அன்ட்ராயர் - 7

key words: android, ICS, beginners, elders, howto android phone.Tamil.

 அடுத்து கூகுள் செட்டிங்க்ஸ். இதுல கூகுள் சைன் செய்யற ஆப்ஸ், மேப்ஸ், லொகேஷன், தேடல், விளம்பரங்கள் எல்லாம் இருக்கு. விளம்பரங்கள்? முன்னே ஆப்ஸ் கூட விளம்பரங்கள் வரும்; அதனால் பயன்பாடு ஃப்ரீயா கிடைக்கும்ன்னு சொன்னேன் இல்லையா? அதுல இது பரவாயில்லை, இது வேண்டாம்ன்னு சொல்லலாம் போல இருக்கு! அப்பாடா!

கூகுள் ஸ்கை: வானத்தில இருக்கற நக்ஷத்திரங்கள் கிரகங்கள் எல்லாம் என்ன, எங்கே இருக்குன்னு தெரிஞ்சுக்க பயனாகும். ரொம்பவே சுவாரசியம்!

Indian rail பிஎன்ஆர் ஸ்டேடஸ் லேந்து கட்டண விவரம் வரை கண்டுபிடிக்க பயனாகும். வலை கனெக்ஷனும், சர்வரும் ஒத்துழைக்கணும். இல்லாட்டா கும்பெனியார் பொறுப்பல்ல!

jota text editor - திடீர்ன்னு கவிதை மூட் வந்து அப்படியே பொங்கி வந்தா பேப்பர் பென்சிலா தேட முடியும்? இத ஓபன் பண்ணி அப்படியே அந்த ரத்தினங்களை எழுதி சேமிச்சு வைங்க!

Local எங்கே இருக்கோம்ன்னு சில தொண்டு கிழங்களுக்கு புரியாம போயிடுமே! அப்படி நமக்கும் ஆச்சுன்னா பயனாகும்!

Maps கூகுள் மேப்ஸ் பத்தியும் சொல்ல வேணாம். பலருக்கும் தெரியும்.

Messaging ஆமா, எஸ்எம்எஸ் அனுப்ப...

Music இசை இசைஐஐஐஐஐஐ கேட்க. ஆமா, கதைகளும் ப்ரவசனங்களும் கூட கேட்கலாம். அவசியமா ஒரு நாய்ஸ் கேன்சலேஷன், இன் கனால், 3.5 ஜாக் இருக்கிற ஹெட்போன் வாங்கிக்குங்க!

Navigation திடீர்ன்னு ஒரு இடத்துக்கு போக வேண்டி இருக்கு. நாம் இருக்கற இடத்துலேந்து எப்படி போறது? வழிய இது சொல்லும். ஒரு முறை திருவள்ளூரிலேந்து அப்போலோ லைவ் ஆஸ்பத்திரிக்கு (அது எங்கே இருக்குன்னு கூட அப்ப தெரியாது) வழி கேட்டா சமத்தா இங்கிருந்து இங்கெ ட்ரெய்ன் பிடிச்சு போ. இங்க (யாசர்பாடி) இறங்கி இந்தப்பக்கம் இவ்வளோ மீட்டர் நட. பஸ் ஸ்டாப்ல 28 ஆம் நம்பர் (? நினைவு இல்லை) பிடி. இத்தனாவது ஸ்டாப்ல இறங்கி 200 மீட்டர் நட ன்னு கொடுத்த விவரங்களை பாத்து அசந்து போயிட்டேன்.

Notes இன்னும் சிம்பிளான உரை திருத்தி.

Phone ஹிஹிஹி. அன்ட்ராய்ட் அடிப்படையில போன்தாங்க. முன்னமேயே இது பத்தி 5 ஆவது பதிவிலே எழுதியாச்சு.

Playstore ம்ம்ம்ம்ம் ஆப்ஸ் எங்கிருந்து கிடைக்கும்ன்னு எழுதினேன் நினைவிருக்கா? அதை இங்கிருந்தே அணுகலாம்.

Settings கணினி அமைப்பு மாதிரி இதுவும். இத அப்புறம் விரிவா எழுத... ணும்... எழுதுவேனோ என்னமோ!

SIM Toolkit உங்களோட சிம் கார்ட் வழியா உங்க சர்வீஸ் ப்ரொவைடர் தர சில விஷயங்கள். மை போர்டல், கிரிக்கெட், ஜோசியம்ன்னு சிலது இருக்குமே அது.

Skype வலை மூலமா அமேரிக்கா, அவுஸ்த்ரேலியா ன்னு எங்கேயோ இருக்கிற பேரன் பேத்திகளை பாத்து பேசறோமே, அது!

Sound recorder திடீர்ன்னு தோணுகிற கவிதைகளை எழுதத்தான் வேணும்ன்னு இல்லை. அப்படியே குரலா பதிவு செய்துக்கலாம்!

Sundroid தினசரி சூரிய உதயம் சூரிய அஸ்தமனம் எப்பன்னு சொல்லுகிற ஆப்!

Talk ஜிடாக்தான்....

Tamil calender இன்னிக்கு சித்திரை மாசம், பிரதமை … யோகம்... கரணம்... புரியுதில்லே?

Tamil visai தமிழ்ல எழுத நினைக்கற தமிழ் விஸ்வாசிகளுக்கு...

Voice search ஒரு பைல் எங்கே இருக்குன்னு நேரடியா தடவி தடவி தேட வேண்டாம். இதுல பேசுங்க..

YouTube நேரடியா பைல்களை ஆக்ஸஸ் செய்ய.

Zedge இது ஒரு பிரமாதமான சமாசாரம். கைபேசியில ஏற்கெனெவே இருக்கற ரிங் டோன், அலாரம், மெசேஜ் அலர்ட் எல்லாம் பிடிக்கலையா? கவலையே வேணாம். அதுக்கு இதோட சைட்க்கு போய் தேவையான கேடகரில விரும்பியதை தேர்ந்தெடுத்து நிறுவிக்கலாம்! அவசியம் செய்து பாருங்க! சாம்பிளுக்கு ஒண்ணு கேளுங்க! மேலே வலப்பக்கம் இருக்கிற ப்ளேயர் பட்டனை அமுக்குங்க!

