Tuesday, April 9, 2013

அன்ட்ராயர் - இன்னொரு கொசுறு!


key words: android jelly bean copy paste tamil
----------------

ஹும்! இவ்வளோ சீக்கிரம் அடுத்த பதிவு போடுவேன்னு நினைக்கலை.
தம்பி பல்லாஜி அன்ட்ராயர் வாங்கினா ஊஸ் பண்ணனும் அக்கு வேறா ஆணி வேறன்னு ஆராயக்கூடாதுன்னு சொன்ன அறிவுரையை சிர மேற்கொண்டு தமிழ்ல டைப் பண்ணி காபி பேஸ்ட் செய்யப்பாத்தா...... ஆப்ஷன் எங்கேப்பா? என்ன செய்தும் காணலை.
சரி கூகுள் தேவதையை கேட்டா.... ஹிஹிஹி அதான் எல்லாருமே செய்வாங்களே, நீ பதிவு வேற போடணுமா ன்னு கேட்கறீங்களா? இருக்கட்டும்.... விஷயம் புரிஞ்சது.
முன்னமேயே சொன்னேன், கணினில ரைட் க்ளிக் மாதிரி இங்கே கொஞ்சம் அதிக நேரம் தொட்டா வேற கன்டெக்சுவல் ஆப்ஷன்ஸ் கிடைக்கும்ன்னு.... திரையில ஒரு உரையை பாத்தா அதை காபி செய்ய, அதை கொஞ்சம் அதிக நேரம் தொடுங்க. ரெண்டு ப்ராக்கெட் தோன்றி சொல்லை அணைச்சுக்கும்.  

 

இதுகளை இன்னும் அதிக உரையை சேர்த்துக்க இழுக்க முடியும். இடது பக்கம் இருக்கறதை மேலேயும் கொண்டு போகலாம். வலது பக்கம் இருக்கறதை கீழேயும் கொண்டு போகலாம். உரையை தேர்ந்தெடுத்தாச்சா! இப்ப அதை கொஞ்சம் அதி.நே.தொ. அதாங்க அதிக நேரம் தொடுங்க! அது செலக்ட் ஆயிடும். அதுக்கு ஒரு பாப் அப் அல்லது ஏதேனும் ஒரு இடத்தில அறிவிப்பும் கிடைக்கும். இப்ப ஒட்ட வேண்டிய இடத்தில தொடுங்க. பேஸ்ட் ஆப்ஷன் முன்ன போலவே கிடைக்கும். அதை தொட்டா வேலை முடிஞ்சது!

இவ்வளோ சுலபமா? ஏன் உனக்கு முதல்லேயே முடியலைன்னு கேட்கறீங்களா?
ஹிஹிஹி!

Saturday, April 6, 2013

அன்ட்ராயர் -அப்பாடா ஒரு வழியா முடிஞ்சது!

சில குறிப்புகள்:
இதுதான் ஆன்ட்ராய்ட் பத்தின கடைசி பதிவுன்னு நினைக்கிறேன். விட்டுப்போன சில விஷயங்கள் (ஓ, அது நிறைய இருக்கு; இங்க எழுதணும்ன்னு நினைச்சு விட்டுப்போன விஷயங்கள்) சில டிப்ஸ்...

சாதாரணமா அன்ட்ராய்ட் கைபேசி வாங்கறவங்க கூட வாங்கக்கூடிய விஷயங்கள் ரெண்டு. ஒண்ணு ஸ்க்ராட்ச் கார்ட். அதாவது ஸ்க்ரீனுக்கு ஒரு பாலிமர் மேலொட்டி. க்ளாஸ்ல ஸ்க்ராட்ச் ஆகாம தடுக்குதாம். அதாவது த்யாகம் பண்ணி ஸ்க்ராட்சை தான் ஏத்துகிட்டு …. கொஞ்ச நாள்ள - என் பையரோட ஆண்ட்ராய்ட்ல அப்படித்தான் இருக்கு - ஸ்க்ராட்ச் கார்ட்லேயே நிறைய கீறல்கள் விழுந்து அன்சகிக்கபிளா இருக்கும்! எப்ப இப்படி ஆகிறதோ அப்ப அதை - ஸ்க்ராட்ச் கார்டை மாத்தணும்ன்னு பேர். ஆனா இப்படி நடக்குமா என்கிறது சந்தேகமா இருக்கு. கொஞ்சம் கொஞ்சமா ஸ்க்ராட்ச் விழுகிறதாலே பழகிப்போயிடும். யாரும் சொன்னாத்தான் ஸ்க்ராட்ச் அதிகமா இருக்குன்னு தெரியும்! பார்வை கொஞ்சம் கொஞ்சமா மோசமாகி ஒரு நாள் திடீர்ன்னு "அட! சாளேஸ்வரம் வந்துடுத்து" என்கிற மாதிரி!
இப்படி ஆகாமல் பார்த்து பார்த்து அதை மாற்றிவிடுவது நல்லது. அல்லது வாங்கறப்பவே கொரில்லா க்ளாஸ் ஸ்க்ரீனா பாத்து வாங்கிக்கலாம். கொரில்லா க்ளாஸ்? விக்கில தேடிப்பாருங்க. சுவையான சமாசாரம். ஏறத்தாழ ஸ்க்ராட்ச் ஃப்ரூப் ன்னு வெச்சுக்கோங்களேன்.
ரைட். அடுத்து கைப்பேசியை வைக்க ஒரு நல்ல பௌச். கடையில கேட்டா எக்கச்சக்க விலை சொல்லுவாங்க. வேறு ஏதும் சின்ன கடையா பார்த்து வாங்குங்க. சூடு வெளியேற காத்தோட்டம் இருக்கணும். அழைப்பு வரும்போது காதில ஒலி விழணும். சுலபமா திறக்க முடியணும். அவ்வளோதான்.

