லை. விலான் ஐ துவக்கி உங்க பையன் வெச்சிருக்கிற ப்ராட்பேண்ட் வயர்லெஸ் மோடத்தோட கனெக்ட் பண்ணிக்கலாம். என்ன அதோட விவரம் வேணும். அவ்ளோதான்.
ரைட்! கூகுள் அக்கவுண்ட் அமைச்சாச்சு. அது தானா மெய்ல் அல்லாத்தையும் கொண்டு வந்து நாட்டிபை பண்ணும். நா. ட்ராயரை கீழே இழுத்து அதை தொட்டதும் மெய்ல் ஐ காட்டும். முன்னேயே மெய்ல் பார்க்கிறது எப்படின்னு சொல்லியாச்சு இல்லே?

Wednesday, November 28, 2012

அன்ட்ராயர், Android -3

key words: android, ICS, beginners, elders, howto android phone.Tamil.


மெனுவை பார்க்க போகுமுன் நாட்டிபிகேஷன் பாரை இன்னும் கொஞ்சம் பார்க்கலாம். அண்ட்ராயர்ல ஒரு அண்ட்ராயர், ச்சே, ட்ராயர் இருக்கு. நாட்டிபிகேஷன் பாரை தொட்டு கீழே இழுத்தா அது சமத்தா விரிஞ்சு வரும். குறிப்புகளா பாத்த நாட்டிபிகேஷன்களை இப்ப விரிவா பார்க்கலாம். பத்து மெசேஜ் இருக்குன்னு சொல்லித்துன்னா அந்த மெசேஜை தொட அது ஷார்ட் கட்டா செயல் பட்டு மெசேஜ் எல்லாத்தையும் காட்டும். நாட் எல்லாம் பாத்தாச்சுன்னா அதுக்கு மேலே இருக்கிற பெரிய X ஐ அழுத்த எல்லாம் காணாமப்போகும்.  ட்ராயரை மூட கீழிருந்து மேலே அத இழுத்து விட வேண்டியதுதான். அல்லது இடது பக்கம் வளைஞ்ச - பேக் - அம்புக்குறியை அழுத்தலாம்.


ரைட் இப்ப மெனுவை பார்க்க போகலாம். இதை லாஞ்சர்ன்னும் சொல்வாங்க. கட்டம் கட்டமா இருக்கிற ஐகான்தான் மெனுவோடது. இது கொஞ்சம் பழைய செட்ல மென் பொத்தானாகவும் இருக்கலாம். இதை தொட திரையில நிறைய ஐகான்கள் தெரியும். எல்லாமே ஷார்ட்கட் மாதிரி.

பொதுவாகவே நம்ம ஸ்மார்ட் போனை ஒரு புத்தகம் மாதிரி நினைச்சுக்கலாம். நம்ம பார்வையில ஒரு பக்கமே இருந்தாலும் புத்தகத்தில அடுத்த பக்கத்தை புரட்டற மாதிரி, ஸ்மார்ட் போன்ல அடுத்த பக்கம் மறைஞ்சு இருக்கு;  அதை தொட்டு ஓரத்திலேந்து நடுவுக்கு இழுக்க வேண்டியதுதான். இது கீழ்- மேலேயோ அல்லது வலது இடதோ இருக்கலாம். முன் பின் பக்கத்தை புரட்டற மாதிரி இடது வலது. கீழே இருக்கிற படத்தை பாருங்க. ஜிமெய்ல் ஐகானை தொட அது திறந்து ஒரு மெய்லை தொட அதை காட்டுது. இப்ப இதன் கீழே ஓல்டர், ந்யூயர் ன்னு இருக்கிறதை பாருங்க. அந்த பக்கம் புது பழைய மெய்ல் இருக்குன்னு காட்டுது. (ஐயப்பன் கோச்சுக்க மாட்டார்ன்னு நினைக்கிறேன்!)