அன்ட்ராயர் - 6

key words: android, ICS, beginners, elders, howto android phone.Tamil.

ரைட், ஆன்ட்ராய்ட் சமாசாரம் இன்னும் கொஞ்சம் பார்க்கலாம். இது பத்தி சரித்திரத்தோட எழுதிகிட்டு இருந்த பபாஷா நான்தான் எழுதறேனே ன்னு நிறுத்திட்டாரு. நான் அவர்தான் எழுதறாரேன்னு நிறுத்திட்டேன்.

அடிப்படையில் முக்கியமான விஷயங்கள் எல்லாம் பாத்தாச்சு. இப்ப ஆப்ஸ் பத்தி பார்க்கலாம். முன்னே..... ஹிஹிஹி ரொம்ப நாளாச்சு; யாருக்கு நினைவு இருக்கப்போறது? முன்னே பதிவு எழுதினப்ப ஆப்ஸ் பத்தி அப்புறம் பார்க்கலாம்ன்னு சொல்லிட்டேன்.

ஆப்ஸ் ன்னு ஒரு காலத்திலே ஆங்கிலோ இந்தியர்களை குறிப்பிட கொச்சையாக சொல்லுவாங்க. இங்கே சொல்கிறது அது இல்லே. அப்ளிகேஷன்ஸ் ஐ தான் செல்லமா குள்ளமா ஆப்ஸ் ன்னு சொல்றாங்க. திறந்த மென்பொருள் சமாசாரத்தில பெரிய உபயோகம் இதான். யார் வேணுமானாலும் ஆப்ஸ் தயார் செய்யலாம். உங்களுக்கும் அவ்வளோ துறை சார் அறிவு இருந்தா நீங்களும் செய்யலாம். இவை எல்லாம் இலவசமாகவும் கிடைக்கும். கொஞ்சம் அட்வான்ஸ்டா இருந்தா காசுக்கும் விக்கிறாங்க. சில கூடவே வர விளம்பரங்கள் மூலம் காசு சம்பாதிச்சுப்பாங்க. (இந்த விளம்பரங்கள் சில சமயம் கொஞ்சம் பலான சமாசாரமாகவும் போகலாம்; ஜாக்கிரதை!) எதானாலும் 'இது இன்னின்ன விஷயங்களை உன் போன் லேந்து தகவலா எடுத்துக்கும்; நெட் கனென்க்ட் பண்ணும்' சரியா? என்கிற ரீதியில அனுமதி கேட்டுட்டுதான் இன்ஸ்டால் ஆகும்.

அதை எல்லாம் எங்கே பிடிக்கிறது?

எல்லாம் வல்ல இறைவனுக்கு அடுத்ததா கருதப்படற கூகுளார்தான் இதையும் கொடுப்பார். மத்தவங்களும் கொடுப்பாங்கன்னாலும், நமக்கு தேவையானது இவர்கிட்டேயே கிடைக்கும். அதுவே உசிதம்.

கூகுள் ஜிமெய்ல் அக்கவுண்ட்ல லாக் இன் செய்து இருக்கிறப்ப, மேலே கிடைக்கற தேர்வுகளில ப்ளே ன்னு இருக்கும் பாருங்க. அதை தட்டினா இந்த ஆப்ஸ் இருக்கற இடத்தோட முகப்பு திறக்கும். இப்படித்தான் போகணும்ன்னு இல்லை. நேராகவும் போகலாம். மெய்ல் வழியா போகலைன்னா லாகின் செய்யணும். இதே ஐடியத்தானே நீங்க ஆன்ட்ராய்ட் போனை முதல்ல பயன்படுத்த ஆரம்பிச்சப்ப கோன்ல கொடுத்தீங்க? என்ன மறந்து போச்சா? நாலாவது பதிவிலே சொல்லியிருக்கேன் பாருங்க!

ரைட், நீங்க ஆன்ட்ராய்ட் வழியா அக்கவுண்டை கனெக்ட் பண்ணி இருந்தா உங்க போனோட ஜாதகத்தை அது அக்கவுண்ட்ல வெச்சு இருக்கும். என்ன கம்பனி, என்ன மாடல்...எல்லாம். ஏதாவது ஆப்ஸ் வேணும்ன்னு தேர்ந்தெடுத்தா அது உங்க போனுக்கு பொருந்துமா இல்லையான்னு சொல்லிடும். இல்ல உன் அன்ட்ராய்ட் ஜாதகத்துல செவ்வாய் தோஷம் இருக்கு; தோது படாதுன்னா அப்படி சொல்லிடும். ரைட் ன்னு விட்டுட வேண்டியதுதான். சரிப்படும்ன்னா நிறுவுன்னு சொன்னா, சரின்னு அதை போனுக்கு அனுப்பி வெச்சுடும். ஆக உங்க ஆன்ட்ராய்ட் வலை இணைப்பில இருக்கணும். இல்லைன்னாலும் பாதகமில்லை. உடனடியா கிடைக்கலைன்னா நினைவு வெச்சுகிட்டு உங்க போன் எப்ப கனென்க்ட் பண்ணுதோ அப்ப இறக்கி நிறுவிடும்.

