Saturday 21 December 2013

வாட் அன் அடாசிடி!

 ஹலோ எல்லாரும் நல்லா இருக்கீங்களா? குளிர் தாங்க முடியுதா? குடிக்க வெந்நீரா கிடைக்குதா? ரைட்!
இன்னைக்கு ரெக்கார்டிங் பத்தி பார்க்கலாம்.
அட! அதான் ஒரு ரெகார்டிங் ஸாப்ட்வேர் விண்டோஸ்லேயே இருக்கேன்னு சொல்லறீங்களா? அதான் தெரியுமே! அதோட பயன்பாட்டுல கொஞ்சம் லிமிடேஷன் இருக்கு. தீபாவளி நல்லா ஆச்சா ந்னு கேட்டு ஒரு வாய்ஸ் பைல் தயார் பண்ணி அனுப்பிடலாம். இந்த சீசன்ல இன்ன சபால இந்த பாட்டு அருமையா பாடினாங்கன்னு சொல்லி நாம பாடி ரெகார்ட் பண்ணி அனுப்பிடலாம்.
ஆனா இதை எல்லாம் அப்புறம் எடிட் பண்ண முடியாது! சொன்னது சொன்னதுதான். திருவாதிரை களி எப்படிம்மா பண்ணறதுன்னு ரெசிப்பி கேக்கும் நாட்டுப் பெண், “எழுதி அனுப்பிடுங்கோம்மா, இங்க நோட்ஸ் எடுத்துக்க ஒண்ணுமில்லை!” ந்னு சோம்பேறித்தனப்பட்டா, மருமகளை பழிவாங்க ரெசிபி டிக்டேட் பண்ணி சவுண்ட் பைலா அனுப்ப ரெடி பண்ணிபிட்டு “அடாடா! அடுப்ப மூட்டிக்கோ ந்னு முதல்ல சொல்ல மறந்து போய்டேனே!” ந்னு தோணித்துன்னா ஒண்ணும் பண்ண முடியாது. திருப்பித்தான் ரெகார்ட் பண்ணனும்.
ஸோ நமக்குத்தேவை ஒரு ஆடியோ ரெகார்டர், எடிட்டர்.
என்டர் அடாசிடி!
வழக்கம் போல விலையில்லா... ஹிஹிஹி...  இலவச டவ்ன்லோட்தான். ப்ரீவேர்!

ஒரு லிங்க் கொடுத்தா அப்படியே பிடிச்சுண்டு இன்ஸ்டாலே முடிச்சுடுவீங்களே! (நீங்க யாரு! இந்த பதிவுகளை படிக்கிறவராக்கும்!) அதனால அதப்பத்தி ஒண்ணும் சொல்லலை. கூடவே இதையும் பார்த்து ப்ளக் இன்னும் சொருகிண்டா ரொம்ப நல்லது! குறிப்பா லேம்!

ரைட். இன்ஸ்டால் பண்ணியாச்சு. நமக்குத்தேவை மைக் அல்லது ஹெட்போன். அதான் ஸ்கைப் க்காக வாங்கி வெச்சு இருக்கோமே! அதே போதும். எதை ரெகார்ட் பண்ணனுமோ அதை தயாரா வெச்சுக்கலாம். பேப்பர் அல்லது வலைப்பக்கம்... இல்லை மனசுலேந்து நேரடியா பேசறதுனாலும் சரிதான்!
அடாசிடியை திறந்தா இப்படி இருக்கும்.


இப்ப மேலே இடது பக்கம் பட்டன்களை மட்டுமே பாருங்க! பாக்கவே அழகா இருக்கில்ல? :-) ஆறு பட்டன்ல ஆறாவது பிங்க் ப்ரௌன் பட்டந்தான் ரெகார்ட் செய்ய அமுக்க வேண்டியது. மீதி எல்லாம் தெரிஞ்சிருக்கும். முதல்ல இடைநிறுத்தம், ப்ளே, எண்ட், ஆரம்பத்துக்கு போக, கடைசிக்கு போக. ரைட்!
ரிகார்டிங்கை ஆரம்பியுங்க. கீழே ரெண்டு ரிகார்ட் தெரியுதே. ரெண்டும் ரெண்டு ஸ்டீரியோ தடங்கள். வலது ஒண்ணு, இடது ஒண்ணு. நாம பேச பேச இது ரெகார்ட் ஆகிறது தெரியும். பேசி முடிச்சதும் எண்ட் பட்டனை அமுக்கி முடிக்கலாம். அப்புறம் சேவ் ந்னா அது .ஏயூ பைலா சேமிக்கப்படும். பிறகு நமக்கு தேவையான பார்மேட் ஆக், வேவ், எம்பி3 ந்னு சேமிக்க பைல்> எக்ஸ்போர்ட் ஐ தேர்ந்தெடுத்து சரியான வகையை தேர்ந்தெடுத்து சேமிச்சுக்கலாம். அப்புறம் அதை இயக்கி பாத்துட்டு அனுப்ப வேண்டியவங்களுக்கு அனுப்பிடலாம். பாவம் அவங்க!
நாமா இடத்தை தேர்ந்தெடுக்காட்டா அது அடாசிடியை நிறுவின போல்டர்லேயே சேவ் அகும். எங்கடா காணோமே ந்னு தேடாதீங்க!
ரைட், இப்ப எடிட்டிங்க்.
நமக்கு நோட் பேட்ல காபி, கட், பேஸ்ட் செய்ய தெரிஞ்சா அதேதான் இங்கேயும்! அதே கண்ட்ரோல் சி, எக்ஸ், வி!
மேலே இருக்கிற படத்துல இடத்தை தேர்ந்து எடுத்து இருக்கேன். அதுக்கான கர்சர் செலக்‌ஷன் முன்னிருப்பா ஆகும்; இடத்தை சொடுக்கினா போதும். இல்லைன்னா அதோட ஐகான் மேலே ரெகார்ட் பட்டனுக்கு வலப்பக்கம் I மாதிரி இருக்கு பாருங்க, அதே!
ஒரு பீஸை தேர்ந்தெடுக்க அது எங்கே வருதுன்னு க்ராஃப் மேலே வர நேரத்தை பாத்து குறிச்சுக்கொள்ளணும். ஆரம்பிக்கவும், முடிக்கவும் இடத்தை குறிச்சுக்கணும். முதல் இடத்தை சொடுக்கணும். ஷிப்ட் விசையை அமுக்கிக்கொண்டு இரண்டாவது இடத்தை சொடுக்கினா நடுவில இருக்கிற துண்டு செலக்ட் ஆயிடும். என்ன? இது வேர்ட்ல அல்லது நோட்பேட்ல ஒரு சில வார்தைகளை தேர்ந்தெடுக்கற மாதிரித்தானே இருக்கு? ஆமாம். அதே போலத்தான்!
இப்ப கண்ட்ரோல் சி ந்னா காபி ஆகும். கண்ட்ரோல் எக்ஸ்ன்னா வெட்டப்படும். எப்படி இருந்தாலும் தேர்ந்தெடுத்த இடம் காணாமல் போய் க்ராஃப் திருப்பி ஒண்ணா ஒட்டப்படும்!
கண்ட்ரோல் வி யும் அதே மாதிரித்தான்னாலும் நாம பார்க்கிற விளைவு வேறயா இருக்கும்.


கண்ட்ரோல் வி ஐ அழுத்த திடும்ன்னு ரெண்டு சானல் கீழே உருவாகி அதில பேஸ்ட் ஆகும்!
என்னடா இதுன்னு பயந்துக்க வேண்டாம்!
டெக்ஸ்ட் பைல்ல கண்ட்ரோல் வி செய்தா புது பீஸ் தேர்ந்தெடுத்த இடத்துல சொருகப்படும். ஆனா இங்கே அது சேர்க்கப்படும்.
வித்தியாசம் என்னன்னு கேக்கறீங்களா? கேளுங்க கேளுங்க! நீங்க புத்திசாலி! அதான் இப்படி எல்லாம் கேட்கத்தோணுது!
இப்படி சேர்த்த பிறகு ஒலிக்கோப்பை அதாங்க ஆடியோ பைல் - ஆரம்பத்துலேந்து ப்ளே பண்ணா இந்த இடத்தில ரெண்டுமே சேர்ந்து கேட்கும்! அதாவது மேல இருக்கிற ரெண்டு சானல், கீழ இருக்கிற ரெண்டு சானல்ல இந்த இடத்துல இருக்கிறது எல்லாம் சேந்து ஒலிக்கும்!
இதை நமக்கு தேவையான படி கையாளலாம். இந்த மாதிரி பேஸ்ட் செய்யறது ஒரு பேக் க்ரௌண்ட் இசையா இருக்கலாம். அப்ப நமக்கு அது தேவை.
இல்லை, தப்பா சொன்னதை சரியா திருப்பி ரெகார்ட் பண்ணி அதை இங்கே ஒட்டறோம்ன்னா.... ஒண்ணு மேலே இருக்கிற ட்ராக் ஐ வெட்டி வேண்டிய தூரத்துக்கு நகர்த்திடலாம். அல்லது இன்னும் சுலபமான வழி தேவையில்லாத நீக்க வேண்டிய இடத்தை தேர்வு செய்து அதை மட்டும் ம்யூட் செய்யலாம்!

