Monday 5 December 2016

யூஎஸ்எஸ்டி (USSD) *99# வங்கி பண பரிமாற்றம்


யூஎஸ்எஸ்டி (USSD) *99# வங்கி பண பரிமாற்றம் : நிலுவை காணலும் இண்டர்நெட் இல்லாமல் பணம் பரிமாற்றம் செய்தலும்

சமீபத்திய ரூபாய் செல்லுபடி கட்டுப்பாடு மக்களுக்கு பல பிரச்சினைகளை தந்துள்ளது. நமக்குப்பிடிக்கிறதோ இல்லையோ அது அமுலுக்கு வந்தாயிற்று. வெறுமனே புலம்பிக்கொண்டு இல்லாமல் இதை சமாளித்து மேலே செல்வதெப்படி என்று பார்ப்பதே புத்திசாலித்தனமாகும்.
தகவல்கள் இங்கிருந்து பெறப்பட்டன. http://upipayments.co.in

நாம் தெரிந்து கொள்ள வேண்டியது யூஎஸ்எஸ்டி (USSD) அடிப்படையிலான அலைபேசி பறிமாற்றம். இண்டர்நெட் இணைப்பு இல்லாமலே சாதாரண அலைபேசியில் கூட இந்த முறையில் பண பரிவர்த்தனை செய்யலாம் என்பதால் இதை முதலில் பதிவிடுகிறேன்.
அனேகமாக எல்லா வங்கிகளும் இந்த முறையில் பண பரிமாற்றம் செய்ய அனுமதிக்கின்றன. எனவே உங்கள் வங்கி இதை அனுமதிக்கிறதா என்று முதலில் தெரிந்து கொள்ளுங்கள். ஆதரிக்கும் சில வங்கிகள்: ஸ்டேட் பேங்க், ஐசிஐசிஐ, ஹெச்டிஎஃப்சி. பிஎன்பி (PNB), ஆக்சிஸ், பிஓபி(BOB)

யூஎஸ்எஸ்டி (USSD) என்றால் என்ன?

நாம் நம் அலைபேசி கணக்கில் இன்னும் எவ்வளவு பணம் இருக்கிறது என்று தெரிந்து கொள்ள ஒரு முறையை பயன்படுத்துகிறோம் இல்லையா? அதே போலத்தான். அல்லது அலைபேசியை கடைக்காரரிடம் கொடுத்தால் அதில் சார்ஜ் செய்ய சில எண்களை அழுத்துவார். அதுவும் இதே முறைதான். நாமோ இவரோ அழுத்தும் இந்த சில எண்கள்தான் யூஎஸ்எஸ்டி (USSD) குறியீடு. இவை பிஎஸ் என்எல் ஏர்டெல் போன்ற உங்கள் டெலிகாம் கம்பனியின் சர்வருடன் தொடர்பு கொள்கின்றன. இந்த டயல் செய்யும் எண்கள் எப்போது ‘*’ (asterisk) உடன் ஆரம்பித்து # (hash) உடன் முடிகின்றன.
யூஎஸ்எஸ்டி (USSD) குறியீடு டெலிகாம் கம்பனியின் சர்வருடன் தொடர்பு கொள்வது போலவே வங்கியின் சர்வருடனும் கூட தொடர்பு கொள்ள முடியும். இதனால் உங்கள் வங்கி கணக்கின் தகவல்களை பெற முடியும். சில பரிமாற்றங்களையும் செய்ய முடியும். இப்படி கணக்கில் நுழைய உங்கள் அலைபேசி எண் வங்கியின் விவரங்களில் பதிவாகி இருக்க வேண்டும். இரட்டை சிம் வைத்திருக்கிறவர்கள் இங்கே கவனிக்க வேண்டும். எந்த எண் பதிவாகி இருக்கிறதோ அந்த எண்ணில் இருந்துதான் நீங்கள் யூஎஸ்எஸ்டி (USSD) குறியீட்டை டயல் செய்ய வேண்டும். அந்த எண் நீங்கள் டயல் செய்து பேசும் நிலையில் இருக்க வேண்டும். இந்த சேவைக்கு ஒரு சிறு தொகை வசூலிக்கப்படும்.

டெலிகாம் ஆபரேட்டர் சர்வரில் இருந்து எப்படி வங்கி சர்வருக்கு தகவல் போகிறது என்ற தலைவலி எல்லாம் நமக்கு வேண்டாம். இந்த யூஎஸ்எஸ்டி (USSD) சேவையை என்பிசிஐ (NPCI) என்ற தேசிய நிறுவனம் பார்த்துக்கொள்ளுகிறது. இந்த சேவையை பெற நாம் டயல் செய்ய வேண்டிய எண் *99# . எந்த வங்கியானாலும் இதே எண்தான். மாற்றமில்லை. இந்த சேவைக்கு நுப் (NUUP) என்று பெயர்.

NUUP வழி சேவைகள் :

NUUP யூஎஸ்எஸ்டி (USSD) வழியாக நம் வங்கி கணக்கில் இருக்கும் தொகையை பார்க்கலாம். சிறிய அளவில் சமீபத்திய பரிமாற்றங்களை பார்க்கலாம். எம் எம்ஐடி ஐ காட்டச்சொல்லலாம். ஓடிபி தயார் செய்து அனுப்பச்சொல்லலாம். எம்பின் மாற்றலாம். இதெல்லாம் என்ன என்று பார்க்க இருக்கிறோம்.

NUUP பிற மொழிகளில்:

ஆங்கிலம், ஹிந்தி தவிர்த்து மேலும் பத்து இந்திய மொழிகளில் நாம் இதை பயன்படுத்த முடியும். அவற்றுக் ஏற்ப குறியீடும் மாறும். பட்டியலை காண்க.
  1. ஆங்கிலம் *99#
  2. ஹிந்தி *99*22#
  3. தமிழ் *99*23#
  4. தெலுங்கு *99*24#
  5. மலையாளம் *99*25#
  6. கன்னடம் *99*26#
  7. குஜராத்தி *99*27#
  8. மராத்தி *99*28#
  9. பங்காலி *99*29#
  10. பஞ்சாபி *99*30#
  11. அஸ்ஸாமி *99*31#
  12. ஒரியா *99*32#
இன்னும் முழுக்க வளராத்தால் இப்போதைக்கு மூன்று விஷயங்களை மட்டுமே இந்த மொழிகளில் செய்ய முடியும்.
  • நிலுவை பார்த்தல்
  • சிற்றறிக்கை
  • ஐஎஃப் எஸ்சி(IFSC) வங்கி கணக்கு எண் கொண்டு பண பரிமாற்றம்.
சரி இப்போது எப்படி பண பரி மாற்றம் செய்வது என்று படிகளை பார்க்கலாம்.
முதலில் உங்கள் அலைபேசி எண் வங்கி கணக்குடன் இணைக்கப்பட்டு இருக்க வேண்டும். இன்னும் செய்யவில்லை எனில் வங்கிக்கு சென்று இதை செய்ய வேண்டும், முன்னேயே செய்து இருந்தால் அடுத்த படிக்கு போகலாம்.
1. வங்கி கணக்குடன் இணைத்திருக்கும் நம்பரில் இருந்து *99# டயல் செய்யுங்கள். 3-5 வினாடிகள் காத்திருக்கவும்.
2: இப்போது கொஞ்சமே கொஞ்சம் விவரம் உள்ளிட வேண்டும்.
எல்லா வங்கிகளுக்கும் ஒரு சுருக்கிய மூன்றெழுத்து குறியீடு உண்டு. இதை உள்ளிடலாம்.
அல்லது
ஐஎஃப் எஸ்சி(IFSC) கோடின் முதல் நான்கு எழுத்துக்கள்.
அல்லது
வங்கியின் முதல் இரண்டு வங்கி குறியீட்டு எண்.
இதில் ஏதேனும் ஒன்று மட்டும் போதும்.
பச்சை பட்டனை அழுத்தவும்,
3: இப்போதுசேவைகளோட தேர்வு கிடைக்கும். இது வங்கிக்கு வங்கி மாறுபடலாம். உங்கள் வங்கிக்கான சேவையில் தேர்வுகளை கொஞ்சம் பார்த்து உள் வாங்கிக்கொள்ளுங்கள்.
  1. நிலுவை
  2. சிற்றறிக்கை (Mini statement)
  3. எம்எம்ஐடி (MMID) வழியாக பண பரிமாற்றம்.
  4. ஐஎஃப் எஸ்சி(IFSC) வழியாக பண பரிமாற்றம்.
  5. ஆதார் எண்ணை பயன்படுத்தி பண பரிமாற்றம்.
  6. எம்எம்ஐடி பார்த்தல்
  7. எம்பின் (M-PIN ) மாற்றுதல்
  8. ஓடிபி (OTP ) பெறுதல்
எண் 1 ஐ அழுத்தி அனுப்பினால் நிலுவையை தெரிந்து கொள்ளலாம்.
எண் 2 ஐ அழுத்தி அனுப்பினால் சிற்றறிக்கை (Mini statement) ஐ பார்க்கலாம்.
எண் 3 ஐ அழுத்தி அனுப்பினால் எம்எம்ஐடி (MMID) வழியாக பண பரிமாற்றம்இந்த எம்எம்ஐடி - MMID (Mobile Money Identifier) என்பது என்ன?நீங்க வங்கியில் அலைபேசிமூலம் பண பரிமாற்றம் செய்ய பதிவு செய்யும் போது அவர்கள் ஒரு எண்ணைத்தருவார்கள். இதுவே அது.இந்த பரிமாற்றங்களை செய்ய 3 ஐ அழுத்தி அனுப்பவும். அடுத்து கிடைக்கும் திரையில் யாருக்கு பணம் அனுப்ப வேண்டுமோ அவரது அலைபேசி எண், எம்எம்ஐடி, எவ்வளவு பணம் என்ற தகவல், மேலும் எதற்காக பணம் கொடுத்தோம் என்று நினைவு வைத்துக்கொள்ள நம் வசதிக்காக குறிப்புகள்.இதை அனுப்பியதும் அடுத்த திரை வருகிறது. நமது எம்பின் மற்றும் தேவையானால் நம் கணக்கின் கடைசி 4 எண்கள் இவற்றை உள்ளிட வேண்டும்.
பரிவர்த்தனை முடிந்ததாக உறுதி செய்து செய்தி வரும்.


இதே போல 4 ஐ அழுத்தி அனுப்ப ஐஎஃப் எஸ்சி(IFSC) வழியாக பண பரிமாற்றம் செய்யலாம்.

இது எதுக்கு? மேலே பார்த்த வழியில் பணம் பெறுபவர் தம் வங்கி கணக்கில் அலைபேசி பரிவர்த்தனைக்கு பதிவு செய்து எம்எம்ஐடி வைத்திருக்க வேண்டி இருக்கிறது. அவரிடம் அது இல்லை, ஆனால் வங்கிக்கணக்கு இருக்கிறது.
4 ஐ அழுத்தி அனுப்பவும். அடுத்து கிடைக்கும் திரையில் யாருக்கு பணம் அனுப்ப வேண்டுமோ அவரது வங்கி கணக்கு எண், ஐஎஃப் எஸ்சி(IFSC), எவ்வளவு பணம் என்ற தகவல், மேலும் எதற்காக பணம் கொடுத்தோம் என்று நினைவு வைத்துக்கொள்ள நம் வசதிக்காக குறிப்புகள்.
இதை அனுப்பியதும் அடுத்த திரை வருகிறது. நமது எம்பின் மற்றும் தேவையானால் நம் கணக்கின் கடைசி 4 எண்கள் இவற்றை உள்ளிட வேண்டும்.
பரிவர்த்தனை முடிந்ததாக உறுதி செய்து செய்தி வரும்.

இதே போல 5 ஐ அழுத்தி அனுப்ப ஆதார் எண்ணை பயன்படுத்தி பண பரிமாற்றம் செய்யலாம். இதற்கு பணம் பெறுபவர் அவரது வங்கிக்கணக்குடன் அவரது ஆதார் எண்ணை இணைத்து இருக்க வேண்டும்.

5 ஐ அழுத்தி அனுப்பவும். அடுத்து கிடைக்கும் திரையில் யாருக்கு பணம் அனுப்ப வேண்டுமோ அவரது ஆதார் எண், எவ்வளவு பணம் என்ற தகவல், மேலும் எதற்காக பணம் கொடுத்தோம் என்று நினைவு வைத்துக்கொள்ள நம் வசதிக்காக குறிப்புகள்.
இதை அனுப்பியதும் அடுத்த திரை வருகிறது. நமது எம்பின் மற்றும் தேவையானால் நம் கணக்கின் கடைசி 4 எண்கள் இவற்றை உள்ளிட வேண்டும்.
பரிவர்த்தனை முடிந்ததாக உறுதி செய்து செய்தி வரும்.

சில வங்கிகள் பாதுகாப்புக்காக கூடுதல் தகவல்களை கேட்கலாம்.

எம்எம்ஐடி பார்த்தல்: யாரேனும் நமக்கு பணம் அனுப்ப நமது எம்எம்ஐடி ஐ கேட்கிறார்கள். நினைவில் இல்லை என்றால் 6 ஐ அழுத்தி அனுப்ப அதை பார்க்கலாம்.