சரி நான் வெச்சு இருக்கிற சில ஆப்ஸ் களை பார்க்கலாம். இதெல்லாம் உங்களுக்கு வேணும்ன்னு இல்லை. தேவையானதை நிறுவிக்கோங்க. மேலே போகு முன் கடேசியா ஒரு வார்த்தை. இது எல்லாம் கொஞ்சம் அளவு அதிகமான பைல்கள். அதனால விலான்ல கனெக்ட் பண்ணலாமா இல்லை போன்ல இருக்கிற சிம் கார்ட் அக்கவுண்டே பரவாயில்லையான்னு யோசிச்சு முடிவு பண்ணிக்கோங்க. சமீபத்தில கொஞ்சம் அஜாக்கிரதையா இருந்ததுல சிம் அக்கவுண்ட்ல பாதி கோட்டா காலி ஆயிடுத்து!

accuweather மழை இன்னிக்கு பெய்யுமா பெய்யாதா என்கிற பொய்யை அடிக்கடி தெரிஞ்சுக்க விரும்புகிறவங்க இதை நிறுவிக்கலாம். கூடவே விளம்பரங்கள் வரும்.

adobe reader பிடிஎஃப் வடிவில கதை புத்தகங்கள் நேரம் கிடைக்கிறப்ப எல்லாம் படிக்க ரொம்ப சௌகரியம்!

cache cleaner மெமரி கொஞ்சம் குறைவா இருந்தா நாம பாட்டுக்கு நெட்ல மேய மேய திடீர்ன்னு இடமே இல்லாம போயிட்டா? அதுக்குத்தான் இது.

barcode scanner பார் கோடை பார்த்தா அதை இலக்கு நோக்கி சுட்டுட்டா இது விவரத்தை படிச்சு சொல்லிடும்.

browser உலாவிதான் தெரியுமே! இதையே வெச்சுக்கலாம். அலல்து பயர்பாக்ஸ், க்ரோம், டால்பின் உலாவி....உங்க சாய்ஸ்தான்! தரவிறக்கி நிறுவிக்கலாம்.

calculator அஞ்சு முட்டாய் வாங்கினேன். ஒவ்வொன்னு பத்து ரூவா. மொத்தம் என்ன ஆச்சுன்னு தெரிய இப்பல்லாம் பலருக்கு இது வேண்டி இருக்கு!

camera காஆஆஆமிரா. சமீபத்தில பாத்த ஒருபடம் நினைவில நிக்குது. ஒரு காமிராமேன் தோளிலேந்து நிறைய காமிரா, லென்ஸ் எல்லாம் தொங்க விட்டுகிட்டு இருக்கார். எல்லாம் சேத்து ஆயிரக்கணக்கான டாலர் பொறும். ஆனா ஆக்ஸிடென்ட் ஆன காரை செல்போன்ல படம் பிடிச்சுகிட்டு இருக்கார்! ஏன்? கையில் உடனடியா கிடைக்கும். பையிலேந்து எடுத்து ஆன் பண்ணி.... பல சமயம் படமெடுக்க நினைக்கற விஷயம் காணாம போயிடலாம். போன்லன்னா எடுத்தோமா இலக்கு நோக்கி.... அதான்! வர வர செல்போன்களில ஆண்ட்ராய்ட் கைபேசிகளில இருக்கற காமிராவும் அட்வான்ஸ்ட் ஆ போய்கிட்டே இருக்கு. பாத்தான் சாம்சங்காரன்! பேசாம ஒரு போன்ல 3 ஜி கனெக்ஷன் உள்பட வலை இணைப்பு வசதியை கொடுத்துட்டான்!

clock பலருக்கும் உபயோகமாகிற விஷயம். நேரம் (எந்த நாட்டு நேரமும்) காட்டறதைத்தவிர அலாரம், ஸ்டாப் வாட்ச், டைமர் ன்னு வசதியும் உண்டு.

compass ம்ம்ம்ம் திடீர்ன்னு வெளியூர் போகிறோம். எந்த திசையில போறோம்ன்னேக்கூட தெரியாம போயிடலாம். புது இடத்தில எது வடக்கு, கிழக்குன்னு தெரிஞ்சுக்க உபயோகமாகும்.

contacts கூகுள் அக்கவுண்ட்ல லாக் செய்ததுமே இந்த விவரங்களை எல்லாம் போனுக்கு கொண்டு வந்துடும். சிலர் அவங்க ப்ரொபைல்ல போன் நெம்பர் போட்டு வெச்சிருந்தா அதுவும் காட்டும். அப்படி இல்லாத போது அவங்கவங்க விவரத்தை திறந்து add a field > phone number ஐ தொட்டு அதை உள்ளிடலாம். போன் நம்பரை ஒட்டி இருக்கிற கோடு மேலே தொட நம்பர்பேட் திறக்கும். அப்புறம் போன் செய்ய நம்பர் தட்டறா மாதிரி தட்ட வேண்டியதுதான். ஒண்ணுக்கு மேற்பட்ட நம்பர்களையும் சேமிச்சுக்கலாம்.

dolphin browser ஏற்கெனெவே இருக்கிற உலாவி இல்லாம வேற உலாவி இருந்தா பரவாயில்லைன்னு சொல்கிறவங்களுக்கு இது நல்லா இருக்கும். தமிழ் எழுத்துக்கள் ஒழுங்கா தெரியும். இன்னொரு விசேஷம் … உதாரணமா + மாதிரி விரலால எழுதினா கூகுள் ப்ளஸ் ஐ திறக்கணும்னு இதுக்கு பழக்கலாம்! கொஞ்சம் முன்னே பின்னே + மாதிரி இருந்தாலும் அது புரிஞ்சுகிட்டு திறக்கும்!

draw குட்டீஸ்க்கு ரொம்ப பிடிச்சது இது. நோட் புக் பென்சில்லால எழுத முரண்டு செய்கிற குழந்தைகள் இதுல எழுத உற்சாகம் காட்டுவாங்க. கோட்டோட்ட தடிமன், நிறம் எல்லாத்தையும் பிடிச்சபடி அமைச்சுக்கலாம்.

email

file explorer கணினில இருக்கிறது போலவேதான். இடைமுகம் கொஞ்சம் வித்தியாசமாக.