இது நினைவில இருந்தா பல விஷயங்கள் சுலபம். லாஞ்சர்ல திரை முழுக்க ஐகான் தெரியுது; ஆனா நாம் தேடற செட்டிங்ஸ் ஐகானை காணலை! அது எஸ் ல ஆரம்பிக்கிறதால இன்னும் பின்னால வரும்! மெனுவோட அடுத்த பக்கத்தை பார்க்க வலது விளிம்புலேந்து மையத்துக்கு விரலை வெச்சு இழுக்க வேண்டியதுதான். இழுத்த இழுப்புக்கு பக்கம் ஓடி வரும். இப்படியே அடுத்தடுத்த பக்கங்களை பார்க்கலாம். அடுத்த பக்கம் ஏதும் இல்லைன்னா திரை பாதி தூரம் இழுபட்டுவிட்டு எலாஸ்டிக் சுருங்கறா மாதிரி திருப்பி பழைய திரைக்கு போயிடும்! முன் பக்கம் போகிறதும் சுலபம்தான். எதிர் திசை- அதாவது இடது விளிம்புலேந்து மையத்துக்கு விரலை இழுக்கணும். இப்படி எழுத கஷ்டமா இருக்கே ஒழிய சுலபமா பழகிடலாம். வேலை செய்ய ரொம்ப ஜாலியாவே இருக்கும்!

நமக்குத் தேவையான அப்ளிகேஷனை துவக்க அதோட ஐகானை தொட வேண்டியதுதான்.
சில சமயம் திரையிலே இருக்கிற எக்கச்சக்க ஐகான்களை எல்லாம் தூக்கிபோட்டுட்டு ஸ்கிரீனை துடைச்சுவிட்டா நல்லா இருக்கும் போல தோணும். துடைச்சே விடலாம். ஐகானை கொஞ்ச நேரம் தொட்டுக்கொண்டு இருந்தா சின்னதா ஒரு 'கிர்' ஐ உணரலாம். அது நம் விரல்ல ஒட்டிகிச்சுன்னு அர்த்தம். அப்படியே மேல இடது மூலைக்கு இழுத்துபோக அங்க டெலீட் ன்னு தெரியும். அங்க விட்டாச்சுன்னா ஐகான் காணாம போயிடும். இதை விட சுலபமா இருக்க முடியுமா?! அதையே மேல் வலது மூலைக்கு கொண்டு போக 'அன் இன்ஸ்டால்' ன்னு காட்டும். அங்கே விட்டுவிட்டா இந்த அப்ளிகேஷனை தூக்கிரவான்னு கேட்கும்! தூக்குன்னா கசாப் கதை மாதிரி முடிஞ்சது!

Tuesday, November 27, 2012

அண்ட்ராயர் - 2

key words: android, ICS, beginners, elders, howto android phone.
----------------------------------------------------------------------------------------
மன்னிக்கணும். இந்த பதிவு போட நாளாயிடுச்சு. நடுவில ஊருக்குப்போய் என் பேத்தி பேரனை பாத்து வந்தேன் நாலு நாள் அதுல ஓடிடுச்சு. பயண நேரத்தில அண்ட்ராயரை இன்னும் டெஸ்ட் பண்ண முடிஞ்சது. அந்த கதை எல்லாம் அப்புறமா சொல்லறேன்.

அண்ட்ராயர் முகப்ப பார்க்கலாம். முன்னேயே அதை இயக்கர வரை ஒண்ணும் பெரிசா கவர்ச்சியா இல்லாம மேக் அப் இல்லாத பட கதாநாயகி மாதிரி இருக்கலாம்ன்னு சொன்னேன். பவர் ஆன் செய்த பின்னே கவர்ச்சிப்பட கதாநாயகி மாதிரி இருக்கும்!