எம்பின் (M-PIN ) மாற்றுதல்: ஈமெய்ல்லில் பாஸ்வேர்ட் மாதிரி பாதுகாப்புக்காக இங்கே செயல் படுவது நமது எம்பின் (M-PIN ) இல்லையா? இது மற்றவர்களுக்கு தெரிந்துவிட்டால் என்ன செய்வது? மாற்றிவிடலாம்.
பாதுகாப்பு கருதி நாம் நமது எம்பின் (M-PIN ) ஐ மாற்ற நினத்தால் 7 ஐ அழுத்தி அனுப்ப தோன்றும் திரையில் நமது பழைய பின், அடுத்து புதிய பின், மீண்டும் புதிய பின் ஆகியவற்றை உள்ளிட்டு அனுப்ப வேண்டும். உறுதி செய்து செய்தி வரும்.

மக்கு வங்கி கணக்குக்கு ஓடிபி (OTP ) தேவையானால் 8 ஐ அழுத்தி அனுப்பி பெறலாம்.
சரி, இப்போது பணம் அனுப்ப என்ன செலவு?
ட்ராய் சொல்வது ஒவ்வொரு பரிமாற்றத்துக்கும் ஒன்னரை ரூபாய், அலைபேசி கணக்கில் எடுத்துக்கொள்ளப்படும். இது நிறுவனத்துக்கு நிறுவனம் மாறுபடலாம். கேட்டுத்தெரிந்து கொள்ளுங்கள். அதிகப்படியாக 5000 ரூபாய் வரை இந்த முறையில் பரிவர்த்தனை செய்யலாம்.

குறிப்புகள்:
தேவையானது:  நமக்கு ஒரு வங்கி கணக்கு. உங்கள் அலைபேசி இந்த பரிவர்த்தனைக்குப் பதிவாகி இருக்க வேண்டும்; நம்முடைய எம்பின் நினைவிருக்க வேண்டும்பணம் பெறுபவருக்கு ஒரு வங்கி கணக்கு இருக்க வேண்டும். பணம் பெறுபவரது எம்எம்ஐடி, ஐஎஃப் எஸ்சி(IFSC) , ஆதார் எண் இவற்றில் ஒன்று தெரிய வேண்டும்.
பணம் பெறுபவரும் அலைபேசி பரிவர்த்தனைக்கு வங்கியில் பதிவு செய்திருந்தால் எம்எம்ஐடி நல்லது. இல்லையானால் ஐஎஃப்எஸ்சி, ஆதார் வழி. எப்படியும் அவருக்கும் ஒரு வங்கி கணக்கு அவசியம்.

ஸ்மார்ட் ஃபோன் வைத்திருந்தால் யூபிஐ இன்னும் எளிது. அது அடுத்த பதிவில்.

Thursday 10 November 2016

கணினியிலிருந்து அலைபேசி/ டேப்க்கு கோப்புகளை மாற்ற.

ஹலோ, எப்படி இருக்கீங்க? என்னது? நா யாரா? என்னங்க அநியாயம்? கொஞ்ச நாளா…. சரி சரி, மாசமா போஸ்ட் ஒண்ணும் போடலைதான். அதுக்குன்னு இப்படி என்னை மறந்துட்டா எப்படி?
எப்படி இருக்கீங்க? உங்க அலைபேசியை அப்க்ரேட் பண்ணியாச்சா? ரைட்டு!
கொஞ்ச நாள் முன்னாடி பாருங்க, என் அப்பாவுக்கு மெய்ல் பாக்க தோதா ஒரு டேப் வாங்கினேன். டேப் ந்னா என்னன்னு கேக்க மாட்டீங்க இல்லே? ம் நினைச்சேன். நீங்கதான் என் ப்ளாக் வாசிக்கறவர் ஆச்சே? அப்டேட்டடா இருப்பீங்க.
ரைட். இப்ப அப்பா மெய்ல் பாக்கிற நேரம் போக மத்தபடி அது என் கையிலதான் இருக்கு. எனக்கே ம்க்கும், ஆமா எனக்கே அலைபேசில மெய்ல் பாக்கிறது கஷ்டமாத்தான் இருக்கு. எப்ப பாத்தாலும் கணினியிலேயே பாத்துண்டு இருக்க முடியுமா?
இப்ப சின்ன பிரச்சினை ஒண்ணு வந்தது. இப்ப மறதி அதிகமாயிடுத்தா? முன்ன்ன்ன்ன்னே படிச்ச புத்தகமெல்லாம் இப்ப படிக்க முடியறது. எல்லாம் புதுசா இருக்கு! என் அபிமான எழுத்தாளர்களை மட்டும் நினைவு இருக்கு. இணையத்துல தேடிப்பாத்து இவங்களோட ஈபப் புத்தகங்களை கணினில டவுன்லோடிட்டேன். இப்ப டேப் வந்த பிறகு அதுல படிக்கலாம்ன்னு தோணித்து. சரி, இதை எல்லாம் எப்படி டேபுக்கு மாத்தறது? யூஎஸ்பில கனக்ட் பண்ணா விண்டோஸ் கடுப்படிக்கறது. சரியா வேலை செய்யலை.
ஏன்யா, டேபும் வைஃபைல மோடத்தோட கனக்ட் ஆகறது; கணினியும் மோடத்தோட இணைஞ்சு இருக்கு. ஏன் இது வழியா மாத்த முடியாதா?
இதுக்காக தேட ஆரம்பிச்சேன்.
சில ஆப் ஒரு வை மட்டும் வேலை செய்யறது. சிலது படம், இசை மட்டும் மாத்தறேங்கிறது.
கடைசில ப்ளஸ் நண்பர்களை கேட்டு ஒரு நல்ல ஆப் பிடிச்சேன். ஆனா இது எப்படி வேலை செய்யறதுன்னு பிடிபட கொஞ்ச நாள் ஆச்சு. என்ன செய்யறது? வயசாச்சு. முன்ன மாதிரி ஷார்ப்பா இல்லே.
ரைட் இப்ப டுடோரியலுக்கு வருவோம்.
கணினியில நிறுவ வேண்டியது: https://update.pushbullet.com/pushbullet_installer.exe
க்ரோமுக்கும் ஃபயர்ஃபாக்ஸுக்கு என்க்ஸ்டென்ஷன்ஸ் இருக்கு.

டேப் அல்லது ஆண்ட்ராய்ட் அலைபேசில நிறுவ வேண்டிய ஆப்
ஆண்ட்ராய்ட் வெர்ஷன் 5 க்கு மேலே இருக்கணும். அப்பதான் இன்ஸ்டால் ஆகும்.
ஆச்சா?
பைல் மாத்த ஒரு வழியை பார்க்கலாம்.
இப்ப ஆண்ட்ராய்ட் கருவியில போர்டல் ந்னு இருக்கிற ஆப் ஐ இயக்குங்க. உங்க கூகுள் அக்கவுண்ட் ஐ கொடுத்து செட் பண்ணுங்க. இல்லை ஃபேஸ்புக் அக்கவுண்ட் கூட கொடுக்கலாம்
வைஃபை மூலமா மோடத்தோட கனெக்ட் பண்ணுங்க. அப்படி செய்யலைன்னா செய்யட்டுமான்னு கேக்கும். சரின்னு சொல்லுங்க.  ஸ்கேன் ந்னு சொல்லும். படத்தை பாருங்க.