Flashlight இந்த பவர் கட் இருக்கிற நாட்களுக்கு ரொம்பவே பயன்படும். எப்பவும் திரையில இது தெரியறா மாதிரி வெச்சுக்கறது நல்லது. காமிராவுக்கு இருக்கிற எல்ஈடி விளக்கை பயன்படுத்தி இது வேலை செய்யுது. வெறும் விளக்கா மட்டும் இல்லாம போலீஸ் லைட், எஸ்ஓஎஸ் லைட் ஸ்ட்ரோப் ன்னு பல மாற்று விநியோகமும் உண்டு.

FM radio

Gallery இதான் படங்களை ஒழுங்கு படுத்தி பார்க்க உதவுகிற மென்பொருள்.

Gmail

google

ஹிஹிஹி... இதெல்லாம் என்னன்னு சொல்ல வேண்டாம், இல்லையா?

அடுத்த பக்கம் அப்புறம் பார்க்கலாம்.

வலை இணைப்பு பிரச்சினைகள்.

கொஞ்ச நாளாகவே ரொம்ப படுத்தல். நாள் முழுக்க கண் சிமிட்டற மோடத்தை பாத்து ரொம்பவே கடுப்பாயிட்டேன். இன்னிக்கு அதை ஒரு வழி செய்யரதுன்னு முடிவு பண்ணிட்டேன்.
எல்லா வயரையும் கழட்டினேன். சுவத்தில இருக்கற டெலிபோன் வயர் டெர்மினல், ஸ்ப்லிட்டர், மோடம் இவைகளோட கனெக்ட் ஆகி இருக்கிற வயர்களை எல்லாம் கழட்டியாச்சு. அதை கூர்மையா பாத்தா தங்க நிறத்தில கம்பி தெரியும் இல்லையா? எல்லாம் இன்னும் தங்கம்தானா இல்லை பச்சையா இருக்கான்னு பாத்தேன். எல்லாமே தங்க மஞ்சள்தான். இருந்தாலும் எதுக்கும் இருக்கட்டும்ன்னு எல்லாத்தையும் சுத்தம் செய்தேன்.

அதெப்படின்னு கேட்கறீங்களா? ரப்பர் இல்லை ரப்பர்? அதான் பென்சில்ன்னு ஒரு வஸ்துவை நம்ம காலத்திலே நிறைய பயன்படுத்தினோமே? அட, இந்த காலத்து பசங்களுக்குத்தான் அது தெரியவே தெரியாதுன்னா நீங்களும் மறந்து போயிட்டீங்களா? சரி சரி, நினைவு வந்தாச்சில்லே? அந்த ரப்பரை - அது ஏது உன்கிட்டன்னு கேட்க்கறீங்களா? இதுக்காகவே வாங்கி வெச்சு இருக்கேன்! நடுவில குறுக்கே பேசப்படாது, சரியா?
பாருங்க எங்க விட்டேன்ன்னு நினவு வர மாட்டேங்குது!

ஆங்! அதான் ரப்பரை எடுத்து கம்பிங்க மேலே நல்லா தேய்ச்சேன்! ஒவ்வொன்னா கழட்டி தேய்ச்சுட்டு உடனே திருப்பி கனென்க்ட் பண்ணிட்டேன். அதுக்கு முன்னாலே சொருகு வாயையும் பார்த்தேன்; கம்பி எல்லாம் சுத்தமாத்தான் இருந்தது.
ஏன் ஒவ்வொன்னா கழட்டி திருப்பி சொருகணும்ன்னு கேட்டா, எந்த கம்பி எங்க போகணும்ன்னு பின்னாடி குழம்பிடக்கூடாதுன்னுதான். இப்படித்தான் ஒரு தரம்.... விடுங்க அது உங்களுக்கு எதுக்கு!

ரைட் எல்லாத்தையும் கழட்டி திருப்பி சொருகிட்டேன்.
இப்ப கணினி மோடம் எல்லாத்தையும் மின் சக்தி ஊட்டி திறந்தா....  டண்டடைண்!
கனெக்ட் ஆயிடுத்து! இப்ப டாரன்ட் 170 ல பறக்குது!
டாரன்ட் எதுக்குன்னு கேக்கறீங்களா? நாம் மெய்லை எழுத்து கூட்டி படிக்கிறதுகுள்ளே இங்க யாரும் இல்லைன்னு நினைச்சுகிட்டு கட் பண்னிடபோகிறதேன்னுதான்!

அன்ட்ராயர் - கொசுறு

நேத்து சென்னை போயிட்டு பேருந்துல திரும்பிகிட்டு இருந்தேன். ஒரு வயசான தம்பதி எய்ல்லுக்கு அந்தப்பக்கம் வலப்பக்க சீட்டுகளில் உக்காந்தாங்க. நடுவில போன் கால் வந்தது. அந்த பெரியவர் ஒரே ஆர்வத்தோட எடுத்தார். டயரி மாதிரி போனை பிரிச்சார். புத்தம் புது ஐபோன். எடுத்தவருக்கு என்ன செய்யணும்ன்னே தெரியலை. இப்படி அப்படி பார்க்கிறதுக்குள்ள கால் கட் ஆயிடுத்து.

அதுக்கப்பறம் அவர் பட்ட பாடு இருக்கே! :-)))) இப்படி தேய்ச்சு .. அப்படி தேய்ச்சு நிறைய ஐகான்கள் இருக்கிற ஸ்க்ரீனை ஒண்ணும் புரியாம பாத்து.... அப்புறம் எப்படியோ ஹெல்ப் ஓபன் பண்ணி படிச்சார். உடனே பையிலேந்து ஹெட்போன்ஸ் எடுத்து சொருகினார். ஏதோ நம்பர் ஒரு வழியா டயல் பண்ணார் போலிருக்கு.... பண்ணினப்பறம் போனை காதில் வெச்சுகிட்டார். ஹெட்போன்ஸ் மடில இருக்கு. அதை காதில வெச்சுக்கலை. ஒண்ணும் வெர்க் அவுட் ஆகலை. அப்புறம் அந்தம்மா ஹெட்போனை எடுத்து தன் காதிலே வெச்சுகிட்டாங்க. கிட்டத்தட்ட 15 நிமிஷம் இதே அவஸ்தை. அப்புறம் மூடி வெச்சுட்டாங்க.
 பாவம்!
 வலிய போய் உதவி செய்யலாமான்னு நினைச்சேன். அப்புறம் தேடி கண்டு பிடிக்கற சுவாரஸ்யம் போகக்கூடாதுன்னு கட்டுப்படுத்திக்கொண்டேன்.