ரைட் மேஏஏஏலே ஒரு சின்ன பட்டை தெரியுதாஅது ஸ்டேடஸ் பார்இதில இடது பக்கம் இருக்கறது நாட்டிபிகேஷன் பார்இருபத்து எட்டரை மெய்ல் வந்திருக்குநாலு ஆப்ஸ் இன்ஸ்டால் ஆயிருக்குநீ பாட்டுக்கு நோண்டிக்கிட்டே இருந்ததால இப்ப பாட்டரி 40 % தான் சார்ஜ் இருக்குஎன்கிற ரீதியில இந்த ஸ்மார்ட் போன் நமக்கு சொல்ல வேண்டிய செய்தி எல்லாம் இங்கே சின்ன குறிப்பா பார்க்கலாம். இந்த படத்தில பாட்டரி சார்ஜ் மட்டுமே காட்டுது. வலது பக்கமா இருக்கிறது போன் ஸ்டேடஸ்ரெண்டு ஸிம் கார்டுல ஒண்ணுதான் இருக்குவிலான் கனென்க்ட் ஆயிருக்குப்ளூ டூத் செயல்ல இருக்குசாக்கிரதை மாதிரி சமாசாரம் எல்லாம் இங்க தெரியும்வலது கோடில நீ பாட்டுக்கு இத நோண்டிகிட்டே இருக்கையேமணி ராத்திரி ஒண்ணாச்சு ன்னு நேரம் காட்டும்




இந்த ஸ்டேடஸ் பாருக்கு கீழே பெருமளவு திரையை ஆக்கிரமிக்கிற இடம் நம்ம டெஸ்க்டாப் மாதிரி. இதுக்கு ஹோம் ஸ்க்ரீன் ன்னு சொல்லறாங்க. லீனக்ஸ்ல இருக்கற மாதிரி ஒண்ணுக்கு மேற்பட்ட டெஸ்க்டாப் இருக்கலாம். இப்படி இருக்கான்னு பார்க்க கட்டை விரலை ஸ்கிரீன்ல கீழேயும் ஆள்காட்டி விரலை ஸ்க்ரீன்ல மேலேயும் வெச்சு இரண்டு விரல் நுனிகளையும் ஒண்ணா கொண்டு வாங்க. ஸ்க்ரீனை தேச்சுக்கொண்டுதான்! கட்டம் கட்டமா ஸ்க்ரீன்களை பார்க்கலாம். அதுல ஒண்ணுத்துல + குறி போட்டு இருக்கும். அதை அழுத்தினா இன்னொரு ஸ்க்ரீன் கூடுதலா சேர்க்கப்படும். இது ஒவ்வொண்ணுத்துலேயும் நமக்கு சௌகரியமான ஆப்ஸ் உடைய ஷார்ட் கட்டை வகைப்படுத்தி வெச்சுக்கலாம். உதாரணமா அடிக்கடி செட்டிங்ஸ் பார்க்கறோம், நிமிஷத்துக்கு ஒருதரம் மெய்ல் வந்திருக்கா பார்க்கிறோம் ன்னா சம்பந்தப்பட்ட ஐகான்களை ஹோம் ஸ்க்ரீன்ல வெச்சுக்கலாம். காமிரா பயன்படுத்த காலரி பார்க்கன்னு தனியா ஒரு ஸ்க்ரீன்ல வெச்சுக்கலாம். இப்படி ஷார்ட் கட் வெச்சுக்கறது மெனு வழியா போகிறதை விட சுலபமானது.