பேசிக் பங்க்ஷன்னே நினைக்கிறேன். பாட்டு கேட்க இருக்கும் ம்யூசிக் ஆப் இல் இத்தனை நேரம் கழிச்சு ஆப் பண்ணிடுன்னு செட் செய்ய முடியும். தூங்கப்போகிறப்ப ஏதேனும் நல்ல இசை, தோத்திரம் ன்னு கேட்டுகிட்டு தூங்க நினைக்கிறவங்களுக்கு மிகவும் பயனுள்ளது. சும்மா ஒரு மந்திரத்தையே திருப்பித் திருப்பி கேட்கவும் லூப் செய்ய முடியும். இப்ப ஜம்ன்னு மெலிசா ஒலியை அமைச்சுட்டு கேட்டுகிட்டே தூங்கலாம். போனையே இத்தனை மணிக்கு ஆன் பண்ணு ஆஃப் பண்ணுன்னு செட் செய்ய முடியும்ன்னு முன்னேயே சொன்னேன் இல்லே? சொன்னேன். ரைட்!
கணினில ஏதாவது ஒரு சமயம் செஞ்சுகிட்டு இருக்கிற வேலையில ஏதானும் ஒரு ஆப்ஷன் வேணும்ன்னு நினைச்சா அதை எங்கே போய் தேடுவோம்? அஞ்சு செகண்டுக்குள்ள பதில் சொல்லுங்க. 1....2.....3.....4......5 போச் டைம் ஆயிடுத்து! போனாப்போறது நானே சொல்லறேன். வேலை களத்திலேயே ரைட் க்ளிக் செய்து பார்க்கணும். அதே போல இங்கே ஆண்ட்ராய்டிலேயும் …. திரையை சும்மா லேசா தொட்டும் தொடாமலும்ன்னு வழக்கம் போல செய்யாம, 3 செகண்டுக்கும் மேலே தொட்டுகிட்டு இருங்க. ஆப்ஷன் ஏதாவது வரும். அதே போல மூணு கிடைமட்ட கோடுகளை பார்த்தாலும் - ஒரு ஐகான், அல்லது நிலையான இடத்தில சித்திரம்..... அங்கே ஆப்ஷன்ஸ் இருக்கும்ன்னு தெரிஞ்சுக்கலாம். உதாரணமா திரையை தொட்டுக்கிட்டே இருக்க திரை பின் புலத்து படத்தை மாத்த ஆப்ஷன் வரும்!
நிறைய ஆப்ஸ் எல்லாம் தேவையில்லாம நிறுவ வேணாம். 60 லட்சம் ஆப்ஸ் இருக்க் என்கிறதுக்காக நாம் நிறுவணும்ன்னு ஒண்ணும் கட்டாயமில்லை!
அடிப்படையில இது லீனக்ஸ் ஓஎஸ் என்கிறதால விண்டோஸ் மாதிரி ஆன்டி வைரஸ் இல்லாம நெட் கனென்க்ஷனே கூடாது என்கிறது இல்லை. இருந்தாலும் மேய்கிற தளங்களுக்கு தக்க படி இதில முடிவெடுக்கலாம். அதே போல பேங்க் ட்ரான்ஸ்சாக்ஷன் போன்ற விஷயங்களை செய்வதா இருந்தாலும் செக்யூரிட்டி பத்தி யோசிக்கலாம்.
சாதாரணமா தேவையில்லை.
லீனக்ஸ்லேயே நிறுவல் முடிஞ்ச பிறகு சாதாரணமா விஷயம் தெரியாதவங்களை ஓரளவுக்கு மேலே சிஸ்டத்தை மாத்த விடாது. விஷயம் தெரிஞ்சவங்கதான் ரூட் பாஸ்வேர்ட் கொடுத்து மாத்தலாம். அதே போலத்தான் இங்கேயும். சாதாரண யூசர் விஷயம் தெரியாதவங்கன்னு அஸ்யூம் பண்ணிகிட்டு ரூட் செய்வதை கொஞ்சம் கஷ்டமா ஆக்கி இருக்காங்க. ரூட் செய்தா வாரண்டி போயிடும். இதுக்காகவே ரூட் செய்யாம இருக்கறது நல்லது.
சீப்பா இருக்கிற நெட் ப்ளானை யோசிச்சு வாங்கலாம். ஏன்னா அதுதான் ஆண்ட்ராய்டோட உயிர்நாடி.
இன்னைக்கு புத்தம் புதுசா இருக்கிற போன் ஆறு மாசத்துல அரத பழசா ஆயிடலாம்! (சரி சரி, கொஞ்சம் அதிக ஹைப்தான்) அதுக்கு மனசளவில தயாரா இருக்கணும். இருந்தாலும் அடிப்படை சேவைகள் மாறாது. நெக்சஸ் போன்னா அப்டேட் கிடைச்சுட்டே இருக்கும்ன்னு நினைக்கிறேன். கம்பனிகாரங்க வழக்கமா அவங்களோட ஹார்ட்வேருக்கு தகுந்தபடி கொஞ்சம் மாத்தி கஸ்டம் ரோம் போட்டு கஷ்டம் கொடுப்பாங்க. இவங்க அடுத்த வெர்சன் வந்தா அப்டேட் கொடுப்பாங்கன்னு சொல்ல முடியாது. பெர்ர்ரிய கம்பனிகளே அப்படி கொடுக்கிறதா தெரியலை! 15 மாசத்துக்காவது அப்க்ரேட் கொடுக்கணும்ன்னு ஒரு சட்ட திட்டமெல்லாம் வந்து அப்படியே காணாம போயிடுச்சாம்! அப்பதானே அடுத்தது வாங்குவாங்கன்னு ஒரு ஆர்க்யூமென்ட் இருக்கு.
பாத்து கவனமா கையாண்டா உங்க ஆண்ட்ராய்ட் கைபேசி அதிக நாள் உழைக்கும்! வாழ்த்துகள்!