ஸ்க்ரீன்ஷாட் பாருங்க. மேலே சானல்களில் இருக்கற தப்பான ரெகார்டிங் தேர்ந்து எடுத்து இருக்கு. அதுக்கு கீழே புதுசா ரெகார்ட் செய்து இருக்கு. ஆமாம். பாஸ் போட்டுட்டு, அப்புறம் ரெகார்ட் செய்தா அது கீழே புது சானல்களிலத்தான் ரெகார்ட் ஆகும்! வேற இடத்துல புதுசா ரெகார்ட் பண்ணி கட்/ காபி பேஸ்ட் பண்ணாலும் அது பார்க்க இப்படித்தான் இருக்கும்.
ரைட், எடிட்> ரிமூவ் ஆடியோ> சைலன்ஸ் ஆடியோ தேர்ந்தெடுத்து சொடுக்கினா, அந்த இடத்துல இருக்கற ஆடியோ ட்ராக் காணாமப்போயிடும்! ப்ளேல இந்த இடம் வந்ததும் கீழே இருக்கிற ரெகார்டிங்க் மட்டுமே கேட்கும்!
இப்ப கீழ அதிகமா ரெகார்டிங் இருக்கு இல்லே? இந்த இடத்துல நாலு சேனல்ல இருக்கிறதும் கேட்கும். நமக்கு கீழே ரெண்டாவது வேவ் வேண்டாம். ரொம்ப சரி. முன்ன சொன்ன மாதிரி ஆரம்ப முடிவு இடங்களை தேர்ந்து எடுத்துட்டு, டெலீட் பட்டனை... அதாங்க, நம்ம விசைப்பலகையில் இருக்கிற டெலீட் பட்டன்!.. அதை அமுக்கிட்டா டெலீட் ஆயிடும்! ஸோ சிம்பிள்!
எல்லாம் முடிச்சு தேவையான பார்மேட்ல சேமிக்கிறப்ப எல்லாம் ட்ராக்கையும் மெர்ஜ் பண்ணிடவா - ஒண்ணாக்கிடவா- ந்னு கேட்கும். அதானே நமக்கும் வேணும்! ரைட் ந்னு சொல்ல சேமிச்சுடும்.
இப்ப நமக்கு ரெகார்ட் செய்ய, சேமிக்க, காபி/ கட் - பேஸ்ட் செய்ய தெரியும்! எடிட்டிங் என்கிறது அவ்ளோதானே? அவ்ளோதாங்க! வேலை முடிஞ்சது!
அடுத்த பதிவில கொஞ்சம் டிப்ஸ் ட்ரிக்ஸ் பார்க்கலாம்.
2014 ஆண்டுக்கோ பொங்கலுக்கோ வாழ்த்து ரெகார்ட் பண்ணி மக்களுக்கு அனுப்புங்க! ஹாப்பி ரெகார்டிங்!

Saturday 30 November 2013

ஆண்ட்ராய்ட் அப்டேட் -1

ஹலோ! நல்லா இருக்கீங்களா? உங்க ஊர்ல மழை உண்டா? எங்கூர்ல வழக்கமா நல்லா பெய்யும். போன் வருஷமும் சரியா இல்லை. இந்த வருஷமும் இது வரைக்கும் திருப்தியா இல்லே. என்ன செய்யறது? கலிகாலம்!

கிடக்கட்டும். நான் முன்னே ஒரு ஏர்டெல் ஹைஸ்பீட் யூஎஸ்பி டேடாகார்ட் வாங்கினேன். (ஹிஹிஹி! இந்த ஹைடெக் வார்த்தை எல்லாம்தான் இப்ப நமக்கு பழக்கமாயிடுத்தே!) அதை லாப்டாப்பில சொருகி உலாவிகிட்டு இருந்தேன்.

ஸ்மார்ட்போன் வாங்கின பிறகு இதிலேந்து சிம்கார்டை கழட்டி ஸ்மார்ட்போன்ல போட்டு அப்பப்ப உலாவிகிட்டு இருந்தேன். திடீர்ன்னு ஞானோதயம் ஆச்சு! ஸ்மார்ட்போன்ல போட்டா டேடா கம்மியாத்தான் ஆகிறது! முன்னே எல்லாம் ஒரு மாசத்துக்குள்ள அந்த மாச கோட்டா தீர்ந்து போய் ரிந்யூ பண்ண வேன்டி இருந்தது. ஸ்மார்ட்போன்லேயே உபயோகிக்க ஆரம்பிச்ச பிறகு மாசம் முழுசும் வருது! மொபைலுக்காக தனியா பலரும் தளங்களை வடிவமைக்கிறதும் காரணம். டேடா பறிமாற்றம் குறைவா இருக்கும்.

ரைட்! ஆனா இன்னொரு பிரச்சினை வந்தது. ஆண்ட்ராய்ட் கைபேசில சீசீசீக்கிரம் பேட்டரி டவுன் ஆக ஆரம்பிச்சது. இதென்னடாதுன்னு ஆராய்ஞ்சு இன்னொரு விஷயம் கண்டு பிடிச்சேன்! சிம் கார்டை  டிஸேபிள் பண்ணி வைக்கலாம். ரெண்டுத்துல ஒண்ணை உலாவ தேவையில்லாத சமயத்துல டிஸேபிள் பண்ணி வெச்சா பேட்டரி இன்னும் அதிகநேரம் வருது! இது சிம்பிள் லாஜிக்தானே!





செட்டிங்க் பட்டன் மேலே வலப்பக்கம் இருக்கு பாருங்க!


ட்யூயல் சிம் செட்டிங் மேலே இருக்கு. அதை அழுத்த....


மேலே ஏர்டெல். கீழே செல்ஒன். ஏர்டெல்லை ஆப் பண்ணி வெச்சிருக்கேன் பாருங்க. திருப்பி வேணும்கிற போது அதை ஆன் பண்ணி அப்படியே கீழே அம்பு காட்டற இடத்தில் டேடா கனக்ஷனுக்கு ஏர்டெல் ஐ தேர்ந்து எடுத்துக்கலாம்!




அப்புறம் நம்ம அபிமான இந்த வலைப்பூவை காப்பி அடிச்சு கூகுளான் ஒரு வலைத்தளத்தை ஆரம்பிச்சு இருக்கான். http://hwgo.com
பெண்களுக்கு கணினி பத்தி சொல்லிக்கொடுக்கறானாம். நாம எப்பவோ ஆரம்பிச்சாச்சு! கர்ர்ர்ர்ர்ர்ர்ர்ர்ர்ர்ர்!

Friday 30 August 2013

back saver!

மின்னாக்கத்தில போட்டோக்கள் எடுக்கிறப்ப எப்பவுமே ஒரு பிரச்சினை குனிந்து நிமிருவதுதான். கண்ணாடியை நிமிர்த்திவிட்டு பக்கத்தை புரட்ட குனிய வேண்டி இருக்கு. அப்புறம் காமிரா ஸ்க்ரீனை பார்க்க நிமிர வேண்டி இருக்கு.
இதை தவிர்க்க ரொம்ப நாள் முன்னேயே ஒரு ஐடியா யோசிச்சு வெச்சிருந்தேன். அதை சோதனை செய்து பார்க்க இன்னிக்குத்தான் வேளை வந்தது!
தாழ் பெஞ்சை நீக்கிட்டு கீழேயே உட்கார்ந்துட்டேன்.
இப்ப க,நி,ப,பு வுக்கு குனிய வேண்டிய அவசியம் இல்லாம போச்சு!
ம்ம்ம்ம்... ஆனா காமிரா ஸ்க்ரீனை பார்க்கணுமே!
அதுக்கு படத்துல காட்டி இருக்கறாப்போல ஒரு கண்ணாடியை செட் பண்ணிடேன்!
யூரேகா!