சரி, மேலே போகும் முன்னே விரல்களை பயன்படுத்தறதைப் பத்தி பார்க்கலாம். விரலால ச்சும்மா தொடறது ஒண்ணு -டச். ரெண்டு முறை தொடறது ஒண்ணு -டபுள் டச். தொட்டு கொஞ்ச நேரம் - சில வினாடிகள்- அப்படியே வைத்து இருக்கிறது ஒண்ணு. இது லாங் ப்ரெஸ். தொட்டு விரலை இழுக்கிறது ஒண்ணு- ஸ்வைப். இது சொடுக்கியால சொடுக்கி இழுக்கற மாதிரி. செத்த முன்ன கட்டம் கட்டமா ஸ்க்ரீன் நிறைய பார்க்க செஞ்சோமில்லையா? ரெண்டு விரல்களை ஒண்ணா கொண்டுவர மாதிரி இழுக்கிறது - இது பின்ச். இதுக்கு எதிரா சேர்த்து வெச்சு தொட்டுக்கொண்டு இருக்கற விரல்களை பிரிக்கிறது ஸ்ப்ரெட். இப்ப இதை கொஞ்சம் கவனம் வெச்சுக்கோங்க. பின்னால படத்தை பெரிசா பார்க்க ஸ்ப்ரெட் பண்ணுங்கன்னு சொன்னா முழிக்கப்படாது
கடைசியா தொட்டு வட்டமா சுழற்றவும் முடியும். ரொடேட்ஸ்க்ரீனை 90 டிகிரி சுழற்ற பழகலாம். இதை பின்னால பார்க்கலாம்.


Monday, November 19, 2012

கோளாறான எழுத்துரு சமாசாரம்...

சில சமயம் திடீர்ன்னு சில பிரச்சினைகள் வரும். ஏதாவது டாக்குமென்ட் எழுதறப்ப வித்தியாசமான ஒண்ணு எழுத வேண்டி வரலாம். சரியா ஶிவன் ன்னு எழுத தோணலாம். எப்படி எழுதறது? shன்னு அடிச்சா ஷ் தான் வரும்
இதுக்குத்தான் இன்சர்ட் காரெக்டர் ன்னு ஒரு வசதி இருக்கு. ஓபன் ஆபீஸ் - என்ன வேர்ட்டுல வேணுமா? சார் எதுக்கு சார் வீணா கர்மாவை சேத்துக்கணும். காசு கொடுத்து மைக்ரோசாப்ட் ஆபீஸ் வாங்கறதுக்கு இலவசமா கிடைக்கிற ஓபன் ஆபீஸை நிறுவுங்க சார். நீங்க நினைக்கிறபடியே எல்லாம் எழுத முடியும்.
என்ன சொன்னேன்? ஓபன் ஆபீஸ் ரைட்டர்- அதான் வேர்ட் க்கு ஈக்வல் - ல டாக்குமென்ட் மெனு ல இன்சர்ட் ல கீழே பாருங்க. Special Character ன்னு இருக்கா அதை சொடுக்குங்க. இப்ப நீங்க பயன்படுத்தற எழுத்துரு - என்ன? புரியலையா? ஃபான்ட் சார் ஃபான்ட். அதான். எழுத்துரு தொகுதில இருக்கற எல்லா எழுத்துருவும் தெரியும். நீங்க தேடறது அதுல இருக்கான்னு பாத்து தேர்ந்தெடுத்து ஓகே கொடுத்தா வேலை முடிஞ்சது.

ஶ வேணாம் ஶி வேணுமே ன்னு சொன்னா, பிரச்சனையே இல்லை. முதல்ல ஶ வை தேர்ந்தெடுத்துட்டு அப்புறம் பக்கத்திலேயே இருக்கு பாருங்க ி அத தேர்ந்தெடுத்தா ரெண்டும் ஒட்டிக்கும், ஓகே கொடுக்க டாக்குமென்ட் ல என்டர் ஆயிடும்.






சரி. இப்படி இல்லாம நமக்கு தெரியாத எழுத்துரு வேணும்ன்னா?

ச்சும்மா க்ரீக் ஆல்பா ன்னு வெச்சுக்கலாமே? இத எப்படி எழுதறது?

என்னய்யா இப்படி கோளாறா எல்லாம் கேட்டா எப்படி? ஆல்பா ன்னு எழுதறது ன்னு சொல்றீங்களா? அதுவும் சரிதான். இருந்தாலும் α ன்னு எழுத எப்படின்னு கொஞ்சம் யோசிக்கணும்.