கணினில  portal.pushbullet.com க்கு போங்க. வாட்ஸ்ஸப் வெப் மாதிரியே ஒரு க்யூஆர் கோட் தெரியும். இப்ப உங்க ஆண்ட்ராய்ட் கருவில அதை போட்டோ பிடிங்க. ஹிஹிஹி பிடிக்க வேணாம். ஸ்கேன் ஐ தொட்டுட்டு சும்மா காமிரால காட்டினா போதும்.






ரைட். இப்ப அது இங்கே பைல்ஸ் ஹிஹிஹி மூலம் இல்லே, files… எல்லாம் இங்கே இழுத்து விடுங்கன்னு சொல்லு. விண்டோஸ் எக்ஸ்ப்லோரரை திறந்து மாத்த வேண்டியதை கண்டு பிடிச்சு, இந்த உலாவி விண்டோல இழுத்து விடுங்க. அவ்ளோதான். கட கடன்னு எல்லாம் மாறிடும்!
இன்னும் இருக்கு. அப்புறம் பாக்கலாமோ என்னவோ!  

Wednesday 10 June 2015

இரட்டை சொடுக்கும் மௌஸ்! - double clicking mouse

ஹலோ! நல்லா இருக்கீங்களா? பாத்து ரொம்ப நாளாச்சு! என்ன செய்யறது? வயசாச்சு; முன்ன மாதிரி நிறைய எழுத முடியறதில்லே! இருந்தாலும் நமக்காக கொஞ்சம் கஷ்டப்பட்டாவது பதிவு போட வேண்டாமா? அதான்.
சமீபத்தில ரெண்டு மூணு பிரச்சினைகள். தீர்வு கண்டதை உங்களோட பகிர்ந்து கொள்ள ஆசை!
முதலாவது ஹார்ட்வேர் சமாசாரம். சுமார் அஞ்சு வருஷம் முன்னே வாங்கின சொடுக்கி... அதாங்க மௌஸ்... கொஞ்சம் பிரச்சினை கொடுக்க ஆரம்பிச்சது. அதாவது ஒத்தை சொடுக்கு சொடுக்கினா ரெட்டை சொடுக்காகிடும். உள்ளே இருக்கிற ஸ்ப்ரிங்க் கொஞ்சம் வயசானதால உருமாறிப்போய் சொடுக்கு ஆஸ்த்ரேலியா கிரிகெட் பிட்ச் மாதிரி பௌன்ஸ் ஆகும். என்னதான் சொடுக்கி சல்லீசா கிடைக்குதுன்னாலும் ஓல்ட் ஈஸ் கோல்ட் ந்னு அப்படியே வெச்சுக்க தோணுமா தோணாதா? எப்படியாவது இதை சரி செய்ய முடியுமான்னு பார்த்தேன்.
இதென்னடா சோதனைன்னு நொந்துகிட்டே வலையில மேஞ்சா..
தீர்வு ஒண்ணு: மௌஸை கழட்டி ஸ்பிரிங்கை கொஞ்சம் நிமித்தணும். ஹும்! கழட்டி போட்டாப்போச்சு! எப்படி கழட்டறதுன்னு மேய்ஞ்சா என் மாடல் சொடுக்கியப்பத்தி ஒத்தர் எழுதி இருந்தாரு. இதை சீல் பண்ணி வெச்சிருக்காங்க, கழட்ட முடியாது. கழட்டப்பாத்தா உடைஞ்சுடும் போல!
சரி வேற தீர்வு?
ஹும்! கண்டு பிடிக்க முடியாட்டா எதுக்கு தொண்டுக்கிழமா இருக்கிறது?
ஆட்டோ ஹாட்கீ நு ஒரு வஸ்து! இங்கே போய் இதை http://ahkscript.org/download/ahk-install.exe தரவிறக்கி நிறுவுங்க!
நிறுவலப்ப UNICODE or ANSI ந்னு கேட்டுதுன்னா UNICODE ந்னு தேர்ந்தெடுங்க!
ரைட்!
அடுத்து ஸ்க்ரிப்ட் எழுத வேண்டியதுதான்! பயப்படாதீங்க. ரொம்ப சிம்பிள்!

டெஸ்க்டாப்ல வலது சொடுக்கு சொடுக்குங்க! சொடுக்கியோட இடது பட்டந்தானே பௌன்ஸ் ஆகுது? அதைத்தான் அதிகமா யூஸ் பண்ணறோம். அதனால அதான் சீக்கிரம் கெட்டுப்போகும்.  அதனால வலது சொடுக்குல பிரச்சினை இல்லை.






மெனுல ந்யூ கண்டுபிடிங்க. அது மேல சொடுக்கியை கொண்டு போனா மெனு விரிஞ்சு ஆட்டோ ஹாட்கீ ஸ்க்ரிப்ட்ன்னு காட்டும் அதுல சொடுக்குங்க. டெஸ்க்டாப்ல புதுசா ந்யூ ஹாட் கீ ஸ்ரிப்ட்ன்னு காட்டும். இதுக்கு இப்ப பேர் வெக்கலாம். உங்களுக்கு இஷ்டமான பேர்தான். தொ.கி ஸ்க்ரிப்ட்ன்னும் கொடுக்கலாம். என்ன, கடைசில அது ahk extension நோட முடியனும். உதாரணமா tho_ki.ahk


ரைட் பாதி வேலை ஆச்சு! இப்ப இதுல எதையாவது எழுதணுமே? கவலை வேணாம். இதை காப்பி பேஸ்ட் பண்ணலாம்.  இந்த ஐகான் மேல திருப்பியும் வலது சொடுக்கி எடிட் ஸ்க்ரிப்ட் தேர்ந்தெடுங்க.


 நோட்பேட்ல இது திறந்தா வெற்றி... வெற்றி!
இப்ப காப்பி பேஸ்ட்!
#NoEnv  ; Recommended for performance and compatibility with future AutoHotkey releases.
; #Warn  ; Enable warnings to assist with detecting common errors.
SendMode Input  ; Recommended for new scripts due to its superior speed and reliability.
SetWorkingDir %A_ScriptDir%  ; Ensures a consistent starting directory.
~LButton::return  ; Set A_PriorHotkey.
#If A_PriorHotkey != "" && A_TimeSincePriorHotkey < 150
LButton::return  ; Block hotkey.