கண்ணாடிய தேவையான அளவு சாய்ச்சு வெச்சா அதுல காமிரா ஸ்க்ரீனோட பிரதிபலிப்பை பார்த்து பக்கம் முழுக்க அதுல வருதான்னு செக் செய்ய முடிஞ்சது. காமிரா விழாம இருக்க ஒரு கவுன்டர் வெய்ட் (இங்கே பேத்தியோட கிலு கிலுப்பை! ) அவ்ளோதான்!
இப்ப செஷன் மிடிஞ்சதும் முதுகு வலிக்கலை! வலது தோள்தான் ..... ஹிஹிஹி!
அடுத்து ப்ளாஸ்டிக் சந்திரா கிட்ட சொல்லி ஒரு ப்ரேமும் அதுல சைக்கிள் கியர் ஹாண்டில் பயன்படுத்தி காமிராவை கிளிக் பண்ண ஒரு சாதனம் செஞ்சு வாங்கணும்! அப்ப கையை தூக்க வேண்டிய அவசியம் இராது!

Saturday 24 August 2013

புத்தக மின்னாக்கம் - அச்சிட....

ம்ம்ம்ம்... மின்னாக்கம் பத்தி இங்கேயா பதிவு எல்லாம் போட்டேன்? இல்லை, அது சித்திரம் பேசுதடியா?
என்ன இப்ப? இங்கேயே போட்டா போச்சு!
அதாகப்பட்டது பழைய புத்தகங்களை காமிராவால போட்டா எடுத்து அதை ப்ராசஸ் பண்ணி பிடிஎஃப் ஆக்கற வேலையில கொஞ்சம் குப்பை கொட்டி இருக்கேன். போன வாரத்துல அதுக்கு ஒரு புது வேலை வந்தது. உபநிஷத் நாடகங்கள் ன்னு ஒரு பழைய புத்தகம். மொத்தம் 8 நாடகங்கள். அதுல நாலு மட்டும் மோசமாக ஜெராக்ஸ் காப்பியா கிடச்சது. அதோட மூலப்ப்ரதி கிடைக்குமான்னு தேடிகிட்டு இருந்தப்ப ஒத்தர் லைப்ரரி காப்பி ஒண்ணு கொண்டு வந்து கொடுத்தார். அதை கொடுத்தவர் ப்ராசஸ் முடிஞ்ச பிறகு தனக்கு ஒரு ப்ரிண்ட் அவுட் வேணும்ன்னு கேட்டார். நானும் சரின்னு சொல்லிட்டேன்.
போட்டோ வேலை எல்லாம் அவர் கிட்ட சொன்னது போல ரெண்டு நாள்ல முடிஞ்சது. பிடிஎஃப் உம் பண்ணியாச்சு.
ஆனா இப்ப அவருக்கு ப்ரிண்ட் அவுட் எடுக்கறதுலதான் சிக்கல் வந்தது!
மொத்தம் கிட்டத்தட்ட 784 பக்கங்கள்.
அந்த காலத்து பப்ளிகேஷன். கொடுத்தவர் கொஞ்சம் வயசானவர். படிக்க கஷ்டம் இருக்கலாம்; அதனால் முடிஞ்ச வரை பெரிசா ப்ரிண்ட் ஆகணும்.
சாதாரணமா புத்தகம் ஜெராக்ஸ் பண்ணா ரெண்டு பக்கமும் (back to back) செய்வாங்க. ஒரு ஷீட்ல நாலு பக்கம் அடங்கும். அந்த லேஅவுட் தான் தோது படும். இல்லைன்னா நிறைய செலவாகும்.
ஜெராக்ஸ் செய்ததை பைண்டும் பண்ணனும் இல்லையா?
வழக்கம் போல பிடிஎஃப் பண்ண பிறகு ஸ்கேன் டெய்லரை திருப்பி இயக்கி அதுல மார்ஜின் இல்லாம சேமிச்சுகொண்டேன். ஒரே ஒரு பக்கம் மட்டுமே கொஞ்சம் அதிகமா கட் ஆகிடுத்து. மத்தபடி சரியா வந்தது.
இப்ப ஒவ்வொரு பக்கமும் தனித்தனி பைலா இருக்கு. இதை ப்ரிண்ட் பண்ண கிடைமட்டமா ஏ4 சைஸ்ல பக்கத்துக்கு ரெண்டு படம் வரணும். முன் பக்கங்களில இடது பக்கமும், பின் பக்கங்களில வலது பக்கமும் பைண்டு பண்ண மார்ஜின் வரணும்! இந்த கடைசி விஷயம்தான் ப்ரச்சினையா போச்சு!
வலையில கேட்டப்ப சில உதவி குறிப்புகள் கிடைச்சது.
Manikandan B போட்டோஷாப் வழியா செய்யச்சொன்னார். ஆனால் 400 சொச்சம் பக்கங்களுக்கு இது சரி வரலை.
Rathinam Padmanaban க்யூட் ப்ரிண்டர் மூலமா செய்யச்சொன்னார். அதுல இரண்டு இமேஜ் ஒரு பக்கத்துக்கு கொண்டு வர முடிஞ்சது. ஆனா மார்ஜின் செட் பண்ண வழி இல்லை.
(போகிற போக்கில அவர் பழைய அட்ப்பி அக்ரோபாட் ஐ இலவசமா தரவிறக்க சுட்டி கொடுத்தார். www.techspot.com/downloads/4683-adobe-acrobat-8-free.html )
வலையில் இன்னும் தேடி இந்த மென்பொருளை கண்டு பிடிச்சேன்.
FotoSlate4 தரவிறக்க http://cnet.co/1dzUkmZ
22.24MB Free to try (30-day Trial Period); $29.99 to buy

30 நாள் ட்ரயல். போதுமே! 

புரிஞ்சுக்க சுலபமா இருந்தது. மைக்ரோசாப்ட் பப்ளிஷர்ல செய்ய முடியணும், அது எப்படின்னு கண்டு பிடிக்கறது சுலபமா இல்லை.
இடது பக்க பேனல்ல படங்களை லோட் செய்து கொண்டு வரலாம். வலப்பக்க பானல் டெம்ப்ப்லேட்டுக்கு.அதை சொடுக்க...



வலது பக்க பேனல்ல பக்கத்தோட டெம்ப்லேட். முன்னாலேயே செய்து வெச்சிருக்கிற டெம்ப்லேட் நிறைய. அதுல கிடைமட்டமா இருக்கறதையும் இரண்டு படம் இருக்கறதையும் தேர்ந்தெடுத்தேன். அப்புறம் அதுல வலது சொடுக்கி வர மெனுல அட்ஜஸ்ட் பிக்சர். இது பக்கத்தை பெரிசா காட்டித்து. அதை நகர்த்த முடிஞ்சது.  இடது பக்கம் அதிக மார்ஜின் விட்டு முதல் டெம்ப்லேட் செய்து மெனுல அக்சப்ட் ன்னு சொல்ல அது ஏத்துக்கிச்சு. அதுல படங்களை ஏத்தறதும் ஈசிதான். 
இடப்பக்க பேனல்ல லோட் பிக்சர்ஸ்ல சொடுக்கி திறக்கிற விஸார்ட்ல போல்டரை காட்டணும். அதுல இருக்கிற படங்களை தேர்ந்தெடுக்கணும். இதெல்லாம் வழக்கம் போல. செலக்ட் ஆல், ஆட். பிறகு கீழ் பேனலுக்கு எல்லாம் வந்துடும். அதுல செலக்ட் ஆல் கொடுத்த பிறகு கீழே ஒரு செக் பாக்ஸ். இதுல செக் செய்ய அது தானா படங்களை தேவையான புது பக்கங்களை உருவாக்கி போட்டுடும். அப்புறம் சேவ் ஆஸ் பிக்சர். ஜேபெக் ன்னு கொடுத்தேன். டிப் வகை அளவு ரொம்ப அதிகம்! 

பிறகு எல்லாத்தையும் நீக்கிட்டு புதுசா ஆரம்பிச்சு டெம்ப்லேட்ல வலது  மார்ஜின் அதிகம் விட்டு, பின் பக்க படங்களை எல்லாம் போடணும். அதை தனியா சேமிக்கணும்.
பக்கங்களை பழையபடி பிடிஎஃப் ஆக்க வேண்டியதுதான்! 
இதுல வந்த சிக்கல்கள் பத்தி பதிவு நாளைக்கு! 

Tuesday 16 July 2013

ஆண்ட்ராய்ட் - அப்டேட்!