Friday, April 5, 2013

அன்ட்ராயர் - 11 இணைப்புகள்


இப்ப இந்த அன்ட்ராயர் கைப்பேசியோட இணைப்புகளை பார்க்கலாம்.

முதல் இணைப்பு சிம் கார்ட் மூலமா டெலிபோன் கம்பெனியோட இணைப்பு. அது என்ன ப்ளான் என்கிறதைப்பொறுத்து போன் வசதி, மெசேஜ் வசதி, இணைய வசதி இருக்கும். ஒரு 3 ஜி ப்ளான் இருந்தா எல்லாத்துக்கு நல்லா இருக்கும். பல வலைத்தளங்களும் கைபேசிக்காகவே தன் இணைய தளங்களை வடிவமைக்கறாங்க. சட்ன்னு கனென்க்ட் ஆகணுமில்ல!

இரண்டாவது ப்ளூடூத். இது வழியா நாம் ஹெட்போன்ஸ், பெரிய விசைப்பலகை போல பல ப்ளூடூத் சாதனங்களை இணைச்சுக்கலாம். கைய ஃப்ரீயா வெச்சுகிட்டு ஹெட்போன்ல பேசிக்கிட்டே காரியம் செய்யலாம். ஆன் - ஆஃப் ஹெட்போன்ஸ்ஸாலேயே செய்யலாம்!

மூணாவது வைஃபை. வைஃபை சாதங்களை இணைக்கலாம். வயர்லெஸ் மோடம் வீட்டுல இருந்தா இணையத்தையும் இணைச்சுக்கலாம்

நாலாவது ஹெட்போன்ஸ் இணைக்க. 3.5 எம்.எம் ஜாக் இருந்தா நல்லா இருக்கும்!
கடைசியா மைக்ரோ யூஎஸ்பி போர்ட். இது வழியா கணினியை கனெக்ட் பண்ணலாம். கணினிக்கும் கைப்பேசிக்கும் இடையே பைல்களை நகர்த்தலாம். கேட்க வேண்டிய ப்ரவசனமோ பாடல்களையோ கைப்பேசிக்கு நகர்த்தலாம். கைப்பேசி காமெரால எடுத்த விடியோக்கள், படங்களை சேமிக்க கணினிக்கு மாத்திக்கலாம்.

இப்ப வர பல கைப்பேசிகள் சார்ஜிங்கே இப்படித்தான் செய்ய வகை செய்திருக்கும். சார்ஜரே ஒரு யூஎஸ்பி போர்ட்டோடத்தான் இருக்கும். அதனால் வீட்டு ஈபி ப்ளக்கில சொருகினாலும் அது யூஎஸ்பி சார்ஜர்தான். சாதாரணமா நாம் கணினில வேலை செய்துகிட்டு இருக்கறப்ப சொருகிவிட்டா அது பாட்டுக்கு சார்ஜ் ஆகும். திடுதிப்புன்னு இந்த யூஎஸ்பி சாதங்களை பிடுங்கக்கூடாதுனு தெரியும் இல்லையா? டாடா சேதமாக வாய்ப்பு இருக்கு. அதனால யூஎஸ்பியை சொருகினாலேயே என் கைப்பேசில இந்த ஆப்ஷன்ஸ் வருது!  