இந்த 150 என்கிறத உங்க சௌகரியத்துக்கு மாத்திக்கலாம்.  இது கணினிக்கு என்ன சொல்லுதுன்னா சொடுக்கியோட இடது பட்டன்லேந்து 150 மில்லி செகண்டுக்குள்ள இன்னொரு சிக்னல் வந்தா கண்டுக்காதே! இப்ப உங்க சொடுக்கியைப்பொறுத்து இந்த 150 மாறும். மாத்தி மாத்தி திருத்தி சௌகரியமானதை வெச்சுக்கலாம்.
பைலை சேமிச்சு மூடுங்க! வலது சொடுக்கி ரன் ஸ்க்ரிப்ட் ஐ தேர்ந்து இயக்கலாம். முடிஞ்சது வேலை.
இன்னொரு சின்ன இம்ப்ரூவ்மெண்ட் செய்யலாம். ஒவ்வொரு முறை
யும் கணினி துவங்கும் போது இதை வலது சொடுக்கி ரன் ஸ்க்ரிப்ட் ஐ தேர்ந்து இயக்கறதுக்கு பதிலா கணினி துவங்கும் போதே இதுவும் துவங்க வழி செய்யலாம். அது எப்படிசுலபம்தான்! ஸ்டார்ட் பட்டனை அழுத்தி ஆல் ப்ரோக்ராம்ஸ்ஸ்டார்ட் அப் எக்ஸ்பேண்ட்
இப்ப திறக்கிற பைல் எக்ஸ்ப்லோரர் விண்டோல இந்த ஸ்க்ரிப்டை காப்பி பேஸ்ட் பண்ணுங்க. முடிஞ்சது வேலை!




அப்புறமா சந்திக்கலாமா? 

Thursday 21 August 2014

ஆன்லைன் பர்சேஸ் .....

 
ஹலோ! ரொம்ப நாளாச்சு இங்க பதிவு போட்டு! அதனாலென்ன? ஏதாவது சின்ன பசங்களுக்கு நாம் சொல்லிக்கொடுக்க இருந்தா பதிவு போடறோம்; இல்லைன்னா இல்லை! சரிதானே?
சமீபத்துல ஆன்லை ல ஒரு விஷயம் வாங்க வேண்டி இருந்தது. அதான் நாம் பேத்தி பேரன்களுக்கு அவங்க பர்த் டே, பேத்தி டே பேரன் டே ந்னு எதாவது வாங்கித்தரோமே?
அதனால் ஆன்லைன் பர்சேஸ் எல்லாம் புதுசு இல்லை நமக்கு! ஹுக்கும்!
ஆனா இது புதுசு. வாங்க நினைச்ச பொருள் யூனிக். அதை நம்மை விட தொண்டான குழ தாத்தா ஒத்தர் கேட்டார். (என்னதான் நாம் தொண்டு கிழம் ந்னாலும் நமக்கும் ஒரு தொண்டு கிழம் இருப்பாங்க இல்லையா?) அதை இத்தாலில செய்யறாங்க. இத்தலி, ஸ்பெய்ன், யூகேல ஒரே ஒரு இடம் ந்னு குறிப்பா சில இடங்களில மட்டுமே கிடைக்குது. அமேசான் யூகே ல கிடசது. அதை வாங்கப்போய் கிடைத்த அனுபவத்தைத்தான் பகிர்ந்துக்கிறேன்.
--
அமேசான் இந்தியால இல்லாத அமேசான் யூகே ல இருக்கிற ஒரு பொருளை வாங்கணும். வழக்கம் போல அமேசான். இன் ல லாக் இன் பண்ணுங்க. அப்புறம் தலைப்புப்பக்கத்துல கீஈஈஈஈழே பாத்தா இந்த ஸ்க்ரீன்ஷாட்ல இருக்கா மாதிரி லிங்க் கிடைக்கும்.
 
 
மூக்குக்கண்ணாடிய அட்ஜெஸ்ட் பண்ணிக்கொண்டு, இதுல கடேசி லைன்ல பாத்து, யுனைடெட் கிங்டம் செல்க்ட் பண்ணா அமேசான் யூகே சைட்டுக்கு போலாம்.
ஹும் இது பழசு! இல்லை, நீங்க https://www.amazon.com அல்லது uk ஐ தட்டி அங்கே போய் உங்க amazon.co.in  ல கொடுத்து இருக்கிற மெய்ல் ஐடி பாஸ்வேர்ட் ஐ போட்டே லாக் இன் செய்யலாம்.
அதாகப்பட்டது முன்னேயே ரெஜிஸ்டர் பண்ணி இருந்தா, உங்க மெய்ல் ஐடி போதும். எந்த அமேசான் சைடுக்கு போய் லாக் இன் பண்ணாலும் நீங்க யார் எந்த ஊர் ந்னு தெரிஞ்சுகிட்டு அதுக்கு ஏத்தாப்போல மீதி வேலை நடக்கும்.

வழக்கம் போல ஐடம் ஐ செலக்ட் பண்ணி செக் அவுட் பண்ணுங்க. எனக்கு நெட் பாங்கிங் வழி கிடைக்கலை. க்ரெடிட் கார்ட் அக்சப்ட் பண்ணுது. செக் அவுட் பண்ணறப்ப இந்திய ரூபா அல்லது யூரோ எதுல வேணுமானாலும் பணம் கொடுக்கலாம். அதுக்குத்தகுந்த பேங்க் அக்கவுண்ட் இருக்கணும். பேக்கிங், அனுப்ப,  இங்க இறக்க, கஸ்டம் ட்யூட்டி, அனுப்ப எல்லாம் சேத்து சார்ஜ் செய்யறாங்க. சுமை கூலி முக்காப்பணம்! வாங்கின பொருளோட விலை இதெல்லாம் சேத்து டபுள் ஆயிடுத்து!
எல்லாத்தையும் இப்படி வாங்க முடியாது. எதை எல்லாம் இப்படி வாங்கலாம்ன்னு ஒரு லிஸ்ட் இருக்கு. செக் அவுட் செய்யறப்ப முடியுமா முடியாதான்னு இந்தவிவரம் எல்லாம் வந்துடும்.