நம்ம ப்ளாகுக்கு ஒரு விசிட்டிங் கார்ட் அடிச்சு வெசுக்கணுமோ!

மின்னாக்கம் -2 ஸ்கேன்டெய்லர்.

இந்த பதிவில நிறைய படங்கள் இருப்பதால பெரிசா தோணும். உண்மையில் அப்படி இல்லை.

---------------------------------------------------------------------------------------------------------------

ஸ்கேன் டெய்லர் சமாசாரம் பார்க்கலாம்.

இந்த மென்பொருள் இலவசம். விண்டோஸ், நிக்ஸ் ரெண்டுத்துக்கும் கிடைக்கும்.

புத்தகங்களை படமெடுத்த பிறகு நமக்கு பிம்பத்துக்கு இரண்டு பக்கங்கள் கிடைக்கும். இதை எல்லாம் மேலே ஸ்கேன்டெய்லர்லேயே ப்ராசஸ் செய்துக்கலாம். ந்யூ ப்ராஜக்டை மேலே இன்புட் போல்டர் புலத்தில ப்ரௌஸ் மேலே சொடுக்கி இந்த படங்கள் இருக்கிற போல்டரை காட்டிட்டா செலக்ட் ஆல் ன்னு சொன்னா எல்லா படங்களையும் அது எடுத்துக்கும்.

ஒகே சொன்ன பிறகு அடுத்து DPI பிக்ஸ் செய்ய சாளரம் திறக்கும். எல்லாம் ஒரே மாதிரி வரணும் என்கிறதால இதில் எல்லாத்தையும் தேர்ந்தெடுத்து கஸ்டம் ன்னு சொல்லி 300*300 ன்னு கொடுக்கலாம். அப்ளை தட்டி ஒக்கே ன்னு சொல்லிடுவோம்.

இப்ப பாத்தா நமக்கு தேவையில்லாத படங்கள் சிலது சேர்ந்து இருக்கு. படத்து மேலே வலது சொடுக்க தேர்வுகளில ரிமூவ் ஃப்ரம் ப்ராஜக்ட் ன்னு வருது. இதை தேர்ந்தெடுத்தா நெஜம்மா நீக்கணுமான்னு உறுதிபடுத்திக்கிட்டு அதை நீக்கிடும். (இதை காட்ட வேணும்ன்னுதான் இப்படி செய்தேன்! தேர்ந்தெடுக்கறப்ப கவனமா தேவையானதை மட்டும் தேர்ந்தெடுக்கணும். ஒரு வேளை வேண்டாத படம் வந்தா இப்படி நீக்கிடலாம்!)

ரைட் இப்ப பாருங்க, பழுப்பு நிறத்துல சில படங்கள். ச்சும்மா சாம்பிளுக்கு சிலது மட்டும் சேர்த்தேன்.

ரைட், அடுத்து பார்க்க வேண்டியது இடது பக்கம் இருக்கிற பலகம்.

முதல் தேர்வு சாய்வா இருக்கக்கூடிய படத்த நேராக்க. சும்மா அப்படியே சொடுக்கினா வலது பக்கம் ஹைலைட் ஆகியிருக்கிற படம் மட்டுமே நேராக்கப்படும். அடுத்து வரக்கூடிய எல்லாப்படிகளுக்கும் அப்படித்தான். அதனால் கீழே ஸ்கோப் ஐ சொடுக்கி தேர்வில் எல்லாத்தையும் தேர்ந்தெடுக்கணும். பின் வலப்பக்கம் அம்புக்குறியோட இருக்கிற பட்டனை சொடுக்க எல்லா பக்கங்களுக்கும் அது செய்யப்படும்.

அடுத்த படி பக்கங்களை வெட்ட. முழு பக்கமா இருக்கலாம். அல்லது கடைசியா இருக்கிறது போல இரண்டு பக்கமா. மூன்றாவதா இடப்பக்கம் ஒரு வேண்டாத ஒட்டோட ஒரு பக்கம். தானியங்கியா செய்வதே சரியாகவே இருக்கும். இருந்தாலும் அது அப்படி செய்த பிறகு ஒவ்வொரு படமா பார்த்து தேவையானால் சரி செய்யணும்.

 அடுத்தப்படி கோணல் சரி செய்ய. அதான் முன்னேயே சரி செய்தோமேன்னா, இல்லை. அது வேற. இப்ப இரண்டு பக்கமா பிரிஞ்ச பிறகு திருப்பி சரி செய்ய வேண்டி இருக்கும். புத்தகங்களை பிரிச்ச பிறகு இரண்டு பக்கங்களும் சமமா இருக்கும்ன்னு சொல்ல முடியாது.

இதையும் தானியங்கியா செய்துடலாம். சரியாவே இருக்கும்.