 டாடா இடம் மாத்தணும் எனும்போது இதை மாத்தி ஸ்டோரேஜ் டிவைஸ் ன்னு கொடுக்கணும். அன்மவுண்ட் செய்யாம இதை பிடுங்காதீங்கன்னு எச்சரிக்கை வரும். சரின்னு சொன்ன பிறகு கனென்க்ட் செய்யும். அந்த சமயத்துல கைப்பேசி நினைவகத்தை முழுக்க கணினிக்கு இணைப்பதால பாட்டு கேட்பதோ போட்டோ எடுத்து சேமிப்பதோ முடியாது என்கிறதை நினைவு வெச்சுக்குங்க! டாடா மாத்தின பிறகு திருப்பி இதை சார்ஜ் ஒன்லி ன்னு அமைச்சுட்டா பிரச்சினையே இருக்காது. எப்ப வேணுமானாலும் பிடுங்கலாம்.

Thursday, April 4, 2013

அன்ட்ராயர் - 10 தமிழ் உள்ளீடு


ரைட்! இப்ப தமிழ்ல உள்ளிடுவதை பார்க்கலாம். இவ்வளோ பணம் கொடுத்து ஆன்ட்ராய்ட் கைபேசி வாங்கிட்டு தமிழ்ல ஒரு கமென்ட் போட முடியலைன்னா எப்படி? பல்லாஜி எழுதறா மேரி சென்னை ஸ்லாங் எல்லாம் ஆங்கிலத்துல எழுதினா ருசிக்காது! குறைஞ்சது ஒரு "அவ்வ்வ்வ்!” ன்னு எழுத முடிய வேணாமா?
இதுக்கு ஆப்ஸ்ல ஒண்ணு தேவை. முரசு செல்லினம் அல்லது தமிழாவோட தமிழ் விசை. ரெண்டுமே கூகுள் ப்ளே ல கிடைக்கும். தேடி நிறுவுங்க. Sellinam, அல்லது TamilVisai ன்னு தேடணும். ஆப்ஸை நிறுவின பிறகு language settings போய் செல்லினம்ன்னு தேர்ந்து எடுக்கணும். அதுலேயே வலது பக்கம் கோடு கோடா இருக்கே, அதை தொட செல்லினம் நிரலோட செட்டிங்க் திறக்கும்.


 
தமிழ் 99 அபிஷியல். அது வேணுமா அல்லது ஆங்கில எழுத்தால பொனடிக் முறையில ammaa = அம்மா ன்னு அடிக்கிற முரசு அஞ்சல் வேணுமான்னு முடிவு பண்ணிக்குங்க. இது வரை ஆங்கிலத்திலேயே டைப் அடிச்சு பழகிட்டா இதுவே சுலபம். ஆனா புதுசா கத்துக்கிறோம் அல்லது நிறைய தமிழ்ல டைப் செய்யப்போறோம்ன்னா ஆரம்பத்தில கொஞ்சம் கஷ்டமா இருந்தாலும் தமிழ் 99 அல்லது வேறு எந்த தமிழ் விசைப்பலகையாவது கத்துக்கறது நல்லது.
வைப்ரேஷன் ஃபீட் பேக் என்கிறது நாம் விசையை தொட்டதும் உணர்கிற சின்ன கிர். கைப்பேசி நாம் தொட்டதை உணர்ந்து கொண்டது; நாம் அடுத்ததுக்கு போகலாம் என்கிறதுக்கு அறிகுறி. இது போறலைன்னா சவுண்ட் ஃபீட் பேக் வெச்சுக்கலாம். ஒவ்வொரு விசையை தொட்டதும் பசக் ன்னு சின்ன ஒலி எழும்பும்! பாப் அப் ஃபீட் பேக் செலக்ட் செய்ய விசையை அழுத்தினதும் அந்த எழுத்து கொஞ்ச நேரம் தோன்றி மறையும். புள்ளி எழுத ரெண்டு முறை ஸ்பேஸை அழுத்தறா மாதிரியும் வெச்சுக்கலாம். கடைசியா கூட இருக்கிற தமிழ் அகராதியிலிருந்து சொல்லையே பரிந்துரையா காட்டும்.

ஒரு சின்ன உரையை எழுதி பார்க்கலாம்.
செட்டிங்க்ல அமைக்காட்டாக்கூட எழுதுவதற்கு ஜோடா டெக்ஸ்ட் எடிட்டர் திறந்து, அதை தொட, வருவதை பாருங்க.
இது ஆங்கிலபலகை. ஸ்பேஸ் பார் ஐ பாருங்க. இங்லீஷ் ன்னு போட்டு இருக்கு. இதை தொட ஆப்ஷன் வரும். இதுல செல்லினம் ன்னு தேர்ந்தெடுத்து பின்னே... சரியா?



இப்ப மு என்கிற எழுத்து கொஞ்சம் சாய்ச்சு வெச்சாப்போல இருக்கா? ரைட் ! இதான் செல்லினம் விசைப்பலகை. இடம் அதிகமில்லை என்கிறதால் விசைகள் 4 வரிகள்தான் இருக்கு.
க்வெர்டி எழுத்துக்களை பலகையில் வரிசையா அடிச்சுப்பார்க்க...
ஒய், யூ எழுத்துக்களை அடுத்தடுத்து அடிக்க அது யூ ஆயிடுத்து!