இதை கூகுள் ப்ளஸ்ல போட்டப்ப ஒரு நண்பர் இன்னொரு விவரம் கொடுத்தார். இந்த பக்கத்தை பாருங்க: http://www.shopandship.com/en/about/how-sns-works
இவங்களுக்கு 45 அமேரிக்க டாலர் கட்டினா அப்புறம் ஒரு குறிப்பிட்ட காலத்துக்கு (இது என்னன்னு விவரம் சைட்ல இல்லை!:( ) பொருளை வாங்க பயன்படுத்தலாம்.  New York, London, Shanghai, Istanbul, Dubai, Mumbai, Hong Kong, Johannesburg, Frankfurt, Milan நகரங்களில  நமக்கு ஒரு அட்ரஸ் கிடைக்கும். வாங்கற ஸ்டோரைப் பொறுத்து இதை பயன்படுத்திக்கலாம். பெரும்பாலும் உள்ளூருக்கு ப்ரீ சர்விஸ் இருக்கும். இங்கே வந்ததும் இவங்க பேகேஜை நமக்கு அனுப்பி வைப்பாங்க. அதுக்கு சார்ஜ் பண்ணுவாங்க. சுமை கூலி முக்காப்பணத்துலேந்து அரை பணமா ஆகும்ன்னு நண்பர் சொல்லுறார். 45 அமேரிக்க டாலர் கொஞ்சம் பெரிய தொகை என்கிறதால் அடிக்கடி வாங்க வேண்டி இருந்தா இது பயனாகலாம்! மேலே கொடுத்து இருக்கிற லிங்க்ல எதெல்லாம் வாங்க முடியும் ந்னு ஒரு லிஸ்ட் க்கு சுட்டி இருக்கு!
ஹாப்பி ஷாப்பிங்!

Saturday 4 January 2014

வாட் அன் அடாசிடி! -2

போன பதிவில அடிப்படையா ரெகார்ட் செய்யறது கட் பேஸ்ட் டெலீட் எல்லாம் பாத்தோம்.
 இப்ப இன்னும் சிலதை பார்க்கலாம்.
ஒரு இடத்துல தப்பா சொன்னதை திருத்தறது எப்படின்னு பார்த்தோம். ஆனா ஏதேனும் விட்டுப்போச்சு அதை சேர்க்கணும் ன்னா என்ன செய்யலாம்? புதுசா சேர்க்க வேண்டியதை ரெகார்ட் செய்யலாம். அது இரண்டாவது தடத்துல ரெகார்ட் ஆகும் இல்லையா? இப்ப மேலே இருக்கிற தடத்துல அதுக்கு இடம் உண்டு பண்ணனும். இதுக்கு அதை வெட்டி தேவையான அளவு நகர்த்தணும். எப்படி வெட்டறது? படத்தை பாருங்க.வெட்ட வேண்டிய இடத்திலசொடுக்கி படத்தில உள்ளபடி மெனுவில ஸ்ப்ளிட் தேர்ந்தெடுத்து சொடுக்கினா ஆச்சு!


சரி இதை நகர்த்தணும்மே? அதுக்கு  முதல்ல சரியான கருவியை தேர்ந்தெடுக்கணும். சாதாரணமா இருக்கிற கர்சரால பிடிச்சு இழுத்தா அது நகராது, செலக்ட்தான் ஆகும். மேலே டைம் ஷிப்ட் டூல் ன்னு இருக்கே அதை சொடுக்குங்க. பிறகு இரண்டாவது துண்டில பிடிச்சு இழுத்தா அது நகரும். தேவையான அளவு நகர்த்திட்டு பழைய படி கர்சரை சொடுக்கிடா வேலை முடிஞ்சது!







ரெட்டை தலை அம்பு மாதிரி இருக்கறதுதான் டைம் ஷிப்ட் டூல்.




அடுத்து சேமித்தல். சாதாரணமா சேமிக்கறப்ப அது ப்ராஜக்ட்டா தான் சேமிக்கப்படும். இதை எப்படி பயன்படுத்தறது? நம்ம திருத்தங்கள் எல்லாம் முடிஞ்ச பிறகு பைல் மெனுல எக்ஸ்போர்ட் ஐ தேர்ந்தெடுக்கணும். 
 




 நான் முன்னே சொன்னபடி பிளக் இன் எல்லாம் நிறுவி இருந்தா, இப்ப படத்தில தெரிகிற தேர்வுகள் இருக்கும்.



தேவையான பைல் வகையை தேர்ந்தெடுத்தா அடுத்து இன்னும் சில விவரங்களை சேர்க்க வாய்ப்பு கொடுக்கும். 


அதுல ரெகார்டிங் செஞ்ச ஆர்டிஸ்ட்.. க்கும்....... நம்மபேரு இது ஒரு சீரியல் ரெகார்டிங்க்ன்னா எத்தனையாவது, அதாவது எண் ன்னு விவரங்களை சேர்க்கலாம். அடுத்து சேவ் ஐ சொடுக்க அது சேமிக்கப்படும். ம்ம்ம் முடிஞ்சா இன்னும் கொஞ்சம் அடுத்த பதிவில் பார்க்கலாம்.

Saturday 21 December 2013

வாட் அன் அடாசிடி!

 ஹலோ எல்லாரும் நல்லா இருக்கீங்களா? குளிர் தாங்க முடியுதா? குடிக்க வெந்நீரா கிடைக்குதா? ரைட்!
இன்னைக்கு ரெக்கார்டிங் பத்தி பார்க்கலாம்.
அட! அதான் ஒரு ரெகார்டிங் ஸாப்ட்வேர் விண்டோஸ்லேயே இருக்கேன்னு சொல்லறீங்களா? அதான் தெரியுமே! அதோட பயன்பாட்டுல கொஞ்சம் லிமிடேஷன் இருக்கு. தீபாவளி நல்லா ஆச்சா ந்னு கேட்டு ஒரு வாய்ஸ் பைல் தயார் பண்ணி அனுப்பிடலாம். இந்த சீசன்ல இன்ன சபால இந்த பாட்டு அருமையா பாடினாங்கன்னு சொல்லி நாம பாடி ரெகார்ட் பண்ணி அனுப்பிடலாம்.
ஆனா இதை எல்லாம் அப்புறம் எடிட் பண்ண முடியாது! சொன்னது சொன்னதுதான். திருவாதிரை களி எப்படிம்மா பண்ணறதுன்னு ரெசிப்பி கேக்கும் நாட்டுப் பெண், “எழுதி அனுப்பிடுங்கோம்மா, இங்க நோட்ஸ் எடுத்துக்க ஒண்ணுமில்லை!” ந்னு சோம்பேறித்தனப்பட்டா, மருமகளை பழிவாங்க ரெசிபி டிக்டேட் பண்ணி சவுண்ட் பைலா அனுப்ப ரெடி பண்ணிபிட்டு “அடாடா! அடுப்ப மூட்டிக்கோ ந்னு முதல்ல சொல்ல மறந்து போய்டேனே!” ந்னு தோணித்துன்னா ஒண்ணும் பண்ண முடியாது. திருப்பித்தான் ரெகார்ட் பண்ணனும்.
ஸோ நமக்குத்தேவை ஒரு ஆடியோ ரெகார்டர், எடிட்டர்.
என்டர் அடாசிடி!
வழக்கம் போல விலையில்லா... ஹிஹிஹி...  இலவச டவ்ன்லோட்தான். ப்ரீவேர்!