பாத்து ரொம்ப நாளாச்சுல்லே? சௌக்கியமா?
சமீபத்தில ரெண்டு அப்ளிகேஷன் நிறுவினேன். நல்லா இருக்கு. அதுக்குத்தான் இந்த போஸ்ட்.
டச்போன்ல டைப் அடிக்க நாம வழக்கம் போலத்தானே லொட் லொட் ன்னு தட்டறோம்? சரி சரி லொட் லொட் ன்னு இல்லைன்னாலும் தட்டத்தான் வேண்டி இருக்கு. அட டச் போன்ல இப்படி இழு அப்படி இழு ன்னு எல்லாம் சொல்லிட்டு தட்டச்சொன்னா எப்படி? இழுத்தா என்ன? அதுல ஒரு கஷ்டம் … தொட்டு விரல எடுக்கற வரைக்கும் தொட்டதா ரெகார்ட் ஆகாதே! இருந்தாலும் தொழில் நுட்பத்தை எல்லாம் பயன்படுத்தி தேய்க்கிறதாலேயே டைப் செய்ய ஒரு ஆப் தயாரிச்சாங்க.
ஸ்விப்ட் ன்னு ஒரு டைப்பிங் ஆப். அது இந்த மாதிரிதான். காசு கொடுத்து வாங்கணும். நமக்குத்தான் காசு கொடுக்கறதுன்னாலே அலர்ஜி ஆச்சே! (ம்ம்ம்ம் ப்ளே ஸ்டோர்லேயே 58 ரூபாய்க்கு கிடைக்குது. வாங்கறவங்க வாங்கிக்கலாம்! :)
கவலைப்பட வேண்டாம். ஆண்ட்ராய்ட் மக்களே இப்ப ஒரு ப்ரெடிக்டிவ் இன்புட் வெளியிட்டுட்டாங்க. இப்ப தாங்க் யூ ன்னு எழுதனும்ன்னா … ஆங்கிலத்துலதான்... டிய முதல்ல தொட்டு விரலை அப்படியே ஹெச் க்கு இழுத்து போகணும். அடுத்து ஏ க்கு இழுத்துப்போகணும். இப்படியே தொடர்ந்து என், கே. ஆனா உண்மையில டி ஹெச் ஏ வரை இழுத்ததுமே thank ன்னு ப்ரெடிக்ஷன்ல தெரியும். அதாவது கீபோர்ட் க்கு மேலே தெரியும் ஒரு சிறு பட்டைல வார்த்தைகள் தோன்றும். அதை தொட என்டர் ஆயிடும். அப்படி ஆன கையோட அடுத்து என்ன வார்த்தை வரும்ன்னு ஒரு கெஸ் அடிக்கும். god, you, goodness ன்னு மூணு வார்த்தைகள் தோன்றும். இதுல ஒண்ணுதான் நமக்கு வேணும்ன்னா அதை தொட என்டர் ஆகும். அடுத்த பரிந்துரை வரும். இப்படி வரது நமக்குத்தேவை இல்லைன்னா ஒண்ணும் பிரச்சினை இல்லை. நாம பாட்டுக்கு அடுத்த வார்த்தைக்கு தொட்டு இழுக்க ஆரம்பிக்கலாம். thank ல நான் கரெக்டா ஏ வரை விரலை கொண்டு போகலையேன்னா, பரவாயில்லை. அது டிக்ஷ்னரிய பாத்து ths ன்னு ஒன்னும் வார்த்தை இல்லை, இவன் tha அடிக்கத்தான் பாத்து இருக்கணும்ன்னு கெஸ் பண்ணி அப்படியே காட்டும்! ஸ்மார்ட்!
இங்கே தரவிறக்க அது அனுமதிக்குதான்னு பாருங்க. http://tinyurl.com/m9mfnz3
சில ஸ்க்ரீன் ஷாட்ஸ் லிங்க்ஸ் இங்கே
இங்கே கிடைக்குது. உங்க ரிஸ்க்! http://www.mirrorcreator.com/files/01V0MZEP/
ஸ்க்ரீன் ஷாட்களையும் அந்த பக்கத்தில பார்க்கலாம்.
ஆரம்பத்தில கொஞ்சம் கஷ்டமா தோணினாலும் சுலபமாவே பழகிடலாம். பயன்படுத்திப்பாருங்க. Android keyboard. இது அடுத்த நெக்சஸ் வெர்சனுக்கான வெளியீடுன்னாலும் என்னோட Xolo Q800 ஆண்ட்ராய்ட் வெர்சன் 4.1.2 ல அருமையா வேலை செய்யுது.

இதே மாதிரி அடுத்த நெக்சஸ் வெர்ஷனுக்கான காமரா அப்ளிகேஷன். இப்ப இருக்கறதே போதும்ன்னு நினைச்சா, சரி. இல்லை கொஞ்சம் கூடுதலா வசதி இருந்தா பரவாயில்லைன்னு நினைச்சா அடுத்த ஆப் ஐ பார்க்கலாம்.ஏற்கெனவே இருக்கற காமராதான். சில கூடுதல் வசதி, சில மாற்று செட்டிங் டிஸ்ப்லே. பனோரமா ஷாட் எடுக்க வசதி, இப்படி சிலது புதுசா. தொ.நு ஆர்வம் இருக்கறவங்க முயற்சி செய்யலாம்.
வரட்டா?
ஸ்க்ரீன்ஷாட் எல்லாம் பாருங்க.







Tuesday 21 May 2013

கூகுள் ப்ளஸ் குறிப்புகள்


கூகுள் ப்ளஸ் குறிப்புகள்:

Keyboard Shortcuts.
உங்கள் ஓஎஸ் மற்றும் உலாவி பொறுத்து இது வேலை செய்யலாம்; செய்யாமல் இருக்கலாம். (என்ன வானிலை அறிக்கை மாதிரி இருக்கா? ட்ரை பண்ணி பாருங்க!)
சீக்கிரம் நேவிகேட் செய்ய பயனாகும்:
      ஸ்க்ரால் டவுன் செய்ய - ஸ்பேஸ்பார்
      மேலே ஸ்க்ரால் செய்து போக - ஆல்ட் + ஸ்பேஸ்பார்
      அடுத்த இடுகை J
      முந்தைய இடுகை K
      பின்னூட்டம் ஆரம்பிக்க என்டர்
     பின்னூட்டம் முடிக்க ஆல்ட் என்டர்

நாட்டிபிகேஷன் -
       பப்ளிக் - யார் வேண்டுமானாலும் பார்க்கலாம்.
        எக்ஸ்டெண்டட் சர்கிள் - உங்கள் வட்டங்களில் உள்ள எல்லாரும் + அவர்களது வட்டங்களில் உள்ள எல்லாரும்.
        குறிப்பிட்ட சர்கிள் - அதில் உள்ளவர் மட்டும் (ஒன்றுக்கு மேற்பட்ட சர்கிள்களை தேர்ந்தெடுக்கலாம்.)
        நண்பர் மட்டும் - + இட்டு, இடைவெளி இல்லாமல் அவரது கூகுள் பெயரை இடவும்.
        ஈமெய்ல் - 100 மெய்ல் ஐடி வரை சர்கிள்ள இருக்கிறவங்களுக்கு நேரடியாக அனுப்பலாம்.

Post Style Options
தடிமனான எழுத்துகள்ளுக்கு இடைவெளி இல்லாமல் ஸ்டாரை * இடவும். *இது போல*
சாய் எழுத்துக்களுக்கு இடைவெளி இல்லாமல் அன்டர் ஸ்கோர் _ இடவும். _இது போல_
அடித்த எழுத்துக்களுக்கு இடைவெளி இல்லாமல் கோடு - இடவும். -இது போல-

hashtags கவனத்தை ஈர்க்க. 
 உதாரணமாக ...
      கூடுதலாக உணர்ச்சிகளை காட்ட # ரொம்ப பிடிச்சது!
      வகைப்படுத்த #அரசியல்
       ஒரு குழுவின் கவனத்துக்கு # தீனிதின்னி க்ரூப்

Monday 6 May 2013

அண்ராய்ட் ஆப்ஸ்


keywords: android, apps, jelly beans

அண்ராய்ட் ஆப்ஸ் பத்தி திருப்பியும் ஒரு பதிவு.
அண்ட்ராய்ட் ல டைப் செய்யறதைப்பத்தி பேசறப்ப கஷ்டமா இருந்தா 90 டிகிரி திருப்பி வெச்சுக்குங்க; நீள வாட்டில விசைப்பலகை திரும்பி நிக்கும்ன்னு - இது போல - எழுதிய நினைவு. இந்த ஓரியண்டேஷன் போர்ட்ரெய்ட், லாண்ட்ஸ்கேப் ன்னு இரண்டு வகை. சாதாரணமா போனை நாம பிடிக்கிறது அகலம் கிடைமட்டமாகவும் நீளம் செங்குத்தாகவும்- போர்ட்ரெய்ட் - ஆளை படம் பிடிக்க இப்படித்தானே வைப்போம்? 90 டிகிரி சுழட்டி அகலத்தை செங்குத்தா பிடிக்கறது லாண்ட்ஸ்கேப். கடற்கரை மாதிரி இடங்களை படமெடுக்க பயன்படுத்துவோம். போனை நிலை மாத்தறப்ப இது போல ஓரியண்டேஷனை திருப்பறது அண்ட்ராய்டோட பாராட்டத்தக்க ஒரு குணம்.