பக்கத்து பக்கத்து விசைகளை அடிக்கடி தட்டிக்கிட்டு இருக்கோம்ன்னா, ரொம்ப சுலபமா சரியா அடிக்க ஒரு வழி கைப்பேசியை 90 டிகிரி திருப்பி வைக்கிறது.


இப்ப விசைகள் பெரிசாயும், தெளிவாயும் இருக்கிறதை பாருங்க!

அது சரி, 1 2 3 எல்லாம் எங்கே போச்சு?
கீழே 123 ன்னு இருக்கிற விசையை அழுத்த கீழே காட்டியிருக்கிற விசைப்பலகை வரும்.




½ ன்னு போட்டு இருக்கிறது ஒரு விசைப்பலகை. 2/2 இன்னொன்னு, அதிகம் தேவையிராத எண்/எழுத்துக்கள். ஆனா இதில ஸ்மைலி இருக்கு! என்னைப்போல அடிக்கடி ஸ்மைலி போடறவங்களுக்கு உபயோகமா இருக்கும்! :)

½ ல ரூபாய் சிம்பல் இருக்கிறதை கவனியுங்க!
 abc விசையை தட்ட அது abc விசைப்பலகையா ஆயிடும்.
X அடிச்சா க்ஷ் வருது. t அடிச்சா த்; d அடிச்சா ட. மத்தபடி அதிக குழப்பம் வர வாய்ப்பில்லை! ந வுக்கு w; ன் க்கு n; ண் க்கு N; ற வுக்கு R ... தெரிஞ்சதுதானே? இப்படி மேலெழுத்து வர 3 வது வரியில இருக்கிற _ விசையை தட்டணும். அடுத்த எழுத்து மேலெழுத்தா இருக்கும்.
3 ஆவது வரியில பின் நோக்கிய அம்புக்குறி பேக்ஸ்பேஸ் - முந்தைய எழுத்தை அழிக்கும்.
நாலாவது வரியில இருக்கிற மடக்கின அம்புக்குறி என்டர். அடுத்த வரிக்கு போகும்.
ம்ம்ம்ம்? அவ்வளோதான்னு நினைக்கிறேன். வேறு ஏதும் விட்டுப்போயிருந்தா கேளுங்க.


போகிற போக்கில ஜோடா டெக்ஸ்ட் எடிட்டர்ல இருக்கிற சேவ், அன்டூ, ரீடூ, காபி, கட், பேஸ்ட், க்விட் ஆப்ஷனை எல்லாம் பாருங்க!கவுஜ எழுதினா சேமிச்சு வெச்சுக்கலாம்! செல்லினம் கொடுக்கிற சொல் பரிந்துரையும் பாருங்க!
வரட்டா!

Wednesday, April 3, 2013

அன்ட்ராயர் - 9 செட்டிங்க்ஸ்- தொடர்ச்சி.

key words: android, ICS, beginners, elders, howto android phone.Tamil.


அடுத்து பவர் சேவிங்.
ஆண்ட்ராய்ட் கைபேசி இன்னும் இன்னும் அதிக வேகம், ஃபீசர்ஸ் ன்னு போகிறதுல நிறைய மின் சக்தியை சாப்பிடும்ன்னு முன்னேயே சொன்னேன். அதுக்காக சில ஆப்ஸ் இருக்கு. இப்ப இரண்டாவதா வாங்கின ஜெல்லி பீன்ஸ்ல (இல்லை இது ஜோலோ பீசரான்னு தெரியலை) 3 தேர்வுகள். ஒண்ணு கட்டுப்பாடு இல்லை. ரெண்டாவது ஸ்டேன்ட்பை - டாடா கனெக்ஷனை கட் பண்ணிடும். மூணாவது சூப்பர் லாங் ஸ்டேன்ட்பை. அதாவது எல்லா கனெக்ஷனையும் கட் பண்ணிடும். இத்தனை நிமிஷத்துக்கு அப்புறமா ஸ்க்ரீனை அணைச்சுடுன்னு செட் பண்ணலாம். அது ஆஃப் ஆகி 3 வது ஆப்ஷனும் செயலுக்கு வரும். பேட்டரி லோ ஆனா தானே இந்த ஆப்ஷனுக்கு போயிடும்.