ஒரு லிங்க் கொடுத்தா அப்படியே பிடிச்சுண்டு இன்ஸ்டாலே முடிச்சுடுவீங்களே! (நீங்க யாரு! இந்த பதிவுகளை படிக்கிறவராக்கும்!) அதனால அதப்பத்தி ஒண்ணும் சொல்லலை. கூடவே இதையும் பார்த்து ப்ளக் இன்னும் சொருகிண்டா ரொம்ப நல்லது! குறிப்பா லேம்!

ரைட். இன்ஸ்டால் பண்ணியாச்சு. நமக்குத்தேவை மைக் அல்லது ஹெட்போன். அதான் ஸ்கைப் க்காக வாங்கி வெச்சு இருக்கோமே! அதே போதும். எதை ரெகார்ட் பண்ணனுமோ அதை தயாரா வெச்சுக்கலாம். பேப்பர் அல்லது வலைப்பக்கம்... இல்லை மனசுலேந்து நேரடியா பேசறதுனாலும் சரிதான்!
அடாசிடியை திறந்தா இப்படி இருக்கும்.


இப்ப மேலே இடது பக்கம் பட்டன்களை மட்டுமே பாருங்க! பாக்கவே அழகா இருக்கில்ல? :-) ஆறு பட்டன்ல ஆறாவது பிங்க் ப்ரௌன் பட்டந்தான் ரெகார்ட் செய்ய அமுக்க வேண்டியது. மீதி எல்லாம் தெரிஞ்சிருக்கும். முதல்ல இடைநிறுத்தம், ப்ளே, எண்ட், ஆரம்பத்துக்கு போக, கடைசிக்கு போக. ரைட்!
ரிகார்டிங்கை ஆரம்பியுங்க. கீழே ரெண்டு ரிகார்ட் தெரியுதே. ரெண்டும் ரெண்டு ஸ்டீரியோ தடங்கள். வலது ஒண்ணு, இடது ஒண்ணு. நாம பேச பேச இது ரெகார்ட் ஆகிறது தெரியும். பேசி முடிச்சதும் எண்ட் பட்டனை அமுக்கி முடிக்கலாம். அப்புறம் சேவ் ந்னா அது .ஏயூ பைலா சேமிக்கப்படும். பிறகு நமக்கு தேவையான பார்மேட் ஆக், வேவ், எம்பி3 ந்னு சேமிக்க பைல்> எக்ஸ்போர்ட் ஐ தேர்ந்தெடுத்து சரியான வகையை தேர்ந்தெடுத்து சேமிச்சுக்கலாம். அப்புறம் அதை இயக்கி பாத்துட்டு அனுப்ப வேண்டியவங்களுக்கு அனுப்பிடலாம். பாவம் அவங்க!
நாமா இடத்தை தேர்ந்தெடுக்காட்டா அது அடாசிடியை நிறுவின போல்டர்லேயே சேவ் அகும். எங்கடா காணோமே ந்னு தேடாதீங்க!
ரைட், இப்ப எடிட்டிங்க்.
நமக்கு நோட் பேட்ல காபி, கட், பேஸ்ட் செய்ய தெரிஞ்சா அதேதான் இங்கேயும்! அதே கண்ட்ரோல் சி, எக்ஸ், வி!
மேலே இருக்கிற படத்துல இடத்தை தேர்ந்து எடுத்து இருக்கேன். அதுக்கான கர்சர் செலக்‌ஷன் முன்னிருப்பா ஆகும்; இடத்தை சொடுக்கினா போதும். இல்லைன்னா அதோட ஐகான் மேலே ரெகார்ட் பட்டனுக்கு வலப்பக்கம் I மாதிரி இருக்கு பாருங்க, அதே!
ஒரு பீஸை தேர்ந்தெடுக்க அது எங்கே வருதுன்னு க்ராஃப் மேலே வர நேரத்தை பாத்து குறிச்சுக்கொள்ளணும். ஆரம்பிக்கவும், முடிக்கவும் இடத்தை குறிச்சுக்கணும். முதல் இடத்தை சொடுக்கணும். ஷிப்ட் விசையை அமுக்கிக்கொண்டு இரண்டாவது இடத்தை சொடுக்கினா நடுவில இருக்கிற துண்டு செலக்ட் ஆயிடும். என்ன? இது வேர்ட்ல அல்லது நோட்பேட்ல ஒரு சில வார்தைகளை தேர்ந்தெடுக்கற மாதிரித்தானே இருக்கு? ஆமாம். அதே போலத்தான்!
இப்ப கண்ட்ரோல் சி ந்னா காபி ஆகும். கண்ட்ரோல் எக்ஸ்ன்னா வெட்டப்படும். எப்படி இருந்தாலும் தேர்ந்தெடுத்த இடம் காணாமல் போய் க்ராஃப் திருப்பி ஒண்ணா ஒட்டப்படும்!
கண்ட்ரோல் வி யும் அதே மாதிரித்தான்னாலும் நாம பார்க்கிற விளைவு வேறயா இருக்கும்.


கண்ட்ரோல் வி ஐ அழுத்த திடும்ன்னு ரெண்டு சானல் கீழே உருவாகி அதில பேஸ்ட் ஆகும்!
என்னடா இதுன்னு பயந்துக்க வேண்டாம்!
டெக்ஸ்ட் பைல்ல கண்ட்ரோல் வி செய்தா புது பீஸ் தேர்ந்தெடுத்த இடத்துல சொருகப்படும். ஆனா இங்கே அது சேர்க்கப்படும்.
வித்தியாசம் என்னன்னு கேக்கறீங்களா? கேளுங்க கேளுங்க! நீங்க புத்திசாலி! அதான் இப்படி எல்லாம் கேட்கத்தோணுது!
இப்படி சேர்த்த பிறகு ஒலிக்கோப்பை அதாங்க ஆடியோ பைல் - ஆரம்பத்துலேந்து ப்ளே பண்ணா இந்த இடத்தில ரெண்டுமே சேர்ந்து கேட்கும்! அதாவது மேல இருக்கிற ரெண்டு சானல், கீழ இருக்கிற ரெண்டு சானல்ல இந்த இடத்துல இருக்கிறது எல்லாம் சேந்து ஒலிக்கும்!
இதை நமக்கு தேவையான படி கையாளலாம். இந்த மாதிரி பேஸ்ட் செய்யறது ஒரு பேக் க்ரௌண்ட் இசையா இருக்கலாம். அப்ப நமக்கு அது தேவை.
இல்லை, தப்பா சொன்னதை சரியா திருப்பி ரெகார்ட் பண்ணி அதை இங்கே ஒட்டறோம்ன்னா.... ஒண்ணு மேலே இருக்கிற ட்ராக் ஐ வெட்டி வேண்டிய தூரத்துக்கு நகர்த்திடலாம். அல்லது இன்னும் சுலபமான வழி தேவையில்லாத நீக்க வேண்டிய இடத்தை தேர்வு செய்து அதை மட்டும் ம்யூட் செய்யலாம்!