இதுக்கு க்ரீக் எழுத்துரு என்ன நம்ம கணினில இருக்குன்னு தெரிஞ்சுக்கணும். கூகுளாரை கேட்டா சொல்லபோறாரு. நீங்க கேட்கச்சொல்லி கஷ்டப்படுத்தாம நானே சொல்லறேன். அது எந்த ஆங்கில எழுத்துருவிலேயுமே கூட இருக்கு. முன்னே சொன்ன மாதிரி எழுத்துருக்கள் பட்டியலை பாத்தா முதல்ல பேசிக் latin, அப்புறம் latin 1, latin extended ன்னு latin ஆ போய் அப்புறம் பேசிக் க்ரீக் வரும் ஆங்! அதுல பாருங்க, ஆல்பா இருக்கும். டபுள் க்ளிக் அல்லது தேர்ந்தெடுத்து ஓக்கே, முடிஞ்சது கதை.

இது போகட்டும். இன்னும் அட்வான்ஸ்ட் ஆ போகலாம். பின்ன தொண்டு கிழம்ன்னா சும்மாவா? மத்தவங்களுக்கு போறும் என்கிறது நமக்கு போறுமா?
கணக்கு எழுத எனக்கு மேக்ரான் வேணும்ன்னு கேட்கிறவங்களுக்கு என்ன செய்யலாம்?

முதல்ல மேக்ரான்னா என்னய்யா?
Ȳ  ȳ  T̄  t̄
இதில மேலே சின்ன கோடு போட்டு இருக்கே, கோவில்ல கொடுக்கிற விபூதியை சின்னதா அரை சென்டிமீட்டர் இட்டுக்கிறா மாதிரி அதான் மேக்ரான். இதே போல இன்னொன்னு ஓவர் லைன். இது முக்கால் சென்டிமீட்டர். 
Y̅  y̅   T̅   t̅
ரெண்டுத்துக்கும் சடில் வித்தியாசம் இருக்கு இல்லே?
மேக்ரான் மேலே போடற சின்ன கோடு. ஒவர்லைன் கொஞ்சம் பெரிசு.
இத எப்படி தெரிஞ்சுக்கிறதுன்னா.... விஷயம் ஒண்ணுமில்லை. கூகுள்ள macron ன்னு டைப் பண்ணா சொல்லிட்டு போகுது!

அடுத்து அதுக்கான யூனிகோட் நம்பர் என்னன்னு கண்டு பிடிக்கணும். இது கொஞ்சம் கஷ்டம். கூகுளாரை கொஞ்சம் படுத்தினா பாவம் போனாபோறதுன்னு சொல்லிடுவார்.
எந்த மொழி ன்னு தெரிஞ்சிருந்தா இங்கே போய், ஸ்க்ரிப்டை கண்டுபிடிச்சு சொடுக்கி, அந்த மொழியை பத்தின விக்கி பக்கத்துக்கு போய் பாத்தா அங்கே மேலேயே வலப்பக்கம் இருக்கிற பெட்டியில பாத்து ரேஞ்ச் கண்டு பிடிச்சுடலாம். அப்புறம் இங்கே போய் அந்த ரேஞ்ச் இருக்கிற பக்கத்தை பாத்து எண்ணை கண்டுபிடிக்கலாம். உதாரணமா தமிழுக்கு
ன்னு போட்டு இருக்கு. அத்ருஷ்டம் இருந்ததால் பக்கத்திலேயே ஒரு பிடிஎஃப் லிங் இருக்கு. அதை தட்டி தரவிறக்கி பாத்தாலே எழுத்துருக்களும் அதன் கோட் உம் தெரியறது.



இந்த நாலு இலக்க எண்ணை கண்டு பிடிச்சுட்டா அப்புறம் சுலபம்தான்.