அடுத்து டிஸ்ப்ளே. எவ்வளோ வெளிச்சம் வேணுமோ அவ்வளோ அமைச்சுக்கலாம். இதிலேயே தானியங்கியா வெயில்ல அதிகம், வீட்டுக்குள்ள குறைவுன்னு அமைக்க வசதி இருக்கு. இப்படி இல்லைன்னா எங்கேனும் வெளியே வெய்யில்ல போறப்ப ஸ்கிரீனை பார்க்கக்கூட முடியாது!
வால்பேப்பர் பல விதங்களில அழகழகா கிடைக்குது. அனிமேஷன், அனிமேஷன் இல்லாம.... நம்மோடா ஆதர்ச கடவுள் போட்டோவை வெச்சுக்கலாம். அல்லது நம் பேரன் பேத்திகளோடது...... இளைஞர்கள் அவங்க ஆதர்ச நடிகையோடது... எல்லாம் உங்க சாய்ஸ்தான். என்ஜாய்!
ஸ்லீப் இத்தனை நேரம் கழிச்சு டிஸ்ப்ளேவை அணைச்சுடு என்கிறது. கணினில திரை அணையறதுக்கும் கணினி இடை நிறுத்தத்துக்கு போகிறதுக்கு வித்தியாசம் இருக்கு இல்லே? அதே போலத்தான். (யப்பாடா! என்ன தமிழ் என்ன தமிழ்!)
டைப் அடிக்கிறோம். கைபேசி சின்ன கருவி. விசைப்பலகைக்கு இடம் போறாது. விசைகள் கிட்ட கிட்ட இருக்கறதால ஏ அடிச்சா எஸ் ன்னு என்டர் ஆகுது. என்ன செய்ய? அப்படியே கைபேசியை 90 டிகிரி சுழற்றி பிடிங்க! இப்ப திரை திரும்பி அலைன் ஆகி நெடுக்கே விசைகள் இன்னும் அதிக இடத்தோட தெரியும். இந்த தானியங்கி திருப்பத்தையும் இங்கே அமைச்சுக்கலாம்.
வயசாச்சு.... எழுத்துக்களை சரியா பார்க்க முடியலைன்னா எழுத்துருக்களையும் இங்கே பெரிசா அமைச்சுக்கலாம்.


ஸ்டோரேஜ் போன்லேயும், கூட இருக்கிற எஸ்டி கார்ட்லேயும் (அது என்னவா? அப்புறமா சொல்லறேன்) எவ்வளோ இடமிருக்கு; என்னென்ன அதை ஆக்கிரமிச்சுகிட்டு இருக்கு என்கிற விவரங்களை காட்டும். இதை பார்த்து இன்னும் டாடா சேமிக்கலாமா, இல்லை நீக்கணுமான்னு முடிவு செய்துக்கலாம்.

பேட்டரி சாய்ஸ்ல, அது எவ்வளோ சார்ஜ் இருக்கு; சார்ஜ் பர்சென்ட்டை மேலே டிரால காட்டணுமா, என்ன ப்ராசஸ் அதை அதிகமா யூஸ் பண்ணுதுன்னு காட்டும்.

ஆப்ஸ் செக்ஷன்ல எதெல்லாம் டவுன்லோடினோம், எது எஸ்டி கார்ட்ல இருக்கு; எது இயங்கிகிட்டு இருக்கு போல எல்லா விவரங்களையும் சொல்லுது.

அடுத்து பெர்சனல் செக்ஷன். இங்கே லொகேஷன் சர்வீஸ்; செக்யூரிட்டி; மொழி; பாக்டரி செட்டிங் க்கு மீட்டு அமைக்கிறது எல்லாம் இருக்கு.
லொகேஷன் சர்வீஸ்ல ஆப்ஸ் எல்லாம் இந்த லொகேஷனை அணுகலாமா என்கிற அனுமதி அமைக்கலாம். ஜிபிஎஸ் பயன்படுத்தி நம்ம இடத்தை கண்டு பிடிக்கணுமா இல்லை வைஃபை, செல் டவர் மூலமா கண்டு பிடிக்கணுமா ன்னும் அமைக்கலாம்.
அடுத்து செக்யூரிட்டி. திரையை பூட்ட, சிம்கார்டை பூட்ட .. இது போல பல அமைப்புகள்.

அடுத்து மொழிகள், இன்புட்.
வழக்கமா ஒரு ஆங்கில கீபோர்ட் இருக்கும். நாம் தமிழ் அல்லது வேற மொழி வேணும்ன்னு எதையாவது நிறுவி இருந்தா அதுவும் இங்கே தெரியும். உதாரணமா செல்லினம் என்கிற தமிழ் தட்டச்சு நிரலி நிறுவி இருந்தா அது இங்கே செல்லினம்ன்னு காட்டும். அதை தேர்ந்தெடுத்தா எங்கே எல்லாம் தட்டச்சறோமோ அங்கெல்லாம் செல்லினம் விசைப்பலகைதான் திறக்கும். அப்புறமா தமிழ் தட்டச்சு பத்தி பார்க்கிறப்ப இதை விவரமா பார்க்கலாம்.