ஆனா இதுவே சில சமயம் பிரச்சினையையும் எரிச்சலையும் உண்டு பண்ணலாம். உதாரணமா படுத்துகிட்டு ஒரு கதை படிச்சுகிட்டு இருக்கோம். கூல் ரீடர்ல ஈபப் பார்மேட்ல கூலா படிச்சுகிட்டு இருக்கும் போது புரண்டு படுக்கிறோம். ஓரியண்டேஷன் மாறிடும்!
இதே போல இன்னும் சில நேரங்களில இந்த ஓரியண்டேஷன் மாறாம இருந்தா நல்லதேன்னு நினைப்போம்!

இதற்கான ஆப் அடாப்டிவ் ரொடேஷன் லாக். (adaptive rotation lock). வழக்கம் போல கூகுள் ப்ளே ஸ்டோர்லேந்து இதை ( http://tinyurl.com/bme79p7 ) தரவிறக்கி நிறுவின பிறகு அதை நமக்கு தோதா அமைச்சுக்கலாம். நல்ல தேர்வு அடாப்டிவ் லாக். இது போனை திசை திருப்பினா உடனே ஓரியண்டேஷனை மாற விடாம என்ன செய்யணும்ன்னு நம்ம கேட்கும். ஒரு ட்ரான்ஸ்பரன்ட் ஐகான் திரையில சில வினாடிகள் தோன்றும். அதை தொட்டா மாத்தவிடும். இல்லாட்டா மாத்தவிடாது; பழைய ஓரியண்டேஷனிலேயே இருக்க வைக்கும்.

மத்த தேர்வுகளை பாத்து அது நல்லதுன்னு தோனின்னா அதையே அமைச்சுக்குங்க. அடிக்கடி ஓரியண்டேஷன் மாறினா அது சிஸ்டமுக்கு ஸ்ட்ரெய்ன்; பேட்டரிக்கு ட்ரெய்ன்!

 எப்பவுமே போர்ட்ரெய்ட், எப்பவுமே லாண்ட்ஸ்கேப், இதுல இட வலம் மாத்தின்னு பல தேர்வுகள் இருக்கு.
ஹாப்பி பெட் ரீடிங்க்! வரட்டா?

Tuesday 9 April 2013

அன்ட்ராயர் - இன்னொரு கொசுறு!


key words: android jelly bean copy paste tamil
----------------

ஹும்! இவ்வளோ சீக்கிரம் அடுத்த பதிவு போடுவேன்னு நினைக்கலை.
தம்பி பல்லாஜி அன்ட்ராயர் வாங்கினா ஊஸ் பண்ணனும் அக்கு வேறா ஆணி வேறன்னு ஆராயக்கூடாதுன்னு சொன்ன அறிவுரையை சிர மேற்கொண்டு தமிழ்ல டைப் பண்ணி காபி பேஸ்ட் செய்யப்பாத்தா...... ஆப்ஷன் எங்கேப்பா? என்ன செய்தும் காணலை.
சரி கூகுள் தேவதையை கேட்டா.... ஹிஹிஹி அதான் எல்லாருமே செய்வாங்களே, நீ பதிவு வேற போடணுமா ன்னு கேட்கறீங்களா? இருக்கட்டும்.... விஷயம் புரிஞ்சது.
முன்னமேயே சொன்னேன், கணினில ரைட் க்ளிக் மாதிரி இங்கே கொஞ்சம் அதிக நேரம் தொட்டா வேற கன்டெக்சுவல் ஆப்ஷன்ஸ் கிடைக்கும்ன்னு.... திரையில ஒரு உரையை பாத்தா அதை காபி செய்ய, அதை கொஞ்சம் அதிக நேரம் தொடுங்க. ரெண்டு ப்ராக்கெட் தோன்றி சொல்லை அணைச்சுக்கும்.  

 

இதுகளை இன்னும் அதிக உரையை சேர்த்துக்க இழுக்க முடியும். இடது பக்கம் இருக்கறதை மேலேயும் கொண்டு போகலாம். வலது பக்கம் இருக்கறதை கீழேயும் கொண்டு போகலாம். உரையை தேர்ந்தெடுத்தாச்சா! இப்ப அதை கொஞ்சம் அதி.நே.தொ. அதாங்க அதிக நேரம் தொடுங்க! அது செலக்ட் ஆயிடும். அதுக்கு ஒரு பாப் அப் அல்லது ஏதேனும் ஒரு இடத்தில அறிவிப்பும் கிடைக்கும். இப்ப ஒட்ட வேண்டிய இடத்தில தொடுங்க. பேஸ்ட் ஆப்ஷன் முன்ன போலவே கிடைக்கும். அதை தொட்டா வேலை முடிஞ்சது!

இவ்வளோ சுலபமா? ஏன் உனக்கு முதல்லேயே முடியலைன்னு கேட்கறீங்களா?
ஹிஹிஹி!

Saturday 6 April 2013

அன்ட்ராயர் -அப்பாடா ஒரு வழியா முடிஞ்சது!

சில குறிப்புகள்:
இதுதான் ஆன்ட்ராய்ட் பத்தின கடைசி பதிவுன்னு நினைக்கிறேன். விட்டுப்போன சில விஷயங்கள் (ஓ, அது நிறைய இருக்கு; இங்க எழுதணும்ன்னு நினைச்சு விட்டுப்போன விஷயங்கள்) சில டிப்ஸ்...

சாதாரணமா அன்ட்ராய்ட் கைபேசி வாங்கறவங்க கூட வாங்கக்கூடிய விஷயங்கள் ரெண்டு. ஒண்ணு ஸ்க்ராட்ச் கார்ட். அதாவது ஸ்க்ரீனுக்கு ஒரு பாலிமர் மேலொட்டி. க்ளாஸ்ல ஸ்க்ராட்ச் ஆகாம தடுக்குதாம். அதாவது த்யாகம் பண்ணி ஸ்க்ராட்சை தான் ஏத்துகிட்டு …. கொஞ்ச நாள்ள - என் பையரோட ஆண்ட்ராய்ட்ல அப்படித்தான் இருக்கு - ஸ்க்ராட்ச் கார்ட்லேயே நிறைய கீறல்கள் விழுந்து அன்சகிக்கபிளா இருக்கும்! எப்ப இப்படி ஆகிறதோ அப்ப அதை - ஸ்க்ராட்ச் கார்டை மாத்தணும்ன்னு பேர். ஆனா இப்படி நடக்குமா என்கிறது சந்தேகமா இருக்கு. கொஞ்சம் கொஞ்சமா ஸ்க்ராட்ச் விழுகிறதாலே பழகிப்போயிடும். யாரும் சொன்னாத்தான் ஸ்க்ராட்ச் அதிகமா இருக்குன்னு தெரியும்! பார்வை கொஞ்சம் கொஞ்சமா மோசமாகி ஒரு நாள் திடீர்ன்னு "அட! சாளேஸ்வரம் வந்துடுத்து" என்கிற மாதிரி!
இப்படி ஆகாமல் பார்த்து பார்த்து அதை மாற்றிவிடுவது நல்லது. அல்லது வாங்கறப்பவே கொரில்லா க்ளாஸ் ஸ்க்ரீனா பாத்து வாங்கிக்கலாம். கொரில்லா க்ளாஸ்? விக்கில தேடிப்பாருங்க. சுவையான சமாசாரம். ஏறத்தாழ ஸ்க்ராட்ச் ஃப்ரூப் ன்னு வெச்சுக்கோங்களேன்.
ரைட். அடுத்து கைப்பேசியை வைக்க ஒரு நல்ல பௌச். கடையில கேட்டா எக்கச்சக்க விலை சொல்லுவாங்க. வேறு ஏதும் சின்ன கடையா பார்த்து வாங்குங்க. சூடு வெளியேற காத்தோட்டம் இருக்கணும். அழைப்பு வரும்போது காதில ஒலி விழணும். சுலபமா திறக்க முடியணும். அவ்வளோதான்.