லீனக்ஸ் (gtk+ இருந்தா)  ரைட்டர்ல முதல்ல எழுத்தை டைப் செய்யலாம். Y. ஆச்சு. அப்புறம் ஸ்பேஸ்விடாம கண்ட்ரோல் ஷிப்ட் விசைகளை அழுத்திக்கிட்டு இன்னொரு கையால டைப் செய்யலாம். U அப்புறம் நாலு இலக்க எண். அவ்வளோதான் விசைகளை விட்டதும் சரியான குறி சேர்ந்துடும். உதாரணமா Ȳ க்கு Y கண்ட்ரோல் ஷிப்ட் U0304.

மைக்ரோசாப்ட் விண்டோஸ்ல :
ரைட்டர்ல .... சரி சரி ..... வேர்டில் கூடத்தான் ….
ஆல்ட் விசையை அழுத்தி பிடிச்சுக்கணும்.
வலது பக்கம் கீபோர்ட்ல இருக்கிற ந்யூமெரிக் கீபாட்ல + ஐ அழுத்தி அப்புறம் யூனிகோட் அறும எண் - ஹிஹி, அதான் ஹெக்ஸாடெசிமல் - யூனிகோட் எண்ணை ந்யூமெரிக் கீபாட்ல தட்டணும். ஆல்ட் விசையை விட்டுடலாம். முடிஞ்சது.
இது கஷ்டமா இருக்கு அல்லது வேலை செய்யலைன்னா இங்கே போய் பாத்து தரவிறக்கி நிறுவுங்க. இது நல்லாவே வேலை செய்யுது!
முயற்சி செய்து பாருங்க.
இதே போல எந்த யூனிகோட் அறும குறியீடு தெரிஞ்ச எழுத்துருவுக்கும் இதே மாதிரி டைப் செய்யலாம்.

Friday, November 16, 2012

அன்ட்ராயர் - 1

key words: android, ICS, beginners, elders, howto android phone.

ரொம்ப நாளாச்சு இல்லே பாத்து? லொக், லொக்! நல்லா குளிருது. அந்த ஷாலை எடும்மா! ரைட், எப்படி இருக்கீங்க? சௌக்கியமா? நான் நல்லா இருக்கேன். லொக், லொக்!

எவ்வளோ நாள் கணினியை கட்டிகிட்டு அழறது? இன்னும் சிம்பிளா ஏதாவது இருந்தா தேவலைன்னு நினைச்சா.... ஒரு அன்ட்ராயர் வாங்கலாம்.

என்னது? அது ஏற்கெனெவே ஒரு டஜன் இருக்கா!

, நான் அந்த உள்ளாடையை சொல்லலை. ஆண்ட்ராய்ட் ன்னு சொல்லறாங்களே, அதைத்தான் சொன்னேன். அப்படித்தான் நம்மோட இன்னும் நாலு வருஷத்துல சேந்துக்கப்போற பல்லாஜி பாசுதேவ்மூர்த்தி பேர் வெச்சு இருக்கார். அது நல்லா இருக்கு. அதனால் அப்படியே வெச்சுக்கலாம்.

அதாவது இது கணினியும் இல்லை; சாதா செல்போனும் இல்லை; காமிராவும் இல்லை. ஆனா இது எல்லாமுமா இருக்கு. எல்லாமா இருக்கற இதுக்கு பரப்ரம்மம் ன்னு பேர் வெக்கக்கூட யோசிச்சேன். அப்புறம் வாணாம்ன்னு பல்லாஜி வெச்ச பேரையே வெச்சுட்டேன். இபப்டி நிறைய வேலையை செய்யறதாலே அத ஸ்மார்ட் போன் ன்னு சொல்லறாங்க. ஸ்மார்ட் கேர்ல் ன்னு நாம நம்ம பேத்தியை சொல்லறதில்லையா? அது மாதிரி.