இன்னும் மவுஸ் ட்ராக்பேட் இணைச்சு இருந்தா அதோட நகர்வையும் கட்டுப்படுத்தலாம்.
அடுத்து ரீசெட். இதில நம் அமைப்பை கூகுள் சர்வருக்கு பேக் அப் எடுக்கும் வசதி இருக்கு. ஒர் 'ஆப்' ஐ அழிச்சு அப்புறம் திருப்பி நிறுவினா பழைய செட்டிங் கொண்டு வர அமைப்பு இருக்கு. ஏதேனும் நிறையவே கோளாறு செய்துட்டோம்ன்னா பாக்டரி ரீசெட் செய்ய வாய்ப்பு உண்டு. இப்படி செய்தா புதுசா போன் வாங்கினப்ப இருந்த அமைப்பு மட்டுமே இருக்கும். வாங்கினப்பறம் நாம் நிறுவின ஆப்ஸ், அப்லோட் பண்ண பைல்கள், பேரன் பேத்திய எடுத்த போட்டோக்கள், விடியோக்கள் எல்லாம் போயிந்தே தான்! (இதுக்குத்தான் அடிக்கடி நம்ம கணினிக்கு பேக் அப் எடுத்துடணும். ) ஆக இது கடைசி ஆப்ஷன்தான்.

அடுத்து அக்கௌண்ட்ஸ். இதை நாம் முதல் உபயோகத்திலேயே அமைச்சோம். தேவையானா இன்னொரு அக்கௌண்டும் அமைக்கலாம்.
அடுத்து சிஸ்டம். தேதி நேரம், இத்தனை மணிக்கு இன்னின்ன நாள் கைபேசியை ஆஃப் பண்ணிடு/ ஆன் பண்ணிடு; ஏரோப்ளேன் மோட் ல போயிடுன்னு அமைக்கலாம்.

போன் பேசிவிட்டு அப்புறம் கால் கட் செய்ய பாத்தா ஸ்க்ரீன் காணாம போயிருக்கும். அப்புறம் அதை அன்லாக் பண்ணி, ரெட் பட்டனை தேடி … இந்த தொல்லை எல்லாம் இல்லாம பவர் பட்டனை அழுத்தினா கால் கட் பண்ணுன்னு ஆக்ஸசபிலிடில செட் பண்ணலாம். அதேபோல எவ்வளோ நேரம் அழுத்தினா திரை அதை உணரணும்ன்னும் செட் பண்ணலாம்.
டெவலபர் ஆப்ஷன்ல நாம போக வேண்டாம். கடேசியா (அப்பாடா!) போனைக்குறித்த விவரங்கள். ஆன்ராய்ட் வெர்ஷன் என்ன, லீனக்ஸ் கெர்னல் வெர்ஷன் என்ன, அப்டேட்ஸ் இருக்கா.... பல விஷயங்கள்.
அப்பாடா செட்டிங்க்ஸ் முடிஞ்சது!

Monday, April 1, 2013

அன்ட்ராயர் - 8


key words: android, ICS, beginners, elders, howto android phone.Tamil.
சரி, செட்டிங்க்ஸ் பத்தி பார்க்கலாம்!

செட்டிங்க்ஸ் ன்னு இருக்கிற ஐக்கானை தொட திறப்பது கீழே இருக்கிற சாளரம். முதல்ல தெரிவது வயர்லெஸ் மற்றும் நெட்வொர்க்.

இப்ப வர பெரும்பாலான ஆன்ட்ராய்ட் கைபேசிகள் 2 சிம் போடறாப்போலத்தான் வருது. அப்படி 2 சிம் போடறது சீக்கிரமா பேட்டரியை காலி பண்ணும்ன்னாலும் பலருக்கு பேச ஒண்ணும் வலைக்கு ஒண்ணும் பயனாகுது. இதுல போய் எதை எதுக்கு பயன்படுத்தணும்ன்னு நிர்ணயிக்கலாம். போன் செய்ய, மெசேஜ் செய்ய, டாடா கனக்ஷனுக்கு ன்னு எதை எதுக்கு பயன்படுத்தனும்ன்னு அமைச்சுக்கலாம்.



வைஃபை ஐ தொட தோன்றும் சாளரம் பக்கத்தில இருக்கிற ஃவைபை கனெக்ஷனை பட்டியல் போடும். தேவையானதை பாஸ்வேர்ட் கொடுத்து கனெக்ட் பண்ணிக்கலாம். இதுலியே விலான் கனெக்ட் ஆச்சுன்னா அதுலேயே - நம்ம டெலிபோன் லைன் ப்ராட்பேண்டிலேயே - வலையை மேயலாம். செல்போன் சர்வீஸ் வாங்கினா ஆன்ட்ராய்ட் கைபேசி இனாம் ன்னு வெளிநாட்டுல வியாபாரம் செய்யறவங்க, இதை டிஸேபிள் செய்து வெச்சு இருப்பாங்க! அவங்க சிம் கனெக்ஷன்ல மேயறதைத்தானே அவங்க விரும்புவாங்க! அப்பதானெ அவங்களுக்கு காசு கிடைக்கும்!

அடுத்து ப்ளூடூத். போன் பேச மானோ செட் சௌகரியம். அது வழியாவே கால் அடெண்ட் பண்ணலாம்; கட் பண்ணலாம். ஆனா அண்ட்ராய்ட்ல இருக்கிற பாட்டு கேட்க ரெண்டு காதுக்கும் பொருந்துகிற ஹெட்செட் வேணுமாம்! அநியாயம்ன்னு தோணித்து! மத்த ப்ளூடூத் சாதனங்களையும் இது வழியா கனெக்ட் செய்யலாம்.