பேசிக் பங்க்ஷன்னே நினைக்கிறேன். பாட்டு கேட்க இருக்கும் ம்யூசிக் ஆப் இல் இத்தனை நேரம் கழிச்சு ஆப் பண்ணிடுன்னு செட் செய்ய முடியும். தூங்கப்போகிறப்ப ஏதேனும் நல்ல இசை, தோத்திரம் ன்னு கேட்டுகிட்டு தூங்க நினைக்கிறவங்களுக்கு மிகவும் பயனுள்ளது. சும்மா ஒரு மந்திரத்தையே திருப்பித் திருப்பி கேட்கவும் லூப் செய்ய முடியும். இப்ப ஜம்ன்னு மெலிசா ஒலியை அமைச்சுட்டு கேட்டுகிட்டே தூங்கலாம். போனையே இத்தனை மணிக்கு ஆன் பண்ணு ஆஃப் பண்ணுன்னு செட் செய்ய முடியும்ன்னு முன்னேயே சொன்னேன் இல்லே? சொன்னேன். ரைட்!
கணினில ஏதாவது ஒரு சமயம் செஞ்சுகிட்டு இருக்கிற வேலையில ஏதானும் ஒரு ஆப்ஷன் வேணும்ன்னு நினைச்சா அதை எங்கே போய் தேடுவோம்? அஞ்சு செகண்டுக்குள்ள பதில் சொல்லுங்க. 1....2.....3.....4......5 போச் டைம் ஆயிடுத்து! போனாப்போறது நானே சொல்லறேன். வேலை களத்திலேயே ரைட் க்ளிக் செய்து பார்க்கணும். அதே போல இங்கே ஆண்ட்ராய்டிலேயும் …. திரையை சும்மா லேசா தொட்டும் தொடாமலும்ன்னு வழக்கம் போல செய்யாம, 3 செகண்டுக்கும் மேலே தொட்டுகிட்டு இருங்க. ஆப்ஷன் ஏதாவது வரும். அதே போல மூணு கிடைமட்ட கோடுகளை பார்த்தாலும் - ஒரு ஐகான், அல்லது நிலையான இடத்தில சித்திரம்..... அங்கே ஆப்ஷன்ஸ் இருக்கும்ன்னு தெரிஞ்சுக்கலாம். உதாரணமா திரையை தொட்டுக்கிட்டே இருக்க திரை பின் புலத்து படத்தை மாத்த ஆப்ஷன் வரும்!
நிறைய ஆப்ஸ் எல்லாம் தேவையில்லாம நிறுவ வேணாம். 60 லட்சம் ஆப்ஸ் இருக்க் என்கிறதுக்காக நாம் நிறுவணும்ன்னு ஒண்ணும் கட்டாயமில்லை!
அடிப்படையில இது லீனக்ஸ் ஓஎஸ் என்கிறதால விண்டோஸ் மாதிரி ஆன்டி வைரஸ் இல்லாம நெட் கனென்க்ஷனே கூடாது என்கிறது இல்லை. இருந்தாலும் மேய்கிற தளங்களுக்கு தக்க படி இதில முடிவெடுக்கலாம். அதே போல பேங்க் ட்ரான்ஸ்சாக்ஷன் போன்ற விஷயங்களை செய்வதா இருந்தாலும் செக்யூரிட்டி பத்தி யோசிக்கலாம்.
சாதாரணமா தேவையில்லை.
லீனக்ஸ்லேயே நிறுவல் முடிஞ்ச பிறகு சாதாரணமா விஷயம் தெரியாதவங்களை ஓரளவுக்கு மேலே சிஸ்டத்தை மாத்த விடாது. விஷயம் தெரிஞ்சவங்கதான் ரூட் பாஸ்வேர்ட் கொடுத்து மாத்தலாம். அதே போலத்தான் இங்கேயும். சாதாரண யூசர் விஷயம் தெரியாதவங்கன்னு அஸ்யூம் பண்ணிகிட்டு ரூட் செய்வதை கொஞ்சம் கஷ்டமா ஆக்கி இருக்காங்க. ரூட் செய்தா வாரண்டி போயிடும். இதுக்காகவே ரூட் செய்யாம இருக்கறது நல்லது.
சீப்பா இருக்கிற நெட் ப்ளானை யோசிச்சு வாங்கலாம். ஏன்னா அதுதான் ஆண்ட்ராய்டோட உயிர்நாடி.
இன்னைக்கு புத்தம் புதுசா இருக்கிற போன் ஆறு மாசத்துல அரத பழசா ஆயிடலாம்! (சரி சரி, கொஞ்சம் அதிக ஹைப்தான்) அதுக்கு மனசளவில தயாரா இருக்கணும். இருந்தாலும் அடிப்படை சேவைகள் மாறாது. நெக்சஸ் போன்னா அப்டேட் கிடைச்சுட்டே இருக்கும்ன்னு நினைக்கிறேன். கம்பனிகாரங்க வழக்கமா அவங்களோட ஹார்ட்வேருக்கு தகுந்தபடி கொஞ்சம் மாத்தி கஸ்டம் ரோம் போட்டு கஷ்டம் கொடுப்பாங்க. இவங்க அடுத்த வெர்சன் வந்தா அப்டேட் கொடுப்பாங்கன்னு சொல்ல முடியாது. பெர்ர்ரிய கம்பனிகளே அப்படி கொடுக்கிறதா தெரியலை! 15 மாசத்துக்காவது அப்க்ரேட் கொடுக்கணும்ன்னு ஒரு சட்ட திட்டமெல்லாம் வந்து அப்படியே காணாம போயிடுச்சாம்! அப்பதானே அடுத்தது வாங்குவாங்கன்னு ஒரு ஆர்க்யூமென்ட் இருக்கு.
பாத்து கவனமா கையாண்டா உங்க ஆண்ட்ராய்ட் கைபேசி அதிக நாள் உழைக்கும்! வாழ்த்துகள்!

Friday 5 April 2013

அன்ட்ராயர் - 11 இணைப்புகள்


இப்ப இந்த அன்ட்ராயர் கைப்பேசியோட இணைப்புகளை பார்க்கலாம்.

முதல் இணைப்பு சிம் கார்ட் மூலமா டெலிபோன் கம்பெனியோட இணைப்பு. அது என்ன ப்ளான் என்கிறதைப்பொறுத்து போன் வசதி, மெசேஜ் வசதி, இணைய வசதி இருக்கும். ஒரு 3 ஜி ப்ளான் இருந்தா எல்லாத்துக்கு நல்லா இருக்கும். பல வலைத்தளங்களும் கைபேசிக்காகவே தன் இணைய தளங்களை வடிவமைக்கறாங்க. சட்ன்னு கனென்க்ட் ஆகணுமில்ல!

இரண்டாவது ப்ளூடூத். இது வழியா நாம் ஹெட்போன்ஸ், பெரிய விசைப்பலகை போல பல ப்ளூடூத் சாதனங்களை இணைச்சுக்கலாம். கைய ஃப்ரீயா வெச்சுகிட்டு ஹெட்போன்ல பேசிக்கிட்டே காரியம் செய்யலாம். ஆன் - ஆஃப் ஹெட்போன்ஸ்ஸாலேயே செய்யலாம்!

மூணாவது வைஃபை. வைஃபை சாதங்களை இணைக்கலாம். வயர்லெஸ் மோடம் வீட்டுல இருந்தா இணையத்தையும் இணைச்சுக்கலாம்

நாலாவது ஹெட்போன்ஸ் இணைக்க. 3.5 எம்.எம் ஜாக் இருந்தா நல்லா இருக்கும்!
கடைசியா மைக்ரோ யூஎஸ்பி போர்ட். இது வழியா கணினியை கனெக்ட் பண்ணலாம். கணினிக்கும் கைப்பேசிக்கும் இடையே பைல்களை நகர்த்தலாம். கேட்க வேண்டிய ப்ரவசனமோ பாடல்களையோ கைப்பேசிக்கு நகர்த்தலாம். கைப்பேசி காமெரால எடுத்த விடியோக்கள், படங்களை சேமிக்க கணினிக்கு மாத்திக்கலாம்.

இப்ப வர பல கைப்பேசிகள் சார்ஜிங்கே இப்படித்தான் செய்ய வகை செய்திருக்கும். சார்ஜரே ஒரு யூஎஸ்பி போர்ட்டோடத்தான் இருக்கும். அதனால் வீட்டு ஈபி ப்ளக்கில சொருகினாலும் அது யூஎஸ்பி சார்ஜர்தான். சாதாரணமா நாம் கணினில வேலை செய்துகிட்டு இருக்கறப்ப சொருகிவிட்டா அது பாட்டுக்கு சார்ஜ் ஆகும். திடுதிப்புன்னு இந்த யூஎஸ்பி சாதங்களை பிடுங்கக்கூடாதுனு தெரியும் இல்லையா? டாடா சேதமாக வாய்ப்பு இருக்கு. அதனால யூஎஸ்பியை சொருகினாலேயே என் கைப்பேசில இந்த ஆப்ஷன்ஸ் வருது!  