அதாவது என்ன செய்யணும்ன்னா நம்ம பென்ஷன்லேந்து மாசா மாசம் ஒரு தொகையை பொண்டாட்டிக்கு தெரியாம சேத்து வெச்சு ஒரு பத்தாயிரம் பதினைஞ்சாயிரம் தேத்திடணும். சேத்தாச்சா? ரைட். அப்புறம் வலையில மேயணும். சாட்ல நாலு பேரை ஒபினியன் கேட்கணும். கூகுள் ப்ளஸ்ல ரெண்டு ப்ளச் விட்டு ஐபோன் அன்ட்ராயர் ரசிகர்களை எல்லாம் பகைச்சுகொண்ட பிறகு நாமா கடைக்கு போய் எத வாங்கலாம்ன்னு முடிவு எடுக்கணும்! அதானே நம்ம வழக்கம்? :-)

எத வாங்கலாம்ன்னு அப்புறம் பாக்கலாம். இப்ப அன்ட்ராயரை வெச்சுகிட்டு என்னெவெல்லாம் செய்யலாம்ன்னு பாத்துடலாம். அப்புறமா நம்ம தேவையை பாக்கலாம்.
அன்ட்ராயர் நம்ம கையில் வந்த பிறகு ச்சும்மா அத பாத்தா ஒண்ணும் அட்ராக்டிவ்வாவே இல்லாம இருக்கலாம். வெறும் கருப்பா ப்லாட்டா ஒரு கையடக்க கருவி. அது சும்மா வெளியே கிடந்தா என் பேத்தி கூட சீந்தறதில்லை.

எல்லாம் ஸ்விட்ச் ஆன் செய்யற வரைக்கும்!

அந்த ஸ்விட்ச் எங்கே இருக்குன்னு கடைக்காரரை நினைவா கேட்டு தெரிஞ்சுக்குங்க. அனேகமா நீளவாட்டுப்பக்கம் ஒண்ணுல (வலப்பக்கம்?) இருக்கும். கொஞ்சம் தடவிப்பாத்து ரெட்டை ஸ்விட்ச்சா இருந்தா அது ஒலிக்கான ஸ்விட்ச். சின்னதா வலது பக்கமா இருகிறது … ஆங் அதான். அமுக்குங்க. அட திரை ஜம்முன்னு ஒளிருதே! உடனே கைய வெச்சா ஒண்ணும் நடக்காது. திரைய பூட்டி வெச்சு இருக்கும். என் போனில தெரியர ஒளிவட்டத்தை தொட்டு... சும்மா தொடுங்க! ஒண்ணும் செய்யாது, பயமில்ல... வலப்பக்கமா இழுத்து பூட்டு மேலே விட்டா பூட்டு திறந்துடும்சிலதுல கீழே இழுக்கணுமின்னு சொல்றாங்க ரைட்!

இதோட முன் பக்கம் மூணு ஸ்விட்ச்தான் வழக்கமா தெரியும். இடது பக்கம் வளைஞ்ச அம்புக்குறி முன்னே இருந்த இடத்துக்கு போலாம்ன்னு சொல்லுது. இதுவே கீபோர்டு அல்லது மெனுவில இருந்தா அதை மூடச்சொல்லுது. நடுவில் கட்டம் கட்டமா இருக்கறது மெனு லான்ச்சர் ஸ்விட்ச். வீடு மாதிரி படம் போட்டது வீட்டு … சாரி ஹோம் ஸ்விட்ச். அதாவது எங்கே இருந்தாலும் இந்த முதல்ல தெரியற ஸ்க்ரீனுக்கு திரும்பி வந்துடலாம். கொஞ்சம் பழைய செட்டுன்னா இது மென் பொத்தான் .... ஹிஹிஹி .... ஸாப்ட் பட்டனா இருக்கும். இன்னும் லேட்டஸ்ட் ன்னா முன் பக்கம் திரையை தவிர ஒண்ணுமே இருக்காது. இந்த மூணுமே அதுலதான் கீழே இருக்கும். ரைட்! அடுத்தது? அடுத்த பதிவில...