அடுத்தப்படி செலக்ட் கன்டன்ட். அதாவது உரை பகுதியை மட்டும் வைத்துக்கொண்டு மீதியை வெட்டிவிடும். இந்த படியில நமக்கு வேலை அதிகம் இருக்கும். தானியங்கியா செயல்பட்ட பிறகு நிறையவே சரி செய்ய வேண்டி இருக்கும். முதல் படத்தை பாருங்க. தேர்வான இடம் ஊதா நிறத்துல இருக்கு. இடது ஓரம் கருப்பா விளிம்பு தெரிவதால அதையும் சேர்த்துவிட்டது. வலது பக்கம் மற்ற பக்கங்களோட விளிம்புகள் கருப்பா தெரிவதால அதுவும். மேல் விளிம்பும் அப்படியே. ஆனால் கீழ் விளிம்பு அந்த பிரச்சினை இல்லாம இருப்பதால சரியா வெட்டுது பாருங்க. கீழே  அடுத்த படத்துல எல்லா பக்கத்திலேயும் அதன் தேர்வு சரியாவே இருக்கு. இந்த படியில நாம் ஒவ்வொரு பக்கத்தையும் கவனமா பார்த்து சரி செய்யணும். எப்படி சரி செய்யறது? நாலு பக்கமும் ஊதா கோடு இருக்கு இல்லே? அவை சொடுக்கியால பிடிச்சு இழுத்தா இழுத்த இழுப்புக்கு வரும்! இழுத்து சரியான இடத்தில விடுங்க.

சரி அடுத்த படி. மார்ஜின். (படம் கீழே) முந்தைய படில தேவையில்லைன்னு வெட்டினதால இப்ப வெள்ளையா மார்ஜின் சேர்க்கணும். இல்லாட்டா புத்தகம் சரியா வராது, படிக்க கஷ்டமா இருக்கும். இந்த படியில் எவ்வளவு மார்ஜின் வேணும், கீழே, மேலே, பக்கவாட்டிலேன்னு தேர்ந்தெடுத்து அம்புக்குறியோட உள்ள பட்டனை சொடுக்கி மார்ஜின் அமைக்க ஏறத்தாழ வேலை முடிஞ்சது. ஆமா, ஒவ்வொரு படியிலேயும் அப்ளை டு பட்டனை சொடுக்கி ஆல் ன்னு தேர்வு செய்யறிங்கதானே? இல்லாட்டா ஒரு படம் மட்டுமே ப்ராசஸ் ஆகும்!

இந்த படியில கீழே இன்னொரு தேர்வு இருக்கு பாருங்க. அலைன்மென்ட். இதால எல்லா பக்கங்களையும் ஒரே அளவா அமைக்கலாம். சில அத்தியாயங்கள் முடிகிற பக்கத்தில -உரைப்பகுதி - கன்டென்ட் பாதி பக்கம்தான் வரும், இல்லையா? அதனால இந்த படி வேணும்.

கடைசியா இருக்கிற படி அவுட்புட். இங்க முதல் தேர்வு டிபிஐ அமைக்கிறது. நாம 300*300 ன்னு முன்னேயே தேர்ந்து எடுத்து இருக்கறதால அதையே அமைக்கலாம். 

அடுத்து மோட். ப்ளாக் அன்ட் வைட் என்கிறது எல்லாம் உரைகளுக்குமானது. படம் இருந்தா அந்த பக்கத்தை க்ரே ஸ்கேல்/ கலர் ல அமைக்கலாம். படம் உரை இரண்டும் இருந்தா மிக்ஸ்ட். இப்படி செய்யாட்டா பக்கம் கண்ணறாவியா இருக்கும்.

சரி தேர்வுகளை முடிச்சு அம்புக்குறி பட்டனை தட்டிட்டு அடுத்த வேலையை பார்க்க போகலாம். இது வரை மென்பொருள் தேவையான மாற்றங்களை குறிச்சு வெச்சுதே தவிர வேறு செயல் எதையும் செய்யலை. அதனால இப்ப வேறு மாறுதல்கள் வேணுமானா பின்னே போய் தேவையான படிகளில மாறுதல்களை செய்யலாம். இப்ப இந்த பட்டனை சொடுக்கிய பின்னால்தான் எல்லா மாறுதல்களும் செய்யப்பட்டு படங்கள் முன்னே தேர்ந்தெடுத்த வெளியீட்டு அடைவுக்கு சேமிக்கப்படும். இத்தனையும் செய்ய நேரமாகும் என்பதால நாம் கணினியை வேலை செய்யவிட்டு விட்டு வேறு வேலையை பார்க்க போகலாம். வேலை முடிஞ்ச பிறகு அது மணி அடிச்சு தெரிவிக்கும்!

முடிவா ப்ராஜக்டை சேமிக்கிறது நல்லது. நமக்கு வேண்டிய படங்கள் எல்லாம் இப்ப  கிடைச்சுட்டாலும் பின்னால் எதேனும் மாற்றம் தேவையானால் ப்ராஜக்டை திறந்து மாற்றங்களை செய்யலாம். விடு பட்ட பக்கங்கள், விடுபட்டு போன படம் உள்ள பக்கங்களை படத்துக்காக திருத்த... இப்படி பல மாற்றங்கள் தேவையாக இருக்கலாம்.

இப்ப படங்களை பார்த்தால் கருப்பு வெள்ளையாக தெளிவாக இருக்கும். இவற்றை அடுத்து உங்கள் அபிமான மென்பொருளால மென்நூலாக மாற்ற வேண்டியதுதான். அது தனி டாபிக், தனி பதிவு!

அன்ட்ராயர் -5 ( android )

key words: android, ICS, beginners, elders, howto android phone.Tamil.

----------------------------------------------------------------------------

பபுச்சா என்று அன்பாக அழைக்கப்படும் கொல்லி மலை சித்தர், குருஜி, விவசாயி என்று பல அவதாரங்களை எடுக்கும் பலாபட்டரை ஷங்கர் ஆண்ட்ராய்ட் பத்தி வரலாறு, எதை வாங்கலாம் போன்ற பலதும் எழுதுகிறார். அவசியம் இதை படியுங்கள்.
------------------------------------------------------------------------
சரி, ஸ்மார்ட் போன் அதோட பேர் சொல்றா மாதிரி அடிப்படையில போன்தான். காமிரா உலாவி எல்லாம் எக்ஸ்ட்ரா பிட்டிங்தான்!