 டாடா இடம் மாத்தணும் எனும்போது இதை மாத்தி ஸ்டோரேஜ் டிவைஸ் ன்னு கொடுக்கணும். அன்மவுண்ட் செய்யாம இதை பிடுங்காதீங்கன்னு எச்சரிக்கை வரும். சரின்னு சொன்ன பிறகு கனென்க்ட் செய்யும். அந்த சமயத்துல கைப்பேசி நினைவகத்தை முழுக்க கணினிக்கு இணைப்பதால பாட்டு கேட்பதோ போட்டோ எடுத்து சேமிப்பதோ முடியாது என்கிறதை நினைவு வெச்சுக்குங்க! டாடா மாத்தின பிறகு திருப்பி இதை சார்ஜ் ஒன்லி ன்னு அமைச்சுட்டா பிரச்சினையே இருக்காது. எப்ப வேணுமானாலும் பிடுங்கலாம்.

Thursday 4 April 2013

அன்ட்ராயர் - 10 தமிழ் உள்ளீடு


ரைட்! இப்ப தமிழ்ல உள்ளிடுவதை பார்க்கலாம். இவ்வளோ பணம் கொடுத்து ஆன்ட்ராய்ட் கைபேசி வாங்கிட்டு தமிழ்ல ஒரு கமென்ட் போட முடியலைன்னா எப்படி? பல்லாஜி எழுதறா மேரி சென்னை ஸ்லாங் எல்லாம் ஆங்கிலத்துல எழுதினா ருசிக்காது! குறைஞ்சது ஒரு "அவ்வ்வ்வ்!” ன்னு எழுத முடிய வேணாமா?
இதுக்கு ஆப்ஸ்ல ஒண்ணு தேவை. முரசு செல்லினம் அல்லது தமிழாவோட தமிழ் விசை. ரெண்டுமே கூகுள் ப்ளே ல கிடைக்கும். தேடி நிறுவுங்க. Sellinam, அல்லது TamilVisai ன்னு தேடணும். ஆப்ஸை நிறுவின பிறகு language settings போய் செல்லினம்ன்னு தேர்ந்து எடுக்கணும். அதுலேயே வலது பக்கம் கோடு கோடா இருக்கே, அதை தொட செல்லினம் நிரலோட செட்டிங்க் திறக்கும்.


 
தமிழ் 99 அபிஷியல். அது வேணுமா அல்லது ஆங்கில எழுத்தால பொனடிக் முறையில ammaa = அம்மா ன்னு அடிக்கிற முரசு அஞ்சல் வேணுமான்னு முடிவு பண்ணிக்குங்க. இது வரை ஆங்கிலத்திலேயே டைப் அடிச்சு பழகிட்டா இதுவே சுலபம். ஆனா புதுசா கத்துக்கிறோம் அல்லது நிறைய தமிழ்ல டைப் செய்யப்போறோம்ன்னா ஆரம்பத்தில கொஞ்சம் கஷ்டமா இருந்தாலும் தமிழ் 99 அல்லது வேறு எந்த தமிழ் விசைப்பலகையாவது கத்துக்கறது நல்லது.
வைப்ரேஷன் ஃபீட் பேக் என்கிறது நாம் விசையை தொட்டதும் உணர்கிற சின்ன கிர். கைப்பேசி நாம் தொட்டதை உணர்ந்து கொண்டது; நாம் அடுத்ததுக்கு போகலாம் என்கிறதுக்கு அறிகுறி. இது போறலைன்னா சவுண்ட் ஃபீட் பேக் வெச்சுக்கலாம். ஒவ்வொரு விசையை தொட்டதும் பசக் ன்னு சின்ன ஒலி எழும்பும்! பாப் அப் ஃபீட் பேக் செலக்ட் செய்ய விசையை அழுத்தினதும் அந்த எழுத்து கொஞ்ச நேரம் தோன்றி மறையும். புள்ளி எழுத ரெண்டு முறை ஸ்பேஸை அழுத்தறா மாதிரியும் வெச்சுக்கலாம். கடைசியா கூட இருக்கிற தமிழ் அகராதியிலிருந்து சொல்லையே பரிந்துரையா காட்டும்.

ஒரு சின்ன உரையை எழுதி பார்க்கலாம்.
செட்டிங்க்ல அமைக்காட்டாக்கூட எழுதுவதற்கு ஜோடா டெக்ஸ்ட் எடிட்டர் திறந்து, அதை தொட, வருவதை பாருங்க.
இது ஆங்கிலபலகை. ஸ்பேஸ் பார் ஐ பாருங்க. இங்லீஷ் ன்னு போட்டு இருக்கு. இதை தொட ஆப்ஷன் வரும். இதுல செல்லினம் ன்னு தேர்ந்தெடுத்து பின்னே... சரியா?



இப்ப மு என்கிற எழுத்து கொஞ்சம் சாய்ச்சு வெச்சாப்போல இருக்கா? ரைட் ! இதான் செல்லினம் விசைப்பலகை. இடம் அதிகமில்லை என்கிறதால் விசைகள் 4 வரிகள்தான் இருக்கு.
க்வெர்டி எழுத்துக்களை பலகையில் வரிசையா அடிச்சுப்பார்க்க...
ஒய், யூ எழுத்துக்களை அடுத்தடுத்து அடிக்க அது யூ ஆயிடுத்து!




பக்கத்து பக்கத்து விசைகளை அடிக்கடி தட்டிக்கிட்டு இருக்கோம்ன்னா, ரொம்ப சுலபமா சரியா அடிக்க ஒரு வழி கைப்பேசியை 90 டிகிரி திருப்பி வைக்கிறது.


இப்ப விசைகள் பெரிசாயும், தெளிவாயும் இருக்கிறதை பாருங்க!

அது சரி, 1 2 3 எல்லாம் எங்கே போச்சு?
கீழே 123 ன்னு இருக்கிற விசையை அழுத்த கீழே காட்டியிருக்கிற விசைப்பலகை வரும்.




½ ன்னு போட்டு இருக்கிறது ஒரு விசைப்பலகை. 2/2 இன்னொன்னு, அதிகம் தேவையிராத எண்/எழுத்துக்கள். ஆனா இதில ஸ்மைலி இருக்கு! என்னைப்போல அடிக்கடி ஸ்மைலி போடறவங்களுக்கு உபயோகமா இருக்கும்! :)

½ ல ரூபாய் சிம்பல் இருக்கிறதை கவனியுங்க!
 abc விசையை தட்ட அது abc விசைப்பலகையா ஆயிடும்.
X அடிச்சா க்ஷ் வருது. t அடிச்சா த்; d அடிச்சா ட. மத்தபடி அதிக குழப்பம் வர வாய்ப்பில்லை! ந வுக்கு w; ன் க்கு n; ண் க்கு N; ற வுக்கு R ... தெரிஞ்சதுதானே? இப்படி மேலெழுத்து வர 3 வது வரியில இருக்கிற _ விசையை தட்டணும். அடுத்த எழுத்து மேலெழுத்தா இருக்கும்.
3 ஆவது வரியில பின் நோக்கிய அம்புக்குறி பேக்ஸ்பேஸ் - முந்தைய எழுத்தை அழிக்கும்.
நாலாவது வரியில இருக்கிற மடக்கின அம்புக்குறி என்டர். அடுத்த வரிக்கு போகும்.
ம்ம்ம்ம்? அவ்வளோதான்னு நினைக்கிறேன். வேறு ஏதும் விட்டுப்போயிருந்தா கேளுங்க.


போகிற போக்கில ஜோடா டெக்ஸ்ட் எடிட்டர்ல இருக்கிற சேவ், அன்டூ, ரீடூ, காபி, கட், பேஸ்ட், க்விட் ஆப்ஷனை எல்லாம் பாருங்க!கவுஜ எழுதினா சேமிச்சு வெச்சுக்கலாம்! செல்லினம் கொடுக்கிற சொல் பரிந்துரையும் பாருங்க!
வரட்டா!

Wednesday 3 April 2013

அன்ட்ராயர் - 9 செட்டிங்க்ஸ்- தொடர்ச்சி.

key words: android, ICS, beginners, elders, howto android phone.Tamil.