டாடா பயன்பாடு அடுத்தது. நாம பாட்டுக்கு வலைய மேஞ்சுட்டு ரெண்டு நாள்ள காலி ஆகி, ஏன் கனெக்ட் ஆகலைன்னு சர்வீஸ் ப்ரொவைடர்கிட்டே சண்டைக்கு போகாம இதுல இன்னும் இருக்கா இல்லையான்னு பாத்துக்கலாம். அதிலேயே அதிக பட்சம் இவ்வளோன்னு எல்லாம் அமைக்கலாம். இவ்வளோ ஆச்சுன்னா எச்சரிக்கை கொடுன்னு சொல்லலாம்.

மோர் ல ஏர்ப்ளேன் மோட், விபிஎன், டெதரிங், வைஃபை டிரக்ட், மத்த வலை தொடர்பு விவரங்கள் அமைப்பு எல்லாம் பார்க்கலாம். ஏர்ப்ளேன் மோட்?

ஏரோப்ப்ளேன்ல ஏறினா அது கிளம்பறப்பவும் இறங்கறப்பவும் உங்க செல்போன் எல்லாம் அணைச்சுடுங்கன்னு விமான ஓட்டி கேட்டுப்பார். செல்போனோட மின்காந்த அலைகள் ப்ளேனோட எலக்ட்ரானிக்ஸோட விளையாடி ஏதாவது கோளாறா ஆயிடுமோன்னு கவலை. அப்ப ஸ்விட்ச் ஆஃப் பண்ணி அப்புறம் 10,000 அடி மேலே போனதும் இந்த ஏர்ப்ளேன் மோட் ஐ தேர்ந்தெடுத்துட்டா போதும். ஏர்ப்ளேன் மோட்ல உங்க வைஃபை, போன், டாடா கனெக்ஷன் எல்லாம் கட் ஆயிடும். அப்பாடா, நிம்மதி!

இப்படி நிம்மதியா இருக்கணும்னாக்கூட ஏர்ப்ளேன் மோட்ல வைக்கலாம். கால் தொல்லை இல்லாம இருக்கலாம். அல்லது ரோமிங்க்ல நமக்கு கால் வந்தா நாம் பைசா கட்டணும்ன்னு இருந்தாலும் இப்படி செய்யறது உண்டு.

பசங்க நம்ம படுத்தாம கொஞ்ச நேரம் இருக்கணும்ன்னு நினைச்சா இந்த மோட்ல போட்டுட்டு அவங்கிட்டே கொடுத்துடலாம். பசங்க பாட்டுக்கு கேம் ஆடலாம். ட்ரா ல வரையலாம். நாம நிம்மதியா இருக்கலாம். இல்லை நாமளே இசை கேட்கலாம்!
மதிய நேர குட்டித்தூக்கம் போடவும் இதை பயன்படுத்தலாம். முழுக்க ஸ்விட்ச் ஆஃப் செய்யத்தேவையில்லே. அதேபோல பேட்டரி சார்ஜ் முழுக்க போகாம இருக்கவும் இப்படி செய்யலாம். ஸ்விட்ச் ஆஃப் செய்யாத வரை சிம் கார்ட் டவரை கான்டாக்ட் செய்ய மின்சாரத்தை பயன்படுத்திகிட்டுத்தான் இருக்கும். ஏர்ப்ளேன் மோட்ல அது கான்டாக்ட் செய்யாது என்கிறதால சக்தி மிச்சமாகும். அதே போல டவர் சிக்னல் கிடைக்காத பகுதிகள் வழியா நாம் பயணம் செஞ்சுகிட்டு இருந்தாலும் மிகவும் பயனாகும். ஏன்னா டவர் திருப்பி கிடைக்கும் வரை போன் திருப்பித்திருப்பி முயற்சி பண்ணி நிறையவே சக்தியை செலவழிச்சுடும்!

ரைட் அடுத்து ஒலி. ஆடியோ ப்ரொபைல் இங்கே அமைக்கலாம். சாதாரணம், வெளியே, சைலன்ட் இப்படி பலதும் இருக்கு இல்லையா? அது. நமக்கு தேவையான அளவு ஒலி அளவையும் அமைக்கலாம். ரிங்க் டோன் போல பலதுக்கும். நிறைய மின்சார பசி இருக்கும் வைப்ரேஷனை செய்யணும்மா வேணாமான்னும் அமைக்கலாம்.
நாட்டிபிகேஷன், மெசேஜ், வாய்ஸ் கால், விடியோ கால் இப்படி எதுக்கு எந்த ரிங்க்டோன் வேணும்ன்னும் அமைச்சுக்கலாம். திரையை தொடறப்ப சின்ன வைப்ரேஷன் வேணுமா இல்லையான்னும் அமைக்கலாம். இப்படி இன்னும் சில...
அடுத்து பவர் சேவிங்.