ஸ்க்ரீன்ஷாட் பாருங்க. மேலே சானல்களில் இருக்கற தப்பான ரெகார்டிங் தேர்ந்து எடுத்து இருக்கு. அதுக்கு கீழே புதுசா ரெகார்ட் செய்து இருக்கு. ஆமாம். பாஸ் போட்டுட்டு, அப்புறம் ரெகார்ட் செய்தா அது கீழே புது சானல்களிலத்தான் ரெகார்ட் ஆகும்! வேற இடத்துல புதுசா ரெகார்ட் பண்ணி கட்/ காபி பேஸ்ட் பண்ணாலும் அது பார்க்க இப்படித்தான் இருக்கும்.
ரைட், எடிட்> ரிமூவ் ஆடியோ> சைலன்ஸ் ஆடியோ தேர்ந்தெடுத்து சொடுக்கினா, அந்த இடத்துல இருக்கற ஆடியோ ட்ராக் காணாமப்போயிடும்! ப்ளேல இந்த இடம் வந்ததும் கீழே இருக்கிற ரெகார்டிங்க் மட்டுமே கேட்கும்!
இப்ப கீழ அதிகமா ரெகார்டிங் இருக்கு இல்லே? இந்த இடத்துல நாலு சேனல்ல இருக்கிறதும் கேட்கும். நமக்கு கீழே ரெண்டாவது வேவ் வேண்டாம். ரொம்ப சரி. முன்ன சொன்ன மாதிரி ஆரம்ப முடிவு இடங்களை தேர்ந்து எடுத்துட்டு, டெலீட் பட்டனை... அதாங்க, நம்ம விசைப்பலகையில் இருக்கிற டெலீட் பட்டன்!.. அதை அமுக்கிட்டா டெலீட் ஆயிடும்! ஸோ சிம்பிள்!
எல்லாம் முடிச்சு தேவையான பார்மேட்ல சேமிக்கிறப்ப எல்லாம் ட்ராக்கையும் மெர்ஜ் பண்ணிடவா - ஒண்ணாக்கிடவா- ந்னு கேட்கும். அதானே நமக்கும் வேணும்! ரைட் ந்னு சொல்ல சேமிச்சுடும்.
இப்ப நமக்கு ரெகார்ட் செய்ய, சேமிக்க, காபி/ கட் - பேஸ்ட் செய்ய தெரியும்! எடிட்டிங் என்கிறது அவ்ளோதானே? அவ்ளோதாங்க! வேலை முடிஞ்சது!
அடுத்த பதிவில கொஞ்சம் டிப்ஸ் ட்ரிக்ஸ் பார்க்கலாம்.
2014 ஆண்டுக்கோ பொங்கலுக்கோ வாழ்த்து ரெகார்ட் பண்ணி மக்களுக்கு அனுப்புங்க! ஹாப்பி ரெகார்டிங்!

Saturday 30 November 2013

ஆண்ட்ராய்ட் அப்டேட் -1

ஹலோ! நல்லா இருக்கீங்களா? உங்க ஊர்ல மழை உண்டா? எங்கூர்ல வழக்கமா நல்லா பெய்யும். போன் வருஷமும் சரியா இல்லை. இந்த வருஷமும் இது வரைக்கும் திருப்தியா இல்லே. என்ன செய்யறது? கலிகாலம்!

கிடக்கட்டும். நான் முன்னே ஒரு ஏர்டெல் ஹைஸ்பீட் யூஎஸ்பி டேடாகார்ட் வாங்கினேன். (ஹிஹிஹி! இந்த ஹைடெக் வார்த்தை எல்லாம்தான் இப்ப நமக்கு பழக்கமாயிடுத்தே!) அதை லாப்டாப்பில சொருகி உலாவிகிட்டு இருந்தேன்.

ஸ்மார்ட்போன் வாங்கின பிறகு இதிலேந்து சிம்கார்டை கழட்டி ஸ்மார்ட்போன்ல போட்டு அப்பப்ப உலாவிகிட்டு இருந்தேன். திடீர்ன்னு ஞானோதயம் ஆச்சு! ஸ்மார்ட்போன்ல போட்டா டேடா கம்மியாத்தான் ஆகிறது! முன்னே எல்லாம் ஒரு மாசத்துக்குள்ள அந்த மாச கோட்டா தீர்ந்து போய் ரிந்யூ பண்ண வேன்டி இருந்தது. ஸ்மார்ட்போன்லேயே உபயோகிக்க ஆரம்பிச்ச பிறகு மாசம் முழுசும் வருது! மொபைலுக்காக தனியா பலரும் தளங்களை வடிவமைக்கிறதும் காரணம். டேடா பறிமாற்றம் குறைவா இருக்கும்.

ரைட்! ஆனா இன்னொரு பிரச்சினை வந்தது. ஆண்ட்ராய்ட் கைபேசில சீசீசீக்கிரம் பேட்டரி டவுன் ஆக ஆரம்பிச்சது. இதென்னடாதுன்னு ஆராய்ஞ்சு இன்னொரு விஷயம் கண்டு பிடிச்சேன்! சிம் கார்டை  டிஸேபிள் பண்ணி வைக்கலாம். ரெண்டுத்துல ஒண்ணை உலாவ தேவையில்லாத சமயத்துல டிஸேபிள் பண்ணி வெச்சா பேட்டரி இன்னும் அதிகநேரம் வருது! இது சிம்பிள் லாஜிக்தானே!





செட்டிங்க் பட்டன் மேலே வலப்பக்கம் இருக்கு பாருங்க!


ட்யூயல் சிம் செட்டிங் மேலே இருக்கு. அதை அழுத்த....


மேலே ஏர்டெல். கீழே செல்ஒன். ஏர்டெல்லை ஆப் பண்ணி வெச்சிருக்கேன் பாருங்க. திருப்பி வேணும்கிற போது அதை ஆன் பண்ணி அப்படியே கீழே அம்பு காட்டற இடத்தில் டேடா கனக்ஷனுக்கு ஏர்டெல் ஐ தேர்ந்து எடுத்துக்கலாம்!




அப்புறம் நம்ம அபிமான இந்த வலைப்பூவை காப்பி அடிச்சு கூகுளான் ஒரு வலைத்தளத்தை ஆரம்பிச்சு இருக்கான். http://hwgo.com
பெண்களுக்கு கணினி பத்தி சொல்லிக்கொடுக்கறானாம். நாம எப்பவோ ஆரம்பிச்சாச்சு! கர்ர்ர்ர்ர்ர்ர்ர்ர்ர்ர்ர்!