அடுத்து பவர் சேவிங்.
ஆண்ட்ராய்ட் கைபேசி இன்னும் இன்னும் அதிக வேகம், ஃபீசர்ஸ் ன்னு போகிறதுல நிறைய மின் சக்தியை சாப்பிடும்ன்னு முன்னேயே சொன்னேன். அதுக்காக சில ஆப்ஸ் இருக்கு. இப்ப இரண்டாவதா வாங்கின ஜெல்லி பீன்ஸ்ல (இல்லை இது ஜோலோ பீசரான்னு தெரியலை) 3 தேர்வுகள். ஒண்ணு கட்டுப்பாடு இல்லை. ரெண்டாவது ஸ்டேன்ட்பை - டாடா கனெக்ஷனை கட் பண்ணிடும். மூணாவது சூப்பர் லாங் ஸ்டேன்ட்பை. அதாவது எல்லா கனெக்ஷனையும் கட் பண்ணிடும். இத்தனை நிமிஷத்துக்கு அப்புறமா ஸ்க்ரீனை அணைச்சுடுன்னு செட் பண்ணலாம். அது ஆஃப் ஆகி 3 வது ஆப்ஷனும் செயலுக்கு வரும். பேட்டரி லோ ஆனா தானே இந்த ஆப்ஷனுக்கு போயிடும்.




அடுத்து டிஸ்ப்ளே. எவ்வளோ வெளிச்சம் வேணுமோ அவ்வளோ அமைச்சுக்கலாம். இதிலேயே தானியங்கியா வெயில்ல அதிகம், வீட்டுக்குள்ள குறைவுன்னு அமைக்க வசதி இருக்கு. இப்படி இல்லைன்னா எங்கேனும் வெளியே வெய்யில்ல போறப்ப ஸ்கிரீனை பார்க்கக்கூட முடியாது!
வால்பேப்பர் பல விதங்களில அழகழகா கிடைக்குது. அனிமேஷன், அனிமேஷன் இல்லாம.... நம்மோடா ஆதர்ச கடவுள் போட்டோவை வெச்சுக்கலாம். அல்லது நம் பேரன் பேத்திகளோடது...... இளைஞர்கள் அவங்க ஆதர்ச நடிகையோடது... எல்லாம் உங்க சாய்ஸ்தான். என்ஜாய்!
ஸ்லீப் இத்தனை நேரம் கழிச்சு டிஸ்ப்ளேவை அணைச்சுடு என்கிறது. கணினில திரை அணையறதுக்கும் கணினி இடை நிறுத்தத்துக்கு போகிறதுக்கு வித்தியாசம் இருக்கு இல்லே? அதே போலத்தான். (யப்பாடா! என்ன தமிழ் என்ன தமிழ்!)
டைப் அடிக்கிறோம். கைபேசி சின்ன கருவி. விசைப்பலகைக்கு இடம் போறாது. விசைகள் கிட்ட கிட்ட இருக்கறதால ஏ அடிச்சா எஸ் ன்னு என்டர் ஆகுது. என்ன செய்ய? அப்படியே கைபேசியை 90 டிகிரி சுழற்றி பிடிங்க! இப்ப திரை திரும்பி அலைன் ஆகி நெடுக்கே விசைகள் இன்னும் அதிக இடத்தோட தெரியும். இந்த தானியங்கி திருப்பத்தையும் இங்கே அமைச்சுக்கலாம்.
வயசாச்சு.... எழுத்துக்களை சரியா பார்க்க முடியலைன்னா எழுத்துருக்களையும் இங்கே பெரிசா அமைச்சுக்கலாம்.


ஸ்டோரேஜ் போன்லேயும், கூட இருக்கிற எஸ்டி கார்ட்லேயும் (அது என்னவா? அப்புறமா சொல்லறேன்) எவ்வளோ இடமிருக்கு; என்னென்ன அதை ஆக்கிரமிச்சுகிட்டு இருக்கு என்கிற விவரங்களை காட்டும். இதை பார்த்து இன்னும் டாடா சேமிக்கலாமா, இல்லை நீக்கணுமான்னு முடிவு செய்துக்கலாம்.

பேட்டரி சாய்ஸ்ல, அது எவ்வளோ சார்ஜ் இருக்கு; சார்ஜ் பர்சென்ட்டை மேலே டிரால காட்டணுமா, என்ன ப்ராசஸ் அதை அதிகமா யூஸ் பண்ணுதுன்னு காட்டும்.

ஆப்ஸ் செக்ஷன்ல எதெல்லாம் டவுன்லோடினோம், எது எஸ்டி கார்ட்ல இருக்கு; எது இயங்கிகிட்டு இருக்கு போல எல்லா விவரங்களையும் சொல்லுது.

அடுத்து பெர்சனல் செக்ஷன். இங்கே லொகேஷன் சர்வீஸ்; செக்யூரிட்டி; மொழி; பாக்டரி செட்டிங் க்கு மீட்டு அமைக்கிறது எல்லாம் இருக்கு.
லொகேஷன் சர்வீஸ்ல ஆப்ஸ் எல்லாம் இந்த லொகேஷனை அணுகலாமா என்கிற அனுமதி அமைக்கலாம். ஜிபிஎஸ் பயன்படுத்தி நம்ம இடத்தை கண்டு பிடிக்கணுமா இல்லை வைஃபை, செல் டவர் மூலமா கண்டு பிடிக்கணுமா ன்னும் அமைக்கலாம்.
அடுத்து செக்யூரிட்டி. திரையை பூட்ட, சிம்கார்டை பூட்ட .. இது போல பல அமைப்புகள்.

அடுத்து மொழிகள், இன்புட்.
வழக்கமா ஒரு ஆங்கில கீபோர்ட் இருக்கும். நாம் தமிழ் அல்லது வேற மொழி வேணும்ன்னு எதையாவது நிறுவி இருந்தா அதுவும் இங்கே தெரியும். உதாரணமா செல்லினம் என்கிற தமிழ் தட்டச்சு நிரலி நிறுவி இருந்தா அது இங்கே செல்லினம்ன்னு காட்டும். அதை தேர்ந்தெடுத்தா எங்கே எல்லாம் தட்டச்சறோமோ அங்கெல்லாம் செல்லினம் விசைப்பலகைதான் திறக்கும். அப்புறமா தமிழ் தட்டச்சு பத்தி பார்க்கிறப்ப இதை விவரமா பார்க்கலாம்.





இன்னும் மவுஸ் ட்ராக்பேட் இணைச்சு இருந்தா அதோட நகர்வையும் கட்டுப்படுத்தலாம்.
அடுத்து ரீசெட். இதில நம் அமைப்பை கூகுள் சர்வருக்கு பேக் அப் எடுக்கும் வசதி இருக்கு. ஒர் 'ஆப்' ஐ அழிச்சு அப்புறம் திருப்பி நிறுவினா பழைய செட்டிங் கொண்டு வர அமைப்பு இருக்கு. ஏதேனும் நிறையவே கோளாறு செய்துட்டோம்ன்னா பாக்டரி ரீசெட் செய்ய வாய்ப்பு உண்டு. இப்படி செய்தா புதுசா போன் வாங்கினப்ப இருந்த அமைப்பு மட்டுமே இருக்கும். வாங்கினப்பறம் நாம் நிறுவின ஆப்ஸ், அப்லோட் பண்ண பைல்கள், பேரன் பேத்திய எடுத்த போட்டோக்கள், விடியோக்கள் எல்லாம் போயிந்தே தான்! (இதுக்குத்தான் அடிக்கடி நம்ம கணினிக்கு பேக் அப் எடுத்துடணும். ) ஆக இது கடைசி ஆப்ஷன்தான்.

அடுத்து அக்கௌண்ட்ஸ். இதை நாம் முதல் உபயோகத்திலேயே அமைச்சோம். தேவையானா இன்னொரு அக்கௌண்டும் அமைக்கலாம்.
அடுத்து சிஸ்டம். தேதி நேரம், இத்தனை மணிக்கு இன்னின்ன நாள் கைபேசியை ஆஃப் பண்ணிடு/ ஆன் பண்ணிடு; ஏரோப்ளேன் மோட் ல போயிடுன்னு அமைக்கலாம்.

போன் பேசிவிட்டு அப்புறம் கால் கட் செய்ய பாத்தா ஸ்க்ரீன் காணாம போயிருக்கும். அப்புறம் அதை அன்லாக் பண்ணி, ரெட் பட்டனை தேடி … இந்த தொல்லை எல்லாம் இல்லாம பவர் பட்டனை அழுத்தினா கால் கட் பண்ணுன்னு ஆக்ஸசபிலிடில செட் பண்ணலாம். அதேபோல எவ்வளோ நேரம் அழுத்தினா திரை அதை உணரணும்ன்னும் செட் பண்ணலாம்.
டெவலபர் ஆப்ஷன்ல நாம போக வேண்டாம். கடேசியா (அப்பாடா!) போனைக்குறித்த விவரங்கள். ஆன்ராய்ட் வெர்ஷன் என்ன, லீனக்ஸ் கெர்னல் வெர்ஷன் என்ன, அப்டேட்ஸ் இருக்கா.... பல விஷயங்கள்.
அப்பாடா செட்டிங்க்ஸ் முடிஞ்சது!