உங்க பழைய செல் போன்ல இருக்கிற டெலிபோன் நம்பர் எல்லாத்தையும் இதுல ஏத்தணுமே! அதுல எஸ்டி கார்ட் இருந்தா அதுக்கு பேக் அப் செஞ்சுட்டு கார்டை இதுல தூக்கிப்போட்டா முக்காவாசி வேலை முடிஞ்சது. பின்னால போன் நம்பர்களை சேர்க்க கான்டாக்ட்ஸ் ன்னு இருக்கிற ஐகானை தொட்டு உள்ளே போய் ஆப்ஷன்ஸ் வழியா உள்ளே வாங்கிக்கலாம். விவரங்களுக்கு படங்களை பாருங்க. ஒரு அப்ளிகேஷன்ல ஆப்ஷன்ஸ் எங்கே இருக்குன்னு கேக்கறீங்களா? நல்ல கேள்வி! android 4 ICS ல சாதாரணமா ஸ்க்ரீன்லேயே இருக்கும். இல்லைன்னா கீழ் படத்திலே கீழே வலது மூலையில 3 புள்ளிகள் ஒண்ணு மேல ஒண்ணா இருக்கு, பாருங்க, அதை அழுத்த ஆப்ஷன்ஸ் தெரியும்.

(மேலே) இம்போர்ட் எக்ஸ்போர்டை அழுத்துங்க.

(மேலே) எந்த இடத்துக்கு கான்டாக்ட்ஸ் இழுக்கணும்? செலக்ட் செய்து நெக்ஸ்ட் ஐ அழுத்துங்க.

(மேலே)  எங்கிருந்து கான்டாக்ட்ஸ் இழுக்கணும்? செலக்ட் செய்து நெக்ஸ்ட் ஐ அழுத்துங்க.

(மேலே) தேவையானதை மட்டுமோ எல்லாத்தையுமோ இழுத்துக்கலாம். செலக்ட் செய்து நெக்ஸ்ட் ஐ அழுத்துங்க.

அடிக்கடி பயன்படுத்தறது போனா இருக்கும்; அதனால அதோட ஐகானை அவசியமா ஹோம் ஸ்க்ரீன்ல வெச்சுக்கணும். அதை தொட டயல் பேட் வரும். நம்பரை ஒத்தவேண்டியதுதான். அது சரி! இந்த செல்போன் எல்லாம் வந்த பிறகு யாருக்கு எந்த நம்பர் நினைவிருக்கு? என் நம்பரே கூட எனக்குத்தெரியாது! யாரானா கேட்டா இப்ப உனக்கு மிஸ்ட் கால் கொடுக்கறேன், பாத்துக்கன்னு சொல்ல வேண்டி இருக்கு!

இதிலியே அடுத்து அடுத்து டேப்கள் இருக்கும். சாதாரணமா அடுத்த டேப் அடிக்கடி கூப்பிட்ட நம்பர்கள். அதுக்கு அடுத்து போன் நம்பர் புக். வலது பக்கம் ஏ, பி, சி தெரியும். தொடுகிற எழுத்துல ஆரம்பிக்கிற நபர்களோட எண்கள் தெரியும். கீழே பூதக்கண்ணாடி தெரிஞ்சா அது தேடல் உதவி. அதைத்தொட விசைப்பலகை திறக்கும் பெயரை உள்ளிட ஆரம்பிக்கும்போதே தேர்வுகள் தெரிய ஆரம்பிக்கும். எண்ணை தொட அது டயல் ஆகும். பேசும்போது ஸ்க்ரீன் ஆஃப் ஆயிட்டாலும் பேசி முடிச்சதும் டயலர் தெரியும். அதுல கீழே இருக்கும் சிவப்பு பட்டையை தொட கால் கட் ஆகும்.

இதே போல கால் வரும்போது ஸ்க்ரீன் ஒளிர ஆரம்பிக்கும். நடுவில் இருக்கிற ஒளி வட்டத்தை வலது பக்கம் இழுத்துப்போக அங்கே கால் ஏற்றுக்கொள்ள இடம் வரும். அங்கே விட்டுவிட கால் கனெக்ட் ஆகும். இடது பக்கம் இதே போல ஏற்க மறுக்கிற இடம் இருக்கு. மேலே ஹோல்ட்.

பேசும் போது சரியா கேட்கலைன்னா வால்யூம் பட்டன் - அதான் (இடது) சைட்ல இருக்கே- அத பயன்படுத்தி சத்தத்தை அதிகமாக்கி கேட்கலாம். எதிர் முனை ஆசாமி அந்த காலத்து ட்ரங்கால் பேசறாமாதிரி சத்தம் போட்டா குறைச்சுக்கலாம்.

மின்னாக்கம்

நல்லாயிருக்கீங்களா? ரொம்ப நாளாச்சு பாத்து.

(இது குறித்த முதல் பதிவு பிடிஎஃப் கோப்பாக இங்கே இருக்கிறது. முதலில் அதைப்படித்தால் இது சரியாக புரியும். திருத்தியது 31 மே 2021)

இன்னிக்கு மின்னாக்கம் பத்தி பேசபோறேன். பழைய நூல்கள் ஓலைச்சுவடிகள் இவற்றில் எழுதி இருக்கறதை பாதுகாக்கிற முயற்சியில சில வருஷங்களா ஈடுபட்டு இருக்கேன். 'புகைப்படம்' எடுக்கிற வழியில இதை முயற்சி செய்துகிட்டு இருக்கேன், இதற்கு முன் இருந்த பல வழிகளை விட நான் பின்பற்றிய வழி கொஞ்சம் நல்லா இருந்ததே ஒழிய இன்னும் திருப்தி ஏற்படலை. ஒண்ணாவது, புத்தகம் பழைய புத்தகம்தான் நான் ன்னு சொல்கிற விதத்தில வெறும் கருப்பு வெள்ளையா அமையாம பல சாயல்களில் இருந்தது. இரண்டாவது ஒவ்வொரு மென்புத்தகமும் ஒவ்வொரு மாதிரி இருந்தது. சிலதுல நல்லா ஜூம் செய்து பார்க்க முடியும். சிலதுல முடியாது. சிலதுல மொத்த கோப்பு அளவு குறைவா இருக்கும். சிலதுல அதிகமா இருந்தும் நல்லா இருக்காது. இப்படி ஒரு செந்தரமா இல்லாம இருந்தது.

தொடர்ந்து பல சோதனைகளை செய்துகிட்டு இருந்தேன்.

முதல் முன்னேற்றம் ஸ்கேன்டெய்லர் என்கிற மென்பொருள் தொடர்பானது. இதோட உள் பொதிந்த அன்பேப்பர் போன்றதை எல்லாம் தனித்த்னியே முன்னே பயன்படுத்த முயற்சி செய்து இருக்கேன். அவற்றில் இருந்த சிக்கல்களை எல்லாம் சரிசெய்து ஸ்கேன்டெய்லர் என்கிற இலவச மென்பொருளா இப்ப கிடைக்குது. முன்னே செய்த பக்கங்களை பிரிப்பது, சுழற்றுவது, கருப்பு வெள்ளையாக்குவது போன்ற பல படிகளை இது ஒண்ணே செய்து முடிக்குது. இது வேலையை சுலபமாக்கிவிட்டது. ஆகவே படங்களை ப்ராசஸ் செய்வது இப்ப படு சுலபமாகிவிட்டது.

இரண்டாவது முன்னேற்றம் காமிரா பத்தியது. ஸ்கேன் டெய்லரை பயன்படுத்தியும் இருந்த சில சிக்கல்களின் காரணம் புரிய வந்தது.

இதைப்பத்தி முதல்ல சொல்லிடறேன். அதிகமில்லை என்கிறதால இது கொஞ்சம் சுலபம்.

நல்ல தெளிவான பிம்பங்களா புத்தகம் இருக்க ஸ்கேன்டெய்லருக்கு தேவையான தெளிதிறன் 300டிபிஐ(DPI). அதாவது ஒரு இஞ்சுக்கு 300 புள்ளிகள். இவ்வளவு விவரம் வேணும். மென்பொருட்களாள இதை கொண்டுவரலாம்ன்னாலும் சட்டியில் இல்லாதது அகப்பையில் வராது என்பது போல மூல படத்தில் இல்லாத விவரம் வராது. ஒரு சின்ன ஏமாத்து வேலை போலத்தான் அது.

இப்ப வர சாதாரணமா ஒரு புத்தகத்தோட அளவு 7 இஞ்ச் உயரம் 4 ½ இன்ச் அகலம். பிரிச்சு வெச்சு படம் எடுக்கறதால பிம்ப அகலம் 9 இன்ச். ஆக பெருக்கினா 63 சதுர இன்ச். ஒருசதுர இன்ச்சுக்கு நமக்கு 300*300 90000 பிக்சல் வேணும். 63 க்கு 5670000 பிக்சல். மில்லியனால வகுத்தா தோராயமா மெகா பிக்சல். அதாவது 5.67 மெகாபிக்சல் காமிரா வேணும்.

அந்த காலத்து பல புத்தகங்கள் 9 இன்ச் உயரம். 6 இன்ச் அகலம். அதனால இதையே கணக்கு செய்யலாம். 9*12 = 108. இதுக்கு தேவை குறைந்தது 9.72 மெகாபிக்சல் காமிரா. இவ்வளவு சரியா காமிரா அமையாது! ஆனா நமக்கு தேவையானது இதுக்கு மேலேன்னு தெரிஞ்சுக்கலாம்!

அதிர்ஷ்டவசமா இப்ப இந்த கான்பிகரேஷன் காமிரா சுமார் 10 ஆயிரத்துக்கே கிடைக்குது. முன்னே 8 மெகாபிக்சல் காமிரா 13 ஆயிரத்துக்கு வாங்கினேன். (யாரும் காமிரா வாங்கறதா இருந்தா தைரியமா வாங்கலாம். நான் வாங்கினா ஒரு மாசத்துக்குள்ள விலை குறையும் என்கிறது நிச்சயம்!) இப்ப அதே விலைக்கு 16 மெகாபிக்சல் காமிரா வாங்கி இருக்கேன்!

மற்றபடி படமெடுக்கும் டெக்னிக் எல்லாம் அதேதான்; மாற்றமில்லை.

முன்னே தயார் செய்த அட்டைப்பெட்டி எனக்கு ரிடயர்மென்ட் கொடுன்னு கொஞ்சித்து. நல்லா உழைச்சுட்டே, போய் வா ன்னு அனுப்பிட்டேன்.

இப்ப சமீபத்தில பெட்டி தயார் செய்தப்ப நான்கு மூலைகளிலும் பொருத்த தகுந்தபடி மூணு பக்கம் உள்ள பை ஜாய்ன்ட் கிடைச்சது. (படத்தை பாருங்க) இது பெட்டி தயாரிப்பை சுலபமாக்கிவிட்டது. எந்த கடையில் இந்த மாதிரி ஜாய்ன்ட் கிடைக்கும்ன்னு தெரியலை. யாருக்கும் தெரிஞ்சா சொல்லுங்க. பைப்பாலேயே ப்ரேம்வெர்க் மாதிரி செய்துவிட்டு எல்லா பக்கமும் டிஸ்யூ பேப்பர் சுத்தியிருக்கேன். இது இன்னும் அதிக வெளிச்சத்தை உள்ளே விடுது. கீழே வெள்ளை தெர்மோகோல் பலகம். மேலேயும். இதனால் வெள்ளை பேப்பர் ஒட்டறதை தவிர்த்துவிட்டேன். சிஎஃப்எல் பல்ப், பக்கவாட்டு வெள்ளை தடுப்பு, உள்ளே கண்ணாடி, இதில் எல்லாம் மாற்றமில்லை.

அடுத்து ஸ்கேன் டெய்